🙂موضوعنا عن الأرتباط🙂
ربنا قادر يتحكم في مشاعرنا صح؟
=صح
هتقوليلي طيب ليه ربنا خلاني أحبه طالما هو مش خير ليا ومش هيبقي من نصيبي ؟
=أستوعبي معايا كدة سؤالك يعني أبقا قاعدة في امان الله فـربنا يلهمني اني اروح اكلم ولد وأرتبط بيه
ربنا مبيزرعش فينا غير الخير، الخير وبس.
أنتي الل مشيتي ورا شيطانك وشر نفسك
اصلآ بنسبة 99%مبيبقاش حب ده بيبقي نقص او اعجاب
-نقص!
=اه نقص انتي نقصانه اهتمام ، نقصانه حنية، نقصانه حد يطبطب عليكي انتي نقصانه حب ياحبيبتي وده يا اما العيب من الاهل او الصحبة او انتي الل طماعة بقا🤷🏻♂️
للأسف معظم البنات اللي مرتبطين بيكونوا في سن 15 او 16 سنه
مسألتيش نفسك قبل كده ليه السن ده؟ هقولكوا انا ليه مره شوفت واحد بدون ذكر اسماء بيقول لصاحبه متعرفش حته كده اندر ايديج تخيلي! تخيلي كده انك بيتقال عليكي حته وكانك لا شئ ياللي بتنادي بحرية المرأه وشايفه ان الدين ضدها رغم ان الدين خلاكي غاليه وانتي مغلتيش نفسك.
عارفه بقا ليه ارتبط بيكي وانتي اندر ايدج؟ عشان بتكوني لسه بريئه ومش فاهمه في الدنيا ولا لسه قرأتي حاجه عن الدين بيستغل سنك وقلة نضجك معظم المشاكل بتكون بسبب الارتباط طب ليه؟ ليه توجعي في قلبك وتغضبي ربك وتخوني اهلك مع واحد خان عهده مع ربه ومعاكي ارجوكي فوقي
هو كـشاب عارف هو بيعمل اي؟
عارف أنك في سن محتاجة اهتمام
يسألك نمتي ، صحيتي ، كلتي ، خرجتي ، رجعتي ، وفي اللي بيدخل من باب الدين صليتي ؟ هصحيكي للقيام النهاردة وهو عارف ان اللي بيعمله ده حرام وانتي كمان عارفة كده "اتأمنون ببعض الكتاب وتكفرون بعض"
فـ هو الباشا هيعمل اي ؟
هيهتم بيكي وبعدين مع الوقت الاهتمام يقل و في منهم بنسبة 1%عشان مظلمش حد بيقي نيته كويسة لكن هو لو بيحبك كان صبر واستني لما تبقي ليه في الحلال غير كده بيتسلي لو بيحبك مش هيكمل ذنب انتي لقدر الله موتي في اي وقت هتتحاسبي عليه هتقعي من علي الصراط بسببه ابعتي ليه مسدج احنا لازم نسيب بعض علشان حرام هندخل احنا الاتنين النار بسبب الذنب ده لو رفض وقالك مش هقدر استغني عنك انتي الهوا اعرفي انه مينفعش تكملي نهائي لو بيحبك مش هيستحمل انك تتعذبي في النار والقبر دقيقة واحدة .
لو كان بيحبك مجرد ما هتقولي كده هتغلي في نظرة ويحاول يحافظ عليكي وهيبعد عنك لحد ماا يتقدملك لكن هو مش عايز انتي اللي تقفلي معاه هو عايز يبعد هو بعد ما يشبع منك ويلاقي واحده تانيه يتسلى بيها تخيلي انك مجرد وقت فاضي في حياة الباشا ده مش اكتر
مين اللي قال ولا متخذات أخدان ولا متخذي أخدان.
يعني لا البنت تكون مرتبطه بـ شاب ولا العكس
لما ربنا بعزته وجلاله يحرم العلاقة بين الشاب والبنت خارج إطار شرعي يعني لا بينكم خطبة او عقد قرآن يبقيي والدك او والدتك يحللوا ويحرمو بتاع اي؟
والحب الحرام لا يتمه الله بل يكوي به أصحابه والحلال ينير قلوبآ يظن من شدة ظلمتها أنها لن تنير قط.
الحب الحرام هيفضل حرام حتي لو والدك ووالدتك عارفين.
هيفضل حرام حتي لو بيحفظك قرآن
أفضلي ادعي الدعوات دي .
يارب متعلقش قلبي غير بيك.
يارب اجعل اول دقة حب في قلبي تكون لزوجي مش لحد تاني.
يارب ابعدني عن شر الفتن وشر الشيطان وشر نفسي
يارب ارزقني بزوج صالح يأخذ بايدي للفردوس ويقربني منك اكثر ويكون اب صالح لأولادي
كل ما تفكري في الارتباط افتكري الرسول عليه افضل الصلاة والسلام لما قال عننا (فإنهن المؤنسات الغاليات)
غلي نفسك واحفظي قلبك للي يجي البيت من بابه.💙💙💙
