المخلص "باللهجة العراقية "

البارت الرابع والثلاثون

-كعدني بحضنه ويفتح بشعري مجانت التسريحه مبالغ
بيها بحيث بسهوله فتحه شم خصلاته ومددني صار فوكاي هنا انتهيت انفاسي نكطعت.. طفي الضوه حباب
والله استحي..

-اش عوفي بس باوعي بعيوني واذا متكدرين لا تضغطين على نفسج بس اشاره منج اعوفج والله لا تخافين مسد على شعري وجسمي ايده تمشي بهدوء
فتحي عينج لا تغمضين ابد..

-بطني اذتني واختنكت اريد ادفعه ما اكدر افتح عيني
اشوفه المخلص ومعاملته الي بكل رقه بس ليش اختنكت ليش لمسات القذر تجي وتروح على بالي ارمش ضليت وبدون شعور تنزل دموعي من صارت صدك وتقرب مني دفعته ما تحملت ما تحملت اكثر وصلت باب الغرفه تقيات ابجي بحركه ومعدتي احسها فرغت حتى الاحشاء وهو واكف عيونه عليه بقهر..

-نزل المستواي ايده تمسح على ظهري الي ما يغطي
شيء خجلانه مقهوره وكل المشاعر متضاربة عندي
ليش ما جاي ارتاح واريح كلبه وياي مو كافي خلصت منهم بس ما خلصت من الي سووه بيه خلصت من اشكالهم القذره بس ما خلصت من كابوسهم ولا من لمساتهم وتاثيرها البشع على روحي مو كافي شطالبني
بعد كافي اطلعوا من راسي كافي ياربي بعد ما اكدر
اتحمل تعبت..

-كومني بدون ما يحجي شيء غسل وجهي واني اريد ابطل بجي ما اكدر بلحظة وحدة كل الفرحة طلعت من عيني كل الي بنيته من قوة نهدم مو بيدي والله مو بيدي
اريد احجي ويا بس اعرفه من نضره عيوني يفهمني
وهذا يقهرني اكثر تعبت وتعبته وياي..

-باس راسي واخذني للغرفة مددت ارجف وهو يفرك بايدي وبرجلي ويتنهد بصوت مسموع مد ايده على كصتي بعدها مدد بصفي وسحبني لحضنه دفنت راسي
بصدره والشهكه ما تفاركني..

-كافي عاد ام دميعه مسح دموعي وباس عيوني مو كتلج لا تضغطين على نفسج مو كتلج اشارة منج اوخر
عنج ليش هيج سويتي ليش تأذين روحج وتاذيني وياج؟!..

-ابو تراب والله احبك واحب قربك بس ما ادري شيصير بيه هاك شوف ورفعت ايدي شوف شلون ترجف جسمي كله هيج يصير يرجف و..

-اش كافي لا تكملين فاهمج..

-لا خلي اوضحلك انت علمتني على الصراحة وياك
والله ما نافرتك اني لا تزعل مني..

-وليش ازعل منج مقهور عليج مو منج الله شاهد اي رجال وهالشيء مطلبي ومرات الوب عليه بس مو حيوان حتى اخذه منج غصب لو ما احس بيج زمرد
كليبي وروحي انتي بس طاوعيني وخلي عينج بعيني
رددي اسمي شوفي انتي وين رفعي راسج شوفي وين
انتي الي عشتي راح وما ينعاد ولو نعاد بس من ابو تراب جوه التراب ساعتها..

-اسم الله عليك لا تحجي هيج..

-تخافين عليه؟!..