قريري العيون

البارت الثالث وخمسون

لل1 اجت امي وكلنالها وراحت لبيتهم بسرعه شويه واجت كالت مالكيت احد بس الجناين ويكولن مايردون علينه

ورده حته تضيع علئ امي بحالتي

ورده: عمه لوشوفين شلون خترعنه من شفناه هيج ضلينه نصرخ ابد ماراح ننسه هذا الموقف صدمه حلكه ابيض وخشمه ينزف

امي كامت تبجي

ام سلام :يمه عمت عيني رحومي الحنين ابو كلب الطيب ابو وكفات الحلوه ولك يمه شجالك

حته ابوي مايرد علينه ب2 واجه سامر وابوي

تلكيناهم

ابو سلام: الله كتبله عمر جديد ذبحه صدريه بسب ارتفاع الضغط الحاد

عصرت أديه حيل وروحي تصرخ سودعليه

ام سلام :يمه الحمدلله والشكر مايستاهل رحيم الزين المعدل

عفتهم ونسحبت فوك سديت الباب وكعدت ابجي واندب بحياتي وبحظي كله مني انا القهرتك انا اموتك رحيم يومي قبل يومك الله ياخذني اذا اضرك وانته معلك بروحي

ضل 3ايام بلمستشفئ وطلعوه سلام ماعافه ابد بس اجه وقت التحاقهم التحق بس سلام وروحي نار عليه اتمنه اشوفه اشوفه لو ثانيه وحده بس اطمئن عليه

ايمن يتصل طول سفرته هاي ولااتصال لورساله راده عليه

اصلا الجهاز دوم اطفيه ومره خالتي اتصلت علئ امي كالتلها ايمن علئ حنوشه وباله يمها والبنات هم اتصلن وماكو

كلت لاامي عطلان

نوارس

وره مافقدت طفلي ايه ضلت تتهرب مني ومتخلي عيونها بعيوني

لانو كد مجانت تحجي

وسمعت خالتي تحاجي بليث تكله كرت علئ البنيه لحد ماوگع وخطيه هوه خجلان

مرت عشر ايام ونفسيتي تعبانه اكرم هواي يحاول حته
يخليني انسه وارجع مثل قبل

مره بليل نايمه بحضنه وجاي يسولف عليه

اكرم: مجاي يرضون ينطوني اجازه كلت اسويلج جوازج ونسافر لتركيا

نوارس :خليهم مايحتاج ولاتخاف عليه انا زينه مابيه شي

اكرم :شلون زينه وانا اشوفلج ذابله ولله اتحطم من اشوفج هيج الدنيا كلها اتصير سوده بعيوني

نوارس:لاعمري مابيه شي بس تعبانه وجاي اتحسن شويه شويه

حضني حيل وهوه يبوس برأسي وبوجهي نمت بحضنه مرتاحه.

اكرم وره كم يوم انطوه اجازه بس اسبوع كال نروح لااربيل
مجنت رايده اروح واربيل تذكرني بذاك اليوم ضجت منها

بس خطيه ماردت اكسر بواهسه وهوه فرحان

العصر كلت لخالتي تاخذني للصالون احف