If we never met

YOU ARE READING

Fanfiction

Jaeyong🖤 မှားယွင်းတဲ့Timingတစ်ခုမှာ ဆုံတွေ့ပြီးနာကျင်ရတာထက် ဘယ်သောအခါကမှ ငါတို့ကမကြုံကြိုက်ခဲ့ရင်.... ငါမင်းကိုသိပ်ချစ်တာပေါ့ ဒါမဲ့Wrong Timeဆိုတဲ့နေရာမှာမှ ငါတို့ကရပ်နေမိကြတာ....။ မွားယြင္းတဲ့Timingတစ္ခုမွာ ဆုံေတြ႕ၿပီးနာက်င္ရတာထက္ ဘယ္ေသာအခါကမွ ငါတ...

#jaehyun #jaeyong #taeyong

If we never met : Nine

Start from the beginning

by Nana_Phoo

မှောင်မှိက်နေတဲ့အခန်းထဲ မီးလင်းလာသောဖုန်းအလင်းက စူးရှလို့. .။

စာလေးတစ်စောင်ပေမဲ့ သူ့ကိုလှုပ်ခတ်သွားစေသော အကြောင်းအရာတွေ။

ဘယ်လိုလုပ်မလဲ. .အစကတည်းက ဝေဝါးနေတဲ့ဆုံးဖြတ်ချက်တွေက အခုပိုဆိုးလို့လာပြီ။

တောင်ပြေးရနိုး၊ မြောက်ပြေးရနိုးနဲ့ ရူးသွပ်လာတဲ့ငါ့စိတ်တွေ. .။

မင်းနဲ့ပတ်သတ်လာရင် ရူးနှမ်းကုန်တဲ့ ဒီစိတ်တွေကို ဘယ်သံသရာအထိ ငါသယ်ဆောင်သွားရမလဲ အချစ်ရေ. .။

ကုန်ပါစေ ကြေပါစေ ဆုတောင်းလည်း မကုန်နိုင် မကြေနိုင်တဲ့ ရှေးဝဋ်ကြွေးတွေက သိပ်ကိုများလှပါလား။

တစ်နှစ်တန်သည် နှစ်နှစ်တန်သည်. .စောင့်လည်း ပြီးဆုံးမသွား။

မင်းနဲ့တွေ့မှစတဲ့ ဝဋ်ကြွေးတွေမို့. .

ဘယ်သောအခါကမှ ငါတို့မကြုံကြိုက်ခဲ့ရင်
ဒီသံသရာဝဋ်ကြွေးကြား ငါမနစ်မွန်းရလောက်. .။
ဟုတ်တယ်မလား ငါ့အချစ်. .။

. . .

December 25,Christmas Day

Luggageထဲ နောက်ဆုံးကျန်တဲ့ပစ္စည်းတွေကို ဖြည့်ပြီး ဇစ်ကိုဆွဲပိတ်လိုက်သည်။

မမှတ်မိချင်လို့ မမှတ်ထားသော်လည်း မှတ်မိနေသောနှလုံးသားက ကိုယ့်နာကျင်မှုကို ကိုယ်တိုင်ရှာဖွေသည်။

ဒီနေ့က ယုံးငယ်နဲ့လီဂျင်အာရဲ့ မင်္ဂလာပွဲနေ့. .။

ယုံးငယ်က သူ့ကိုမချစ်ဘူး။

သူဒါကိုကောင်းကောင်းကြီးသိနေတာကို အမှတ်မရှိတဲ့စိတ်တွေက ယုံးငယ်ကသူ့ဆီလာလိမ့်မယ်လို့ သူအရင်ကျောခိုင်းထွက်လာတဲ့နေ့ကတည်းက အတွေးရောက်နေခဲ့တာ။

ရူးရူးမိုက်မိုက်စိတ်တွေကြောင့် မျှော်လင့်ပြီးရင်းမျှော်လင့်ရင်း မောဟိုက်လာတဲ့နှလုံးသားနဲ့ ဒီလိုနေ့ကို ရောက်လာတာပါပဲ။

နာကျင်နေတဲ့နှလုံးသားကို သယ်ဆောင်ပြီး ထွက်ပြေးသွားလိုက်ဖို့ သူကပြင်ဆင်ရင်း နောက်ဆုံးအနေနဲ့ တိုက်ခန်းလေးကို ဝေ့ကြည့်လိုက်သည်။