قريري العيون

البارت واحد وخمسون

وطلعنه لمقبرة كربلاء وانا بمجرد شفت القبور عيوني ضلت تصب

واكرم يخابر بخالي يوصفله مكان القبر ضلينه نفتر بالنص ساعه يله لكيناه

كل ضني الكه بيبي منتضرتني ونزلت اركض اريد احضنها بس الشفته بس قبر وتراب انهاريت

اخخخخخ يابيبي شگد مشتاقتلج بيبي طلعي خل اشوفج ولله ميته عليج بيبي تعذبت بعدج شوفوني المر خلافج مااسوه شي جنت كلشي ماريد ولله بس شوفتج كبلي واحضنج مشتاقه لريحتج يارويحتي حته من ملابسج حرموني ولالكيت قطعه الج حته من ريحتج حرمني

ضليت ساعه اشكيلها وسولفلها علئ عوض ربي بااكرم واهله وشلون مدللني

اكرم يجي يريد يكومني يسحب بيه وماقبل اكوم

اخر شي شالني وكومني

اكرم: كافي حبيبتي موزين عليها

غسل القبر وقرينه لفاتحه ورحنه مسافه لقبر امي

وهم حالي موواحسن اكلها يمه لو انتي موجوده وماتت بيبي جان ماكلت الي احد وعندي سند يمه عذبني اخوج خلووو بيه جروح ماانساها بحياتي يمه شماانسعد وربي يعوضني ماانسه العيشوني ياه قريتلها الفاتحه وغسلنه القبر ورحنه لااجداد اكرم هم قرينه الفاتحه وغسلنه قبورهم

وطلعنه لبغداد الطريق كله نايمه تعبت وعيوني راحت
كلساع افز علئ اكرم يغطي بيه ويلزم بوجهي لان اون عباله مصخنه. كعدني اكرم حته نتغده كتله ماريد ورجع كمل

وصلنه بليل من الازدحامات

صلينه وتعشينه ورجعت نمت احس جسمي كله مكسر

وخطيه اكرم منايم ذب روحه لثاني يوم. ب12يله كعدنه

وره اسبوع طلبت من اكرم يوديني لاام رحيم اشوفهم فضلهم ماانساه طول عمري مكال شي نطيته العنوان ورحنه عصريه 

خطيه رحبوو بينه وام رحيم كامت تبجي من شافتني
انا هم اشوف بيها بيبي ماخلونه نروح لزمونه علئ العشه

ومثل الاهل  خطيه يسئلون بيه مرتاحه وشلونهم وياي رحيم وام رحيم سئلوني

كلتلهم ولله شايلني علئ روسهم يحبوني يموتون علي وناس يخافون الله

سئلتهم علئ ورده ورواء ومريم. وخاله شلونهن كالن ورده صارت عدهه ولد وبنيه. فد فرحتلها كلش مشتاقتلهن

اتمنيت اروح اشوفهم بس ماكدر والسبب ....

تعشينه ودعناهم وكالو موماتجونه عيدوها

رحنه للبيت واكرم يحمد بيهم يكول خوش ناس

ثاني يوم الصبح كعدت كلت لااكرم خل اسوي ريوك قبل لاتروح

سلكت البيض وجاي افرغ اجبان كمل البيض اجيت اقشر بيه وضربتني الريحه
روحي كامت تگلب اريد اسيطر علئ نفسي ماكو
ركضت للحمام طلعت روحي تقيئت واسمع اكرم يصيح عليه يدور