انت واقع حي والباقي وهم

٦

وصلوا وديان وعبدالله  المستشفى ونزلت وديان على طول وذي المره ما دخلت غرفة عبدالله وحطت اغراضها ، لا دخلت غرفة الممرضات وحطت اغراضها وراحت بعدها عند الحمامات "يكرم القارئ" وجلست تحاول تكتم بكيتها كل ما تتذكر موقف صراخ عبدالله عليها وحست انها انجرحت من صرخته اللي اثرت فيها وفي لحظة وقفت وهي تبي تحاول تستوعب انها انجرحت من صرخته عليها و وقفت بصدمة لما استوعبت انها ما تبكي اذا احد صارخ عليها الا اللي تحبهم، وهي بكت عشانه صارخ عليها ،ونزلت راسها وبكت
دخلت ريفان الحمامات "يكرم القارئ" وشافت وديان جالسة تبكي وقفت بصدمة ثم اردفت: اش فيك!
رفعت راسها وديان وهي تمسح دموعها : لا لا مافيني شي
ريفان: علي يا وديان؟ على ريفان؟ ، اضحكي على الكل الا علي ، بيصدقك الكل الا انا
وديان ناظرت فيها ودموعها شوي وتنزل: صارخ علي يا ريفان
ريفان: عبدالله ؟ ليش؟
وديان: ريفان...تتوقعين احب عبدالله ؟
ريفان: اش ذا السؤال ، اكيد اي بس اش خلاك تسألين ذا السؤال ؟
وديان: يا ريفان انا بكيت عشانه صارخ علي ، وانا ما ابكي علشان اللي يصرخون علي الا اللي احبهم ، وانا بكيت عشانه مصدقة؟ ،...ياريفان انا صرت انبسط على ضحكته ، ايش اسوي؟
ريفان: صادقة انتي ؟ ، وديان مدري اش اقولك بس احس انك تحبينه منجد
وديان: مدري اخاف ما يطلع حب يمكن اعجاب بس ولا يمكن هو ما يحبني ولا ا....
سكتت وديان شوي و بعدها وقفت وهي تمسح دموعها وابتسمت: لا بس اكيد ما احبه لأني مستحيل احبه ، بالغت شوي اكيد
ريفان: ههههههه مستحيل؟
وديان: اي مستحيل
ريفان: طيب طيب هههههه
طلعت وديان وراحت جهة غرفة عبدالله ودقت الباب ودخلت
وديان عطته الاوراق: امسك
عبدالله: وديان
وديان: ها؟
عبدالله: زعلانه ؟
وديان: لا
عبدالله: طيب ليشـ...
مر الدكتور راكان من قدام الباب
وديان ابتسمت: اصبر يا عبدالله شوي وراجعة
وراحت تركض وتنادي: يا دكتور راكان بس دقيقة
وقف عبدالله يوم شافها تلحق الدكتور راكان وطلع بسرعة وهو يبي يشوف ليش لحقت بالدكتور راكان ، وشاف وديان جالسة تضحك وتكلمه وهو يضحك ويبتسم ، وشد عبدالله على يده بقوة وهو يحس ان انفاسه صارت حاره دخل بسرعة وقفل الباب بقوة وحط يدينه عل الكرسي وهو يحاول يمسك نفسه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان اول ماشافت الدكتور راكان راحت عنده عشان تكلمه بسالفة وحده من المرضى عشان يتصرف، وجلست تناديه ولما سمعها وقف وقالت له السالفة
راكان بإبتسامة : ان شاء الله بأحلها بس انتي ارسلي لي معلومات المريضة
وديان بإبتسامه: تمام
راح الدكتور راكان و وديان راحت جهة غرفة عبدالله و دخلت وهي مبتسمه
وديان: اي اش كنت بتقول ؟
عبدالله اللي يمثل انه مو معصب : انتي وش بغيتي من الدكتور راكان؟
وديان : لا ولا شي بس في مريضة عندها مشكلة وقلت للدكتور راكان
عبدالله: ذي السالفة اللي جايه تضحكين منها؟
وديان: لا اكيد
عبدالله: اجل؟
عدلت وديان وقفتها واردفت: انت وشوله تسأل ؟
عبدالله: ولا شي بس اسأل ،حرام ؟
وديان: لا موب حرام بس ا...
قاطعها عبدالله: خلاص اجل
وديان تنرفزت من اسلوب عبدالله وطلعت
وبعد ما طلعت وديان وقف عبدالله وهو يضرب يده بالطاولة ومنقهر من الدكتور راكان ، لين ما انجرحت يده وهو للحين يحس ان في جمره حاره في قلبه ، وهو مايدري اش يسوي دق على سعود : ياسعود
سعود: اش فيه صوتك؟
عبدالله بقهر: احس بشي يحرق قلبي احس بشي يخلي انفاسي حاره ، احس اني مخنوق ياسعود
سعود: بسم الله عليك وش فيك!
عبدالله: مدري والله مدري
سعود : دقيقة دقيقة...انت غرت على احد؟
عبدالله: لا وين تستهبل انت ! اغار على مين؟
سعود: مدري مسحيل تحس بذا الشعور الا انك غيران
عبدالله: ما غرت عليها يعني بس هي زوجتي وبعدين اش يقولون الناس ، بيقولون تسولف مع رجال غريب وتضحك وزوجها يستناها
سعود: احححح ، وديانننن! وبعددد تستناهاا ! هههههه حركات والله يا عبود
عبدالله: يا سعوووددد !!!
سعود : خلاص اسف هههههه
عبدالله: ياخي انقلع الشرهه مو عليك على اللي يشكي لك
وقفل عبدالله في وجه سعود ، ثم جلس وهو يحاول يطفي النار اللي جواته وجلس يفكر في كلام سعود ثم ضحك واردف: ههههههههههههه مستحييللل
ثم اختفت ضحكته وهو يحاول يستوعب : مستحيل مستحيل اساساً ، اصلاً انا و وديان كلها كم اسبوع و نتطلق
سكت شوي ثم اردف: اي اي مسحيل اصلاً احبها ولا اغار عليها
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بيت ابو فارس...
دق الباب وفتحت ليلى الباب وتفجأت لما شافت مريم
ليلى: مريمم!
مريم : انا جايه اعطيكم وصايه اولادي
ليلى: نعم! ترا اولادك انتي
مريم : انا بعيش حياتي ومابي عيالي معي ، عندك مانع؟
ليلى: ههههههههههه انتي الحين بترمين عيالك علينا علشان واحد ما يسوى ؟ 
مريم: انتي مو عمتهم ؟ ذا مو بيت جدهم ؟ انا ما رميتهم عند احد انا اعطيتهم ابوهم
ليلى: والله عيال اخوي ومن عيوني اربيهم ولا ارميهم عند وحده زيك
واخذت ليلى الوصايه و قفلت الباب بقوة على وجه مريم
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
جلس عبدالله وهو كل تفكيره وديان وبشكل سريع رفع جواله ودق عليها
ردت وديان وهي ما ودها ترد: نعم؟
عبدالله: وديان ، عادي تجين؟
وديان: طيب
عبدالله قفل المكالمة واخذ شهيق زفير وجلس يستنى وديان ويحسب كل ثانيه لين دق الباب
عبدالله بسرعة: ادخل
دخلت وديان: امر
عبدالله: قفلي الباب واجلسي
وديان قفلت الباب و جلست : اي؟
عبدالله: جاوبيني بصدق ، انتي زعلتي مني يوم عصبت عليك؟
وديان: لا
عبدالله : ترا اعرف انك زعلانه
وديان: طيب؟ واذا زعلانه ؟ وش بتسوي يعني؟ ماراح يهمك اكيد
عبدالله: وديان
وديان: ها؟
عبدالله: قومي البسي عبايتك وانا بكلم الدكتور راكان و اوقع بدالك في الاستأذان
وديان: انا ابي استأذن
عبدالله: ودياان!
وديان: مابي
عبدالله قام : اصبري
فتح الباب وانظاره تدور ريفان ولما لقاها اردف: ريفان
ريفان: نعم؟
عبدالله: تعالي
جت ريفان: هلا
عبدالله قفل الباب وهمس لـ ريفان : اسمعي انا و وديان متهاوشين وانا براضيها ، بس هي ما تبي تطلع ، ابيك تأخذينها وتلبسينها عبايتها ونتقابل عند باب المستشفى ، تمام؟
ريفان: هههههه تمام
عبداللهوهو يأشر للباب : يلا تفضلي واخذيها لو سمحتي
ريفان: طيب هههه
دخلت ريفان واخذت وديان: يا وديان تعالي
وديان : اش سوا عبدالله ؟
ريفان : مدري بس امشي بسرعة
وديان قامت بكسل: ياليييلل
وطلعتها ريفان ولبستها عبايتها غصب و خلتها تروح لـ باب المستشفى وعبدالله اخذ وديان وركبوا السيارة
عبدالله: وديان
وديان لفت عليه وما تكلمت
عبدالله: طيب فهمت
حرك عبدالله السيارة لين ما وصل لـ مطعم
ثم نزل وفتح لـ وديان الباب و وديان للحين ماهي طايقة وجهه بس بتشوف وش يبي
عبدالله اخذ وديان ودخل المطعم وطلب اكل
عبدالله: وديان
وديان: ها
عبدالله: اسمعي انا جايبك بتأسف منك والله ما كنت قاصد اجرحك ، بس تصرفت بتهور وعصبيه ولا والله مايغلى على دموعك ذا التيشرت بس انتي لا تزعلين والله اني اسف
ناظرت فيه وديان وكأنها حنت: طيب
عبدالله ضحك : هههههه اطلبي اطلبي اللي تبغين
وديان: والله؟
عبدالله : اي ههههههه
وديان : اش رايك نروح شويه كوفي اطلب اللي ابيه وما تقولي شي
عبدالله: اش رايك!!!! قولي لي بصيغة الامر لأني مجبور في النهاية عشان ترضين ههههههههه
وديان: لا يعني من باب الاحترام
عبدالله: ههههههههه ابشري
وديان: كفو والله
"جاء الاكل"
اكلوا عبدالله و وديان و ربعد ما خلصوا راح عبدالله يغسل يدينه ولكن وهو راجع جوه بنتين وجلسوا يكلمونه و وديان قامت اول ما شافتهم يكلموه وهم يضحكون وراحت لهم
وديان: اش في؟
دفتها وحده من البنات : نعم خير؟
البنت الثانيه: عطني سنابك
شدت وديان عيونها وناظرت لـ عبدالله اللي انكب ، ودفت البنت ثم اردفت بعصبيه : اش اللي خير ، تستهبلون انتم ترقمون رجال طول بعرض ، وانتم حتى ما سألتوه اذا متزوج ولا لا؟
رفعت وديان يد عبدالله اليسرى: شوفوا الدبله ، الرجال متزوج ، وانا زوجته ارتحتوا ؟
راحوا البنات لما عصبت عليهم وديان 
عبدالله وهو يهدي وديان : خلاص اهدي
وديان بعصبيه : يستهبلون ذول!
عبدالله سحبها واخذ شنطتها ودفع الحساب ونزلوا وهي للحين معصبه ولما ركبوا السيارة اردفت وديان : وانتتت ما تقدرر تقول لهم لااا ؟
عبدالله: شسوي انتي دخلتي على طول ما مداني اتكلم
وديان: ايه انت ما تعرف تصارخ الا علي ، وما تـ
قاطعها عبدالله: عشانك اغلى منهم
سكتت وديان وناظرت فيه وارتبك عبدالله: ااا..يلا تبينا نروح الكوفي؟
وديان لفت وهي تحاول تقنع نفسها انه بس قال كذا عشان يسكتها : اا...اي
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
جاء يوسف المستشفى عشان يشوف جو عمانها ولا لا
ويوم دخل المستشفى شاف المم رضة اللي تتكلم مع السكرتيرة وضحك ثم اردف: ريفان
لفت ريفان وابتسمت لما شافت يوسف وراحت لـ عنده
ريفان: سم بغيت شي؟
يوسف : لا بس بسألك جاك احد
ريفان: لا محد جاني ولا احد يقدر يقرب مني
ناظر لها يوسف وهو يشوف قوتها تفوق قوة ثلاث رجال وضحك: هههههه
ريفان : الا صح بكره الملكة صح؟
يوسف: بنسويها في بيت عمي ابو فارس لأننا ما عندنا قرايب غيرهم
ريفان: طيب الزواج متى؟
يوسف:  ان شاء الله يوم الخميس مع زواج سعود
ريفان: حلو
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
جت لـ ليلى رسالة محتواها:
" اطلعي بسلم عليك "
ابتسمت ليلى و زبطت شعرها وطلعت و اول ما فتحت الباب سلم عليها سعود وجلس يسولف لها وهي تسولف..
سعود : الا صح يقول عبدالله انك دلوعة ابوك ، صح؟
ليلى: ايه أنا أصغر بناته وأنا لعينه الضي
‏وهو نور عيني وأغلى محبيني.
سعود: اخخ يازينك انتي وشعرك ، عسى الله ما يفرق بينكم
ليلى: امين
"وكملوا سوالف"
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد 4 ايام..
الساعة 2:05
وديان: يا ليلى يوي ذي التسريحة تهبل
ليلى: اي اي ابي ذي
وديان: وانتي يا ريفان ؟
ريفان: مدري اي وحده حلوه ؟
وديان: شوفي ذي تبرز ملامح وجهك احلى
ريفان: لا لا ما عجبتني
اميرة: ريفان شوفي طيب ذي؟
ريفان: اش فيكم ما ابي شي مره مبالغ
اميرة: عادي ما نبالغ يا حبيبتي زواجك ، مافيها شي
ريفان و وديان ارتبكوا ثم اردفت وديان : اي بس هي قصدها انوا ما تحب تحط اشياء مبالغة
ريفان: اي اي
اميرة: لا عادي بالغي الليلة بس بعدين بكيفك
ريفان: ااا..طيبب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
الساعة: 8:37
سعود: والله يا يوسف مو مصدق اننا متزوجين في نفس اليوم
يوسف وهو يطقطق اصابعه : اي والله
سعود: اش فيك؟
يوسف: اا...ولا شي
فارس: ماعليك متوتر
سعود: وليش متوتر ؟
علي ناظر في سعود وهو شاد عيونه: سعود لاتسأل تكفى
عبدالله : مانك متوتر انت؟
سعود: لا بالعكس فرحان
فارس: ذا لازم نوديه المصحة النفسية قبل لنعطيه اختنا ههههههههههه
عبدالله: تكفونن اختييي راحتتت فيها مسكينه
فارس: ماعليك مابعطيه اختنا الا اذا توتر
سعود: هو غصب اتوتر!
علي: لا يا حبيبي بس الانسان الطبيعي اللي يتوتر مو انت
سعود: اقول لا تسب
علي: ماسبيت ياغبي
يوسف: ياعيال ياخي احس ودي اكنسل
سعود: صاحي انت تكنسلل!
عبدالله : تم بروح لهم واقول يوسف كنسل
سعود: قلنا ذا توتر ، وانت اش عذرك!
فارس: سعود
سعود: ها؟
فارس : اسكت تكفى اسكتتت
سعود : اقول اذلف ما بتزوج لوحدي
فارس: بيتزوج ماهو طاير بس عبدالله قال كذا من باب الطقطقة
علي: ياليلللل حنا كيف عطينا اختنا له؟
عبدالله: انا بروح اسأل ابوي
سعود: لا اصبر وش سالفتكم شديتوها
فارس : ههههههههه ياخي يا سعوددد
دق جوال عبدالله رد: هلا
اميرة: ياعبدالله تعال وجيب العرسان عشان يتصورون ويسلمون على زوجاتهم
عبدالله: طيب
قفل عبدالله الجوال: يا عيال روحوا قسم الحريم وادخلوا عند زوجاتكم
يوسف: ما يصير ما ادخل انا؟
ضربه سعود من كتفه: اقول ادخل وانت ساكت
يوسف: ياليللل طيب
راح يوسف ودخل على ريفان وهو منزل راسه واستحى يرفعها ولكن اضطر يرفع عينه ، ولما رفعها شد عينه ولما طاحت عينه بعين ريفان اللي تنهدت يوم شافته ، ويوسف عدل شماغة و هو يشوف جمال ريفان اللي اخذ قلبه وقرب منها بتوتر و بالقوة اردف: السلام
ريفان: وعليكم السلام
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سعود دخل على ليلى و اول ما شافها سلم عليها وكان عكس يوسف تماماً ، ما توتر ، بالعكس ضحك وانبسط و اكثر شي مفرحة ان ليلى صارت حلاله
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد ما طلعوا يوسف وسعود ، جت وديان عند ريفان
وديان: ها وش صار؟ وش ردة فعلك لما شفتيه وش ردة فعله هو يوم شافك؟
ريفان: طاحت العين بالعين يا ديان
‏أنا تنهدت و هو عدل شماغة
وديان: الله تهبلون، كيف اسلوبه؟
ريفان : اخخ لو تشوفينه يا وديان ، اسلوبه يهبل ، وخجول ، وبالبداية استحى يرفع عينه ويحطها في عيني
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد الزواج
"ملاحظة :عبدالله ما شاف وديان عشانها راحت مع اهلها للقاعة💢"
عبدالله: جالس ينتظر وديان ولما طلعت ركبت السيارة ومشى عبدالله
عبدالله: ها كيف الزواج اليوم؟
وديان: حلو ، بس في انسانه خلبت كل الزواج
عبدالله: افا ، مين؟
وديان: مين بتكون مثلاً؟ ، اكيد نوف
عبدالله: يختي انا صرت انقرف من سيرتها طنشيها
وديان لفت على عبدالله: صدق؟
عبدالله: اكيدد ، اصلاً معد اطيقها
وديان ابتسمت وهي تحس انها اكثر انسانه فرحانه وتحس ان الدنيا مو سايعتها من الفرحة
لف وديان عليها: انتي تضحكين؟ مو توك متنرفزه ؟
وديان : لا بس ودي اشغل اغنيه علقت في راسي في الزواج
عبدالله: افا عليك ، شغليها اجل
وديان اخذت جوال عبدالله اللي مشبك بالبلوتوث وشغلت اغنيه وجلست تغني وتصور بجوالها وتضحك وعبد يرقص معها ويضحك وتتأمل ضحكات عبدالله وترجع ترقص وكان الجو كله وناسة
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وصل يوسف و ريفان الفندق وتعشوا وكل واحد منهم راح جهه وناموا
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
اما سعود وليلى كانوا عكسهم تماماً ، فرحانين ، ومبسوطين، وحللوا الليلة بالرقص والضحك وكل شيي...صارت هذي الليلة بالنسبة لهم اجمل ليلة
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وصلوا وديان وعبدالله وهم كل همهم ينامون ، ولكن لما وديان نزلت عبايتها وجلست تتصور دخل عبدالله بياخذ جواله شاف فستان وديان "السماوي" اللي لعب في قلبه ، وشعرها المفتوح و واصل لـ نص ظهرها ومكياجها اللي لأول مره يشوفه كثير ، ابتسم عبدالله لا ارادياً وجاء من وراء وديان اللي واقفة قدام المراية وتعدل في صورتها ، ومسك شعرها الحرير واخذ ربطة وربطه شعرها وناظر في وجهها في المراية ثم اردف : اي كذا يوضح جمالك 
احمر وجه وديان ثم اردفت: ااا..شكراً
عبدالله لف و اتجه للباب: يالله انا بنام ، تامرين بشي؟
وديان: سلامتك
طلع عبدالله وقفل الباب وجلست وديان وهي تمسك غصلات شعرها وهي مبتسمه وفجأة حطت يدها على وجهها بخجل وانسدحت على السرير
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
عبدالله انسدح على الكنبة و هو يحس بشعور حلو
ونام
.
وديان بعد وقت قامت وهي مبسوطة وغيرت ملابسها ومسحت مكياجها وانسدحت ونامت
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
~بعد ساعة تقريباً ~
وديان وهي تصحي عبدالله: عبدالله اصحى تكفى
عبدالله صحى بخوف وهو يشوف ملامح وديان: اش صار! وش فيك؟
وديان: يا عبدالله في مطر
عبدالله: بس!
وديان: وش اللي بس ؟ ، صوت الرعد يخوفنييي
عبدالله: ترا ماهو داخل عندك الرعد
وديان : اقول قم والله ما تخليني لحالي
عبدالله:هو لو بيدخل عليك بيدخل علي انا بعد ، يعني مابستفيدين مني
وديان: تكفى ، ترا مقدر انام والرعد موجود الا اذا احد حولي
عبدالله: باليللل
وديان: تكفىىى
عبدالله: طيب طيب
قام عبدالله واخذ مخدته وفراشه وقالت له وديان يحطها في الجهه الثانيه من السرير وحطها وهو بفراش وهي بفراش وبنفس السرير بس بعيدين عن بعض شوي، وناموا ولكن فجأة في نص نوم عبدالله حس كأن في احد ضمه حضنه وصحى وهو يشوف وديان اللي كان راسها فوق صدره ويدينها محاوطه حضنه وباين عليها الخوف ، و وديان لما حست انه صحى غمضت عينها وهي تحاول تنام ، و حط راسه عبدالله اللي ما قدر ينام وفي احد بحضنه ولكن فجأة جته رسالة بالجوال واخذ جواله واضطر يحط الجوال قدامه عشان يده اليسرى استحى يحركها و وديان نايمه على جهته اليسرى  ، وفتح الجوال ولكن ‏تفاجأ من محتوى الرسالة
.
وديان اول ما حست بيد عبدالله اللي اخذ الجوال وحطه قدامه "تقدر تشوف اللي في الجوال بحكم انه حط الجوال قدامه" ورفعت نظرها ولكن انصدمت لما شافت رسالة من نوف مكتوب:
يا عبدالله تكفى تعال انا احتاجك جمبي اليوم ، تكفى لا تتركني ، عبدالله تكفى ارجع حبيبي وساعدني في ذي الليلة ، صدقني اني احتاجك تعال ولا تتركني ، انا اهم من وديان واهم من كل شخص في حياتك ، انا تطلقت من زوجي عشان ارجع لك ، تكفى يا عبدالله تعال لي .
-شدت وديان عيونها بعصبيه وهي يلا يلا ماسكه نفسها ولكن ابتسمت لما كتب عبدالله:
اسف لكن انا مراح اغلط نفس الغلطة مرتين ولا راح ارجع حبيبك ، وانا الحين في انسانه تحتاجني وهي اولى منك ، اتمنى تنسيني وتتركيني في حالي اعيش حياتي مع زوجتي ،روحي ولا تقربين مني والله يوفقك
-نامت وديان لما حست بالراحة من كلام عبدالله لـ نوف وصده لها
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
في الصباح وديان وعبدالله جلسوا يلبسون ويجهزون
عبدالله: يلا خلصتي ؟
وديان لفت عليه: يا عبدالله ترا بروح بعد الدوام عند اهلي واقعد عندهم وبكره تاخذني
عبدالله: طيب طيب
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سعود: يوسف يلا الطيارة لا تروح
يوسف : طيب طيب حنا طالعين الحين
سعود: طيب
قفل يوسف الجوال وشال الشنط والاغراض وطلع و وراه ريفان و وصلوا للمطار ثم قابلوا سعود وليلى في المطار وراحوا
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
الساعة 3:56
عبدالله وصل وديان لبيت اهلها و راح عند اهله وسلم عليهم وبعدين رجع عند البيت وطفش ثم دق على وديان
عبدالله: السلام
وديان: وعليكم السلام
عبدالله: الشقة بدونك طفش
وديان: ايه عاد تعود ههههههه
عبدالله: للأسف احتاج اتعود
وديان: طيب يا عبدالله استأذنك بروح امي تناديني
عبدالله : خذي راحتك
قفلت وديان وعبدالله جلس يحاول ينام لين مانام
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
في صباح اليوم الثاني...
علي دق على عبدالله : عبدالله وينك؟
عبدالله: في البيت وين بكون مثلاً؟
علي: يا عبدالله ابوي طاح علينا
فز عبدالله: ايش !!
قام عبدالله ولبس ثوبه وطلع وركب سيارته وحرك وهو يمشي بأقصى سرعة ولكن فجأة وهو في نص الطريق طلعت سيارة قدامة ودق عبدالله فرامل بسرعة وعلى طول وانقلبت سيارة عبدالله...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
فارس : يا علي دق على عبدالله وقله خلاص بس انخفض الضغط عند ابوي وما فيه شي الحمدلله
علي: طيب
دق علي على عبدالله وما رد..
علي: مارد
فارس: اكيد جاي بالطريق
علي: اي
-طبعاً فارس وعلي ما كان يخطر ببألهم ولا واحد بالمية ان عبدالله ممكن يسرع او حتى ينصدم حادث
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
وديان رفعت جوالها بتدق على عبدالله عشان يجي وياخذها
: "صوت ضجه" السلام
وديان : مين؟ ، اعتقد اني داقه على عبدالله
: لو سمحتي بقولك شي
وديان: وش؟
: الرجال اللي ذا جواله انصدم حادث تو...
فزت وديان: نعمم!
: اسمعي يا اختي وهدي ، صح ان الحادث قوي بسـ..
قاطعته وديان بصراخ : قوي! اش قاعد تقول انت ؟ وش فيه ؟ "بدت تبكي" تكفى قولي انه بخير تكفى
: يا اختي تو جاء الاسعاف واخذه واحنا اخذنا جواله للأحتياط ولاحقين بسيارة الاسعاف بعد شوي دقي واقولك اسم المستشفى
وديان: ططيب
راحت وديان تلبس بسرعة و طلعت تجري ومحد عارف وش فيها وجلست عند ابوها
وديان ببكي : يبه تكفى خذني للمستشفى تكفى ، عبدالله انصدم حادث تكفى يبه
فز ابو ساميه: ايش؟ متى؟
وديان: يبه تو  و الحادث قوي تكفى بروح اتطمن عليه تكفى
ابو ساميه: يلا يلا امشي
طلعوا ابو ساميه و وديان ودقت وديان على جوال عبدالله والشخص نفسه رد وعطاها اسم المستشفى وراحوا للمستشفى ودخلوا يسألون الدكاتره عن غرفة عبدالله لين ما دلوهم على الدكتور اللي مسؤول عن عبدالله
ابو ساميه: لو سمحت اش فيه عبدالله ؟
الدكتور نزل راسه وتنهد ثم رفع راسه : انت باين عليك رجال راضي بأمر الله وقدرة وما اقول الا الله يصبركم وانا انسان مابيدي شي وحاولت ولـ..
قاطعت كلامة وديان بشهقات : تكفى..لا تقول صار فيه شي تكفى
الدكتور : هو صراحة بخير او حتى في امل انه يصير بخير ولكن امله جداً ضعيف انه يعيش ، "تنهد" عبدالله دخل غيبوبة
وديان في ذي اللحظة انهارت وهي عارفة ان الغيبوبة تكون احتمالية 90٪ انه يموت و 10٪ انه يعيش...
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
في اليوم الثاني
بعد ما نقلو عبدالله عند المستشفى  اللي يشتغلون فيه هو و وديان عشان اقرب لهم
جو خالته وتيماء واخوانه علي وفارس وفراس وابوه و وديان واميرة وابو ساميه
وكانت اكثر وحده متدمره هي وديان
كانوا جالسين كلهم في السيب عشان يدخلون بالدور ويكلمونه
تيماء شافت وديان دايخة: يا وديان
وديان: هلا
تيماء : اش فيك ؟
وديان : مافيني شي بس جوعانه
تيماء : تبيني اجيب لك شي؟
وديان: لا لا تتعبين نفسك يا قلبي
تيماء: انا بروح اصلاً اجيب لي اكل مره وحده اجيب لك
وديان: طيب شكرا
تيماء قامت وراحت جهت الكافتيريا وهي تطلع بطاقتها من شنطتها وماهي مناظرة قدامها ، ولكن فجأة انصدمت بشخص
تيماء رجعت ورا على طول: اا...اسفة
الدكتور راكان : انا اللي اسف ما شفتك
تيماء لفت وراحت كملت طريقها وجابت اكل ورجعت عند وديان وعطتها
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد يومين
الصباح
اميرة: يختي مافي احد في الحوش روحي ودي الاغراض بسرعة
ليان: طيب
راحت ليان للحوش وهي تراقب يمين ويسار لين ما تأكدت ان مافي احد جلست تحط الاغراض وفجأة سمعت صوت وراها صوت رجال وعلى طول رجعت ونست جوالها..
.
سياف دخل وهو ينادي العيال ومحد جاوبه و فجأة شاف الفرشة وجلس ولكن لفت انتباهه جوال كانت باين من خلفيته والكفر انه جوال بنت ومسكه وراح يدق الباب وهو صاد وجهه، فجأة سمع صوت بنت اردفت: مين؟
سياف: انا سياف
ليان: بغيت شي؟
سياف: لا بس في وحده نست جوالها عند الفرشة
ليان: اي اي جوالي
سياف مد الجوال : سمي
وراح سياف، ولكن ذي المره ما راح وترك قلبه لا ، ذي المره راح واخذ قلب ليان بأسلوبه
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
في المستشفى
وديان وتيماء وام سعود وعلي
علي: ياخاله انتي روحي البيت
ام سعود: لا ماني برايحة
تيماء: يمه انا ببلغك اذا صار شي بس قومي روحي
ام سعود ناظرت في تيماء وقامت: طيب 
~بعد ربع ساعة تقريباً~
الدكتور راكان مر
فزت وديان: يا دكتور طمننا على عبدالله
راكان:  مافي اي احداث جديدة
وديان : طيب شكراً
راكان: يا وديان انتي لمتى بتقعدين كذا ؟ ، ارجعي لـ شغلك واصلاً مو بعيد عن عبدالله يعني تقدرين تجينه
وديان: مدري بحاول ذي الفترة و اذا حسيت ان نفسيتي تحسنت برجع
راكان: ان شاء الله تتحسن نفسيتك وعبدالله يطلع من ذي الغيبوبة سالم ، وانتي ان شاء الله تقدرين تتعودين وذي الحياة يا وديـ...
قاطعت الممرضة اللي جت له تجري : يا دكتور في حالة طارئة جتنا ويحتاج لها جراحة بس المشكل الدكتور *** ماجاء وهو الجراح الوحيد
راكان: جهزوا العمليات والحين ادبرها ان شاء الله
راكان لف على وديان: استأذك
وديان: اذنك معك
تيماء: تحتاجون جراح ؟
لف راكان : ايه
تيماء : انا جراحة
وديان: اي يا دكتور تسماء جراحة
راكان: صدق؟ طيب حلو حظنا ، اجل الحقيني لـ غرفة العمليات
تيماء: طيب
تيماء لحقت راكان ودخلت العملية
.
بعد العملية
راكان: والله مشكور يا دكتورة تيماء
تيماء : ذا من واجبي
راكان ابتسم
لفت تيماء ورجعت عند وديان وعلي
تيماء: ها صار شي جديد؟
وديان وهي تهز راسها يمين ويسار : لا..
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
بعد 3 اسابيع 
مرت ذي الاسابيع بصعوبة على الكل ،و وديان رجعت لـ شغلها بس كل شوي تجيه وتشيك عليه ، اما راكان و تيماء صارت مقابلاتهم كثيرة ، واذا بنجي لعرايسنا الحلوين رجعوا وتوجهوا كلهم من المطار للمستشفى على طول عشان يشوفون عبدالله، وعلاقة يوسف وريفان عاد يوسف بداء يحب ريفان ويفكر يعترف لها ،و اما عبدالله طبعاً ما صار فيه اي شي جديد ، و سياف جالس ابو فارس يقنعة انه لازم يخطب ليان عشان ما بقى غيرة ما تزوج
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
سعود دخل عند عبدالله وجلس عند الكرسي اللي جمب سريرة ثم اردفت: تصدق يا خوك اني ما دريت عن دخولك غيبوبة غير امس؟، لا تفكر اني نسيتك ، لا بس هم ما علموني والله ، ...بس يا عبدالله يا أخوي لا تكسر قلبي اصحى
جلس سعود ينتظر اي ردة فعل، لكن للأسف ما لقى اي ردة فعل
وقف سعود وطلع واشر لـ ليلى تدخل ، وليلى على طول دخلت ولكن دخلت ودموعها على خدها وجلست في الكرسي وهي تقول بصوت يحمل نبرة الحزن : وينك ياعبود ؟ وينك يا اخوي ؟ جاوب ياعضيدي ولا تسكت ، ترا صمتك يأذينييي ، فز بطولك و اطلب مني اسويلك اكل، ولا اطلب مني اعطيك مويه ، بس تكفى لا تسكت كذا
طلعت ليلى وهي ما جتها اشارة وكذالك دخل يوسف دخل عند عبدالله وهو ماكثر كلام عشان مايبكي لانه تذكر ابوه ، وهو حاس ان عبدالله بيلحق امه وابوه
ولكن جت وديان اللي دخلت عشان تعدل له الاجهزة و دخلت ذي المرة وهي تسولف كالعادة
اردفت عند دخولها بإبتسامه وهي تعدل الاجهزة : السلام يا عبدالله ، كيفك؟ ، انا الحمدلله بخير ، وعاد اليوم مره حلو ، بس انت ناقص اليوم عشان يكمل
-وديان بعد ما عدلت الاجهزة جلست وكملت كلامها و بإبتسامه عريضة : يا عبدالله انا عارفة انك تسمعني و ودي اقولك شي بس مدري اذا صحيت بتتذكره ولا لا، لكن معد اقدر اتحمل اكتم هالشي في داخلي اكثر، والله يا عبدالله اني ابيك ، ايه ابيك..انا احبك يا عبدالله و انا اكثر انسانه فاقدة ضحكتك اللي انام واصحى فيها ، ايه والله فقدتك وفقدت صوتك وفقدت مزحك ، وتدري اني احياناً من شوقي لك اروح اقعد لوحدي في الشقة وما اقعد عند اهلي؟ ، "تنهدت" والله اخاف اخسرك وانا ما كسبتك حتى ، ما اتخيل يصير لك شي ، وحتى لو ما تحبني بس اهم شي اني اشوفك بخير
-وقفت وديان وتوجهت للباب وهي جواتها حزن ولكن اخذت نفس قبل تطلع وابتسمت وفتحت الباب وطلعت
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
~بعد ربع ساعة~
وديان جالسة تنظم المواعيد فجأة سمعت يعود ينادي الدكتور راكان والدكتور راكان جاي وهو يركض و وراه ممرضين، هنا شدت عيونها بصدمة وقامت تركض وهي تبي تقنع نفسها ان عبدالله ماصار له شي ، ولكن لما جت تدخل الغرفة و قف الدكتور راكان وطلعها و هي هنا جلست على طول وبكت لأنوا مستحيل يمنعها تدخل الا إذا عبدالله فيه شي
جت تيماء وهي تشوف وديان تبكي: وديان ! اش فيك؟
وديان وهي تبكي: عـ..عبدالله
تيماء: اش فيه عبدالله ؟
وديان : مدري
تيماء : يا حبيبتي استهدي بالله مافيه شي ان شاء الله
وديان: ان شاء الله
تيماء حضنت وديان وهي تقرأ الاذكار
بعد 7 دقايق تقريباً ، ولكن كانت ذي الدقايق اصعب دقايق تمر في حياة وديان لأنها ماكانت عارفة شسالفة
طلع الدكتور راكان وهو يناظر لـ تيماء اللي في حضنها وديان وراح بإتجاههم
ثم وقف واردف: وديان
فزت وديان اول ما سمعت صوت راكان : ها بشر ، تكفى قولي يا دكتور ان عبدالله بخير
ابتسم الدكتور راكان: الحمدلله بخير
وديان: طيب اش فيه؟
راكان: تبيني ابشرك؟
وديان : بشر عساها خير
راكان بإبتسامه: الحمدلله صحى من الغيبوبة والحين نومناه عشان ما يتضرر او تجيه اعاقة
وديان بفرحة: صدق!
راكان: ايه
وديان بدموع فرح : الحمدلله يا رب الحمدلله انك نجيته
تيماء ضمت وديان: الحمدلله
وفي نفس اللحظة جاء سعود وعيونه حمره وباين انه كان يبكي : ها اش صار؟
تيماء: صباح الخير ، وين كنت انت؟
سعود: كنت اصلي
تيماء: عبدالله صح من الغيبوبه بس رجعوا نوموه عشان ما تجيه إعاقة
سعود ابتسم : الحمدلله الحمدلله
كانت فرحتهم ما تنوصف لدرجة في نص ساعة الكل درا وكانت ردة فعلهم..اللي جلس يصلي واللي على طول لبس وراح المستشفى واللي من الفرحة جلست تسوي لـ عبدالله اكل
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
جاء فارس وعلي وليلى
علي: ها لسى ما صحى؟
تيماء: الدكتور راكان يقول احتمال يصحى خلال ذي العشر دقايق
فارس : يلا ان شاء الله يصحى بخير
ليلى: الا وين وديان؟
تيماء : راحت البيت تسوي له اكل
ليلى: لعلها استعجلت شوي ، وخالتي بعد جالسة تسوي
تيماء : ذا طبع المتزوجات وان شاء الله كلها كم شهر والقاك مثلهم
ليلى: لا لا انا غير هههههههههههههه
بعد 13 دقيقة تقريباً
جاء الدكتور راكان يركض: لسى ما صحى؟
تيماء : لا
دخل الدكتور راكان و وراه ممرضة والكل خاف
↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼ ↼
على دخول الدكتور جلس يحاول يصحيه ولكن نبضاته...