زهير: لا تكفرنيييش اصاااحبي
وليد: غير باش ديرها فبااالك
زهير: فوكاش غتمشي نتا؟!!
وليد: (تفوه) بعد غدا
زهير: مزيااان حتى انا شي شهر ونهز بنت عمك نغبروا فشي قنت
وليد: احسن حاجة (قلب وجهو ساااهي.. وزهير كيقلب بعينيه على أمال والو عاطياااه بظهر كيشوف غير مريم كتشرب عصير وكتاكل حلوة بقا كينݣر)
زهير: واااه ضربي الحلوة على ݣلبي
وليد: ههه نعرفك بعقلك
زهير: ݣولي نتا ماالك؟!!!
وليد: والو مزيان
زهير: واااه.. (جا السرباي طلبو قهوا كحلة بجوج حتى كيشوف وليد هز ݣاارو شعلو وبقا كيكمي.. تبعو زهير وهو كيكمي نساااا أمال وقلش مع صااااحبو كيكمي!!!! اذا شي حاجة خطيييرة)
شي بيرة؟!!!
وليد: (تبسم مفقووووس) وشي شيخااات وها هي الجلسة غاااية
زهير: واش طاري؟!! (كيتسنى يعاود ليه على شيماء)
وليد: اوااااالو غير مكاااين ݣااانة
زهير: (مقدرش يخليه على خاطرو حيت ماشي شي واحد للي عادي راه خوه هدا)
واش على ختك؟!!! راه عادي متفااهمش مع حسن تفارقو وتزوجت اخر
وليد: (زاد غووبش) نتا عارف وانا عارف سمو كااااين غير بلا مضرݣ الشمش بالغربال وموضوووعها منبغيييش نهضر معاه
زهير: اوا واش صاري ليك اصاحبي؟!!!
وليد: (هز حواجبو) معرفت براسي معارف ومفاهم وااالو...
🙈الجزء 829🙈
أشرف: ( من بعد مسلخ شيماء مزيان جلدها فظهرها بالصمطة ديال سروال نتفها طرشها ولكن كرشها مكيقيسهاش لدرجة حبس من الضرب خااايف غير للي على كرشها خلاها مليوووحة وخرج كيرجف.. دازت عليه ليلة كحلة فالليل ناض للكوزينة نيطوايااها مزيااان داز على بيتها لقاها دخلت ففراشها ونعست.. زفر ومشا للصالة شحال وهو جالس حتى رجع لبيتو ينعس...)
~~~~~~~~~~~~
أمال: (فاش ناضو من القهوة بقات غير كتشوف زهير باغية تفهم واش مقلق منها ولا شنو وعلاش وجهو هاكا مكيتفسرش مشاو سلمو عليهم وبان على وجهم انهم ممرتاحينش وممرحبينش بلبنات للي فهمو راسهم ومشاو... رجعو مريم للدار وهوما مشاو عند الحاجة...)
ماشي تعطلو
هند: بزاااف (كتفوه) بغيت نعس راسي تيضرني عنديك شي دوليبران؟!!
أمال: واه كاينة (مشات لبلاكار جبدت حبة دارتهالها فلكاس) حتى مّا دخلت تنعس بلا حتى متعشا
هند: (معرفت علاش جاها احساس ان وليد كيعاود لزهير على مشكلتو) صحاب بيناتهم خرجو يفوجو
أمال: ياله تمشي معايا تنعسي
هند: خليني هنا فية لبرد حتى نتي جلسي هنا على ميجي زهير وسيري
أمال: واخا... (جابت كولش تغطاو من بعد ما كل وحدة شدت سداري.. هند كتفكر فهادشي للي واقع ماشي مشكل يستهان بيه وأمال كتصوني على زهير للي مكيجاوبش وكتصيفطلو فلميساجات حتى قلبتها مسلسل متبعااه...)
~~~~~~~~~~~
وليد: (كانو غير جالسين سكااات وزوهير غير جالس معاه حتى نطق)
علاه زعما أشرف يتجوجها وهو كان عارف ولد خوك كان خاطبها وغيتجوجو
زهير: نتا مبغيتش أشرف يتجوجها
وليد: علاه يتجوجها هاكا من مور طلاݣها وغيكون عارف سمو كاين اصلا تفضحنا معاها علاه نزيد نخبي وندير مكاااين واالو
(شاف فيها)
نتا وعرفتي كدرت؟!!!
زهير: خليك مني يانا كما هوما فاميلتك حتى هوما فاميلتي
وليد: ماشي بقا فية الحال على عرفت بقا فية الحال على ختي صغيرة للي كنت (سكت قلبو كيضرب) والله يا خويا حتى كنت دايرها بنتي منحمل للي يقلقها ولا يضربها انا للي ݣطعت كلام با وخوتي حيت مخلاوهاش تجي تقرا.. وفالتالي ها سمو عطاااتني
زهير: هي دابا تجوجت رجعت فرݣبة راجل
وليد: علاه تجوجها؟!!! نورمال وكان كان باغيها شحال وهي حداه
زهير: اممم يييييمكـــــــــــــــن كيصلح شي حاجة دارها
وليد: (باستفهام) سمو يصلح!!!!
زهير: شي حاجة ماباغيينش يݣولوووها
وليد: سمو عارف ازهير؟!!
زهير: عارف خاصك دير عقلك راك مجوج تجمع مع مرتك وݣادو اموووركم رجع لخدمتك ورجع ككان الدنيا مواݣفاااش
وليد: سموو عارف؟!!
زهير: (عض على شنافتو) أشرف هو للي كان.. ماشي أنوار...
#يتبع
YOU ARE READING
⚜أحببت رجلا ⚜
Romanceقصة كتجمع بين حب_غدر_خيانة_كوميديا_دراما_قوالب_غباء... مخلطة و الأبطال من الجهة الشرقية فين معرووفة اللكنة الحرشة ولكن غنحاول نخففها باش كولشي يفهمها .... القصة كدوور بين بنات كانو مغبونيين ونهار لقاو الحرية تلقااو مع الوااقع.... تحت عنوان...
part 149💕
Start from the beginning
