⚜أحببت رجلا ⚜

part 149💕

هند: حمقة نتي تقوليلو نتا ماشي راااجل وشحال من حاجة طيحتيها منو وبغيتيه نهار التاني يجي يهضر معاك لا سمحيلي امريم عيقتي

مريم؛ هو للي تابع شيما

أمال: باش تابعها ياك شحال لاااحت راسها عليه وهو مبغااش يبغيها وهي (ضربت هند رجلها برجل أمال) مطلقة كنت باغية نݣول غير مطلقة

مريم: مك حااامقة دابا على شيماء وبغات يتجوجها كل نهار تصوني وتݣولها وهو غير سااااكت

هند: اولا بعدا باش ترتاحي شيماء هادي شهر باش تزوجت

مريم: كفاش؟!!

هند: اه تزوجت يعني خوي راسك منها وشوفي كديري تصلحي علاقتك مع راااجلك

مريم: (بقات كتبكي وهند جالسة حداها كتواسيها) كيف ندير والو مبغاش ݣاع يهضرني ولا يجاوب

أمال: اجي ياكما حاملة وكتوحمي عليه هه

مريم: لا جاتني

هند: خلييه بلاتي يدخل وهضري معاه صدعييه حتى يسمع ليك وطلبي سماحة منو كنت بغيت نقولك لبسي وسكسفي وعطيه كادو ساعة خفت يقولك من أين لك هدا وانا عارفاااه عشرة فعقل

مريم: ههه (ظحكاتها بقات كتمسح عينها حتى قشعت زهير كيطل برويسو  دارت راسها مشافتوووش وهضرت)

أمال بلا مدوري راجلك من موراك كيطل (أمال خرجت عينها هند بقات كتطل ممعيقاش حتى جات عينها فوليد للي شافها كتشوف دار بيدو زعما راه غير مجرور تبسمت)

أمال: بالصح!!!

هند: ههه يا ختي داك المݣنوي دياالك

مريم: ههه ظحكني

أمال: مظحكوش باش ميجيش يݣلب علينا هاد لعوااصر.. معرفت علاه تبعنا
🙈الجزء 828🙈

زهير: (شعل ݣارو بقا كيكمي ومرة مرة كيلووح راسو معصب معاارفش علاش ولكن تسنى يسمع شي ظحكة منها عاااالية ولا شي تصرف)

وليد: مموالفاالكش

زهير: جاتني فشكل ولفتها تحت جناااحي

وليد: حيت جات قهوة صافي!!! راه الا بديت فهاد طريق معندها فين تخرجك غدير مشاكل مع مرتك ومرحبااا بيك فالجحييييم

زهير: لا لا ماشي شك ولكن كان عاجبني الحال تشاااورني.. أمال مبقاتش تشاااور بزاااف (كما غير بشوية بحال كيفكر)
كولشي ديالها ولكن يعجبني الحال تشااور

وليد: هضر معاها نيشان تبعها لقهوة وهي غير مع لبنات مجاتش

زهير: متبعتهاش انا جاي نتقهوا.. مال القهوة مكتوبة على سميت مصطفى

وليد: (هز حاجبو وقلب وجهو) براكة غير داكشي للي داز عليها راه السرجم هو التالي مكانتش طل منو بسنييين