⚜أحببت رجلا ⚜

part 149💕

أشرف: نعتابروه تبرهيش ودازت منو

وليد: تبرهيش فجيييه والاحترام فجيه ومحدها خبعت الا وكانت راااضياااا تحمد الله خرجت بروووووحها اما وكان ماشي انا للي قتلتها كان واحد من خوتها ولا باها للي يقتلها تجوجتو الله يكمل بالخير نهار اللول جيت عندي ݣلتلك مبقى عندي صلاااح فهادشي..
(جا حداهم زهير بانلو الوضع ماشي هو هداك)

زهير: واش تم

أشرف: سلام

وليد: انا نمشي نقضي شي غراااض (شاف فاشرف) واخا شحال من حاجة مفهمتهااااش!! (خلاهم كيشوفو فيه وزاااد)

زهير: مالكم؟!!

أشرف: غير كنبغي نصالحو مع ختو

زهير: داكشي خليه للوقت راه حتى هي مصيييبة وتجمعت مع كارثة..

أشرف: (زفر) ندمت بربي حتى ندمت وحتى لبنت للي كنت معاها سمحت فيها

زهير: سخونية الراس كترجع لواحد بندااامة استغفر الله وطلب الهداااية... واخا تجوجتو هاكا وصوااالحكم مكانتش مريݣلة الا تهلا فختو وعطيها حقووقها للي وصاااك بيها ربك باش ربي يقبل توبتك

أشرف: (حرك راسو باه وشاف فزهير) رواح معايا نعطيك ديك الأمانة راه جبتها (ركب معاه زهير فطموبيلتو مشاو للدار) طلع

زهير: لا غير خليني هنا

أشرف: يرحم باك الا مطلع واااه حشوومة... (طلع معاه زهير من بعد إلحاح كبير طلع زهير لي أصر يبقى حدا لباب حل بالساروت ودخل حتى كيشووف دخاااخن فبيتووو غوبش ودخل لقاها جالسة لابسة شورطو وتيشورت ولكريشة كتبان... طالقة شعرها وجالسة فوق الفوتووووي وكتشيش هي بالصدمة منين شافتو بقات هازة داك التيوووو مصدووومة...)

واش راكي دزعرطي؟!!!!!
🙈الجزء 827🙈

نعيمة: ادم ولدي شوف شكوون

ادم: فين سنا؟!!!

نعيمة: حشم لبنت الليل كامل منعست مشااافتو ونتا باغيها تنوض تسخر شوف شكون

ادم: (ناض لبس كلاكيطتوو خرج لقا ام حسن فلباب براسو تضهشر) الحاجة دخلي

الحاجة: كاينة لالة نعيمة

ادم: واه راها لداااخل (ياله بغا يرد لباب فتيحة طلعت حيت قشعتها من السرجم) مرت عمي!!!

فتيحة: لباس عليك توحشت مصطفى وطلعت نشوفو.. (حرك راسو زعما راه تيقتك)

نعيمة: (شادة مصطفى كتراري بيه حتى وقفت عليها الحاجة تصدمت حيت من قبل طلاق متشاوفو مهضرو) الحاجة دخلي

الحاجة: ياك الآلة نعيمة يتزاد حفيد فلفاميلا وميعيطلي حد

نعيمة: (ملقات متقول تضهشرت وكملت عليها فتيحة للي بانت) زيدو دخلوووو.. (سلكت فتيحة على الحاجة وجلسو خلاه الولد عند الحاجة للي زرراتو وناضت نعيمة وتبعااها فتيحة للكوزينة فسكات كيقادو كاسكروط كولشي موجود غير كيتسخن واتاي كيتعمر حتى نطقت فتيحة)