....: ميمكنش اخويا
أشرف: راه هادشيك للي تم مكتحلش لباب وحاملة تكون واقعة ليها شي حاجة
....: راه الا كانت ناعسة وفتحناه عليها ما..
أشرف: راه يانا للي كنخلصكم اصلا الا محليتيهش غنديها حيت هي معندها باش تخلص
...: (بقات غير كتشوف فيه)
أشرف: يرحم باك راه تقدر تكون ميتة ولا شي حاجة
(هزت سوارت الاحتياطي سبقها وهي تابعاااه من بعد متأكدت هو للي كيخلص.. فتحت لباب كما الموقع لقاوها ناعسة فالنموسية وللي كفاش راخية يديها هي للي دخلتهم لعجب قرب منها كيضرب حنوكها بشوية)
شيمااا شيمااااا....
(لا رد شاف فكرشها للي عريانة واثار صباعها حمرة عليها بحال كانت كتضرب كرشها.. شاف فلبنت لقاها رجعت برا حيت لبيت خانز بريحة صنان... رجع كينوضها ويضرب فحنكها جبهتها حتى حلت عينيها بشوية وهوما كيحواالو حتى شنايفها كانو بووويض.. شاف فميكات دلماكلة باقيين هوما هوما.. جات العين على العين)
باغية تقتلي راسك هاكا؟!!!
شيماء: (عينين ذابلييين مبقاش عندها حتى القدرة باش تبكي ولا تجاوب صحتها فاشلة.. وقف وتم خارج من بعد ما هو الساروت ورجع سورت عليها هبط لتحت نيشان مشا للمحال ديال كيفكر ألف مرة جاب طموبيلتو ومشا لوطيل طلع عندها حل لقاها كما هي حلت عينيها بشوية وشافت فيه...)
أشرف: مزال باغية تقتلي داك للي فكرشك معييتيش المرة اللولة التانية التالتة فين ماشية بهاد ذنوووب (شاف فيها بقرف) نتي مكتوبيش؟!!!!
(قرب لحداها موقفها بشوية)
تݣعدي نديك لشي طبيب مݣاد على ذنووب اخرين
(متقدرش تهضر ولا تلاج معاه فالهضرة بحرا وقفت حيت مكتقدرش توقف بالدوخة شد فكتافها مسندها عليه واخا محاملش يقيسها...
هبطو لتحت ركبها اللور باش تكا وهو زاد كيقلب على شي بلاكة ديال طبيبة نساء وتوليد وتوليد...
باركا الطموبيل منين بغا يخرجها تفكر انها غير بكولون وتيشووورت خانزييين وحتى لبرد محرك شوية.. دور راسو مكاين حتى محال دلحوايج تفكر حوايجو فلكوفر مشا جاب قبية وديباردوور وسروال صبور حل لباب ولاحهم عليها )
لبسي هادشي وحايدي دوك لحوايج
(ناضت بشوية كتبع اي كلمة قالها ليها مع الزاج فيمي تخبعت من مورا واحد الكرسي وزولت شنو لابسة لفوق كولشي ولبست شنو عطاها عاد جيدا لكولون اصلا مكانتش لابسة سليب ولبست شنو عطاها كتشوف زغب للي ناض ليها كولها رجعت حااالتها... حلت باب الطموبيل وسبقت رجلها خرجت دايرة القب على راسها ووقفت بلكشااايف القرية جاية واسعة عليها السروال حتى هو وطاوياه من لتحت حانية راسها شد من عندها دوك لحوايج سد باب الطموبيل وزاد لبركاسة لاحهم وهي من موراه كتمشى بشوية دخلو البناية وشدو المصعد داخت حتى حنات كترد ولكن مكترد واالو وهو غير كيشوف فيها.. تفتح شدها من ذراعها بشوية وخرجو خلاها واقفة وبقا كيقلب حتى لقا العيادة رجع عندها وهي كتمشى بشوية)
وااا وزربي شوي
YOU ARE READING
⚜أحببت رجلا ⚜
Romanceقصة كتجمع بين حب_غدر_خيانة_كوميديا_دراما_قوالب_غباء... مخلطة و الأبطال من الجهة الشرقية فين معرووفة اللكنة الحرشة ولكن غنحاول نخففها باش كولشي يفهمها .... القصة كدوور بين بنات كانو مغبونيين ونهار لقاو الحرية تلقااو مع الوااقع.... تحت عنوان...
part 147💕
Start from the beginning
