⚜أحببت رجلا ⚜

part 145💕

زهير: هند (ضارت وتم جاي عندها) وين رايحة؟!!!

هند: خالتي نعيمة سخفت بالجوع وبغيت نجيبلها شي حاجة

زهير: جلسي انا نمشي ومرة أخرى للي خصااتك ݣوليها ماشي منك راسك تخرجي وفهاد الوقت (مشا لطموبيلتو وهي تنهدت رجعت حدا أمال أول مرة يتجمعو وميهضرووش غير صاقريين ساعة لاروب جا زهير هاز ساشي فيدوو داز على أمال عطاها سندويتش وعصير عطا لهند محمد ادم نعيمة.. حتى واحد مقااد يااكل ولكن بلماكلة باش يقدوو يوقفو على رجلييهم..)

حسن: (دخلت شيماء كضور عينيها فدارو مزال مجاب الاثاث) دخلي تدوشي

شيماء: مجبتش حوايج معايا

حسن: لبسي شي حاجة ديالي

شيماء: (حركت رأسها باه مشا كيزرب وجد ليها الدوش وقلبو واش فيه شي حاجة من ديالو حط البنوار.. دخلت هي للدوش دوشت وهو بقا براا فلكوزينة كيسخن طاكوس للي دازو جابووه.. خرجت طل عليها كانت لابسة بينواارو للي جاها وااسع)
حم فين نلبس

حسن: سيري لبيت نعاس راني حاطلك حوايجك (حركت رأسها باه كانت هازة حوايجها ردات لتاحتانيين ولبست تيشوورت كان حاطوولها وشووورط خلات شعرها مطلووق وخرجت عندو) بالصحة

شيماء: الله يعطيك الصحة

حسن: فين تبغي تاكلي

شيماء: هنا فية لعيا بزاااف

حسن: واخا حبيبة سيري انا جاي (رجعت لبيت نعاس طلعت فوق الناموسية للي كانت ديال واحد ولكن عريضة شوية اما هو صونا على ادم يطمئن ولكن مزال مفاق هز بلاطو ومشا لبيت نعاس حطو فوق لكوافوووز هزت كتاكل وهو كيشوف فيها)

شيماء: مغتاكلش؟!!
🙈الجزء 793🙈

شيماء: مغتاكلش احسن؟!!

حسن: (هز حتى كيااكل) كارثة طاحت فوݣ راسنا

شيماء: (بتنهيدة) الله يشفيه يا رب

حسن: اميين (بقاو ساكتين كياكلو هي كملاتو كامل ودازت حتى للنص للي عطاها حيت شافها جيعانة شربت مونادة.. اما هو كان غير كيشوف فيها فعنقها شعرها للي مزال فازݣ حوايجو لي لابسة) بالصحة حبيبة

شيماء: الله يعطيك الصحة

حسن: بغيتي شي حاجة اخرى!! ديسير نݣادلك شوية ديال الديسير

شيماء: لا لا انا نغسل يدي (ناضت تغسل يدها وهو بقا كيجمع من مورااها رجعت لبيت نعاس وحتى هو رجع لقاها هازة التيليفون.. دخل وسد لباب) مسكييين الله يشافيه... انا نعس شوية ونجي.. واخا ماما.. بسلامة (قطعت متنهدة) مزال مفاق

حسن: ان شاء الله يفيييق

شيماء: ان شاء الله (تكاات من بعد مجمعت شعرها سفنجة طفا الضو ومشا نعس حداها) ناموسية صغييرة