⚜أحببت رجلا ⚜

part 142💕

وليد: سمو ݣلتي؟!!

هند: اليوم غنمشي نخدم

وليد: ومالكي مزرووبة خلي بعدا غير ندوزو شي شهر ولا شهرين ولا عام

هند: ههه راك عارف خدمتي كداايرة أوليد 2 سوايع ولا 3 فنهار ولويكاند ديالي

وليد: امممم

هند: هههه (مشا عقلو عاود ناضت بالزربة تابعها كان بالشوورط ومنفوخ بزااف بقات كتشوف حست بالحشمة ضارت مشات لطواليط كظحك بوحدها غسلت وجهها يديها فضلت غراضها شللت فمها وخرجت عندو كان رجع لبس حوايجو للي نشف من البقعة ديال لبارح) مشينا

وليد: تبغي نبقاو حتى اليوم

هند: حتى نوجدو ليها مكاينش علاش نخسرو فلوس

وليد: هانية غير نخسرو انا باغي نخسر

هند: هههه (شحال كتعجبو ظحكتها العالية وأكترية منين كيغبرو عينيها) ياله نمشييو

وليد: نمشيو الدار هو اللول نبدلو حوايجنا نفطرو عاد نوصلك عند امال

هند: اوكي (شافت التبسيمة كتمشي باينة شنو تفكر خرجو بجوج كتحاول ظحكو تنسييه هبط خلص وزادو فطريق)

وليد: كفاش بلان النيف ول..

هند: ههه غير تنظحكو بيها حنا لبنات

وليد: ماشي معياااار هداك

هند: لا ماشي معياااار وااضح غير زعما معروووفة وصاافي

وليد: اممم (بلا ميحس دور لمرايا شاف نيفو اما هي شدت الظحكة وقلبت وجهها كمل الصوݣان وصلو للدار طلعت هي بدلت حوايجها وحتى هو دوش بالزربة بدل وصلى صلاتو كانت هي هبطت مشاو فطرو فجو الظحك حتى صونا عليه زهير باش يجي على حساب شي سلعة)

هند: وليد حبيبي نتا غير سير انا نمشي عند أمال باش غتجي معايا للمقابلة

وليد: نورمال اليوم مكاينة خدمة ولكن منين السلعة ضرووري نحضر

هند: اه غير سير اصلا غتجيو تغداو ياك

وليد: على حسااب غير هو احبيبة عارف نتي ماشي عسااس

هند: سمحلي والله كنت معصبة وصاافي كون هاني الا خرجت غنقولها ليك

وليد: صافي الله يرضي عليك

هند: (تبسمت) بااااي (متبعها بعينيه متبسمين وفيهم شهوة ليها ركبت وزااادت اما هو دخل للدار هز مطورو ومشا لعند زهير منكرش انه دوز احسن ليلة وداك الاحساس شحال عجبو وخلاه متلهف يعاودها مرة ومليوم وديما.. دخل لقا زهير كيهضر فالتيليفون قطع كانو دراري كيدخلو السلعة)

زهير: (مشا لعندو للمكتب) سبع ولا ضبع

وليد: هههه كنت ضاااايع فحقي يا خويا