⚜أحببت رجلا ⚜

part 142💕

أصبحنا وأصبح الملك لله....

شيماء: (فاقت بكري مع ديك 7 لبست دغيا جلابتها ولوات شال هزت فلوسها وخرجت لقات صقييير باينة الحاجة فسطح تسلتت بشوية خرجت لبرا ݣاع الطموبيلات كاينين مشات للباب لكبير حلات غير صغير منين كيخرجوو سدااتو وبقات ماشية فطريق ودايرة يدها على قلبها خاااايفة فأي لحظة تلقى وليد جاي بموطور ديالو وعاد خايفة من لبلاصة للي خاااوية قليل فين كدوز طموبيل بقات ماشية حتى بانلها طاكسي كبير بيض بقات كتشير طلعات ونعتات ليه العنوان للي بغات تمشي بالثمن للي بغا هو قبلات اصلا كانت طاالبة عليها قلبها كيزدح.. وغير حاضية طريق من خووها متهنات حتى وصلات لمدينة وصلها لديك لبلاصة خلصااتو دازت لأقرب cih bank تيرات فلوس ومشات لديك الدار للي غير وصلات للحومة عقلات عليها.. دقت وخرجت ليها نفس لمرا فرحات)

سلااااام خالتي الزهرة لباس عليك

الزهرة: لباس ابنتي واش نتي للي عيطتيلي لبارح

شيماء: (ماشي هي) واه انا وݣلتيلي نجي فصبااح

الزهرة: دخلي سيري لبيت نجيب لݣديرة والعافية

شيماء: (دخلت وسدت لباب وهي ضور عندها) حم خالتي مجيتش على لݣدييرة (ضارت) اصلا كنتي ݣاديتيهالي داك نهار غير معقلتييش

الزهرة: (شافت ليها فالترمة عجباتها خدمتها) ايييه مرحبا حنا كنبغيو نديرو غير خدمتنا

شيماء: وداكشي علاش رجعت ليك ولكن الا درتي معايا شي حل طلبي للي بغيتي وانا نتهلى فيك

الزهرة: (شمت ريحة رزق جااي) دخلي لبيت نعمر كاس أتاي ونجي (دخلت شيماء فرحانة ندمت علاش مفكرتش فيها من شحال هادي تبسمت واخييييرا غتهنى من هادشي تفكرت أشرف معرفتش علاش وجعها قلبها واش حيت دارت فيه شوية ديال الأمل وتمنات ينقذها ولا شنو؟!!!! نفضت افكارها منين دخلت الزووعرة للي كانت مرااا فسن الخمسينات ولكن شاادة فراسها عامرة وطويلة وشعرها حمر بكترة الحنة وواشمة بين حواجبها وفالذقن ديالها باينة كانت زويييينة فصغر.. حطت الصينية ديال أتاي ورجعت كتجيب خبز زيتون فرماج كعك.. جلست كبات ليهم اتاااي)

الزهرة: غتكوني مزال مفطرتي

شيماء: المشكل للي عندي مخليني مقدا لا ناكل لا نشرب

الزهرة: (صغرت عينها فيها) تكرفس عليك صاااحبك

شيماء: (حنات راسها وحركاتو باه) ووو حاملة

الزهرة: حاملة هي الا لسݣتي فيه

شيماء: وكان غير بقات هاكا انا محسابليش حاملة ودارنا جوجوني لواحد اخر وقريب ندير العرس حتى لݣيت راسي حاملة كنت باغية غير ندير الترقيع صدقت باغيا نطيح وندير الترقيع

الزهرة: اممم (جغمت من أتاي وكلات مخلية شيماء كتشوف معرفتش واش اه ولا لا) بغيتي ديري جلدة