⚜أحببت رجلا ⚜

part 141💕

حسن: ياك غير لبارح تزوجو؟!

شيماء: اواااا الله يهدي ما خلق

حسن: اوا وداابا

شيماء: حط راسك فبلاصتي واش تمشي وتخليهم يتقاتلو

حسن: اممم لبسي نخرجو غير شوية ونردك...
🙈الجزء 783🙈

شيماء: واخا لبس ونخرج عندك (دقت فلباب حلاتلها هند دخلت سادة لباب من موراها) انا غنخرج مع حسن

هند: خاصكي تزربي باش تفارقي معاه

شيماء: هو كيبغيني ميݣدش نتفارق معاه

هند: عاوديلو وهو يختار

شيماء: واش حمقة؟!!

هند: ڤري حمقة حيت داخلة فهاد تبرهيش ديالك خووك مزال غنعاودلو على هادشي ديال صباح

شيماء؛ لا لا اهند عفااك صافي راه عندي واحد الخطة فراسي

هند: واش مكتعياايش من الخطط؟!! اختي ديري للي يخرجك (مشات حدا أمال ولوخرا مشات لببيتها) مرضتني والله

أمال: (حكت فشعرها) صبر.. ݣوليلي اهند ولا خليها حتى تخرج (بقاو ساكتين أمال كملات جوج بوليكوبات صونات على الحاجة سولات فيها خرجت شيماء وقطعت) سلكت عليك وݣالتلك غدا الجمعة طعام عندنا

هند: (بتنهيدة) ان شاء الله

أمال: وصافي دابا تفرج اختي غير متهزيهاش منين تقاالت كنعرفك قوية

هند: قوية اااه ولكن حتى انا بنااادم راه (بتنهيدة) شحال وانا تنتسنى هاد اللحظة وفالتالي مفرحتش حتى بيها وحتى لوكان توقع شي حاجة بيناتنا متكونش بديك لحلاوة (طالع ليها الدم) السيد كان كيتمنى غير فوقاش نديرو لاكط كان تيرجف علييه.. كان باغي غير امتى باش يقيسني فينوو دابا؟! مشا هرب الخدمة وخلاني بووووسة هي اللخرة مكيناش

أمال: (بقات فيها) وكان غير مدخلاتكش فهادشي كونتو عايشين بيخير

هند: (بتنهيدة) انا متأكدة وكان هضرت مع طبيبة ولا ديتها عمرو كان يعاود يشوف فكماارتي بفمو ݣاالها

أمال: هو راه كيبغيك بزااااف

هند: اممم والله مكرهت أمال نمشي نبات معاك والله

أمال: ياله

هند: وهي؟!! والله ونخليهم بجوج حتى يقتلها مولي طالبة على الخلوة الشرعية فالمحكمة هههه نااااري تنتخيل راسي

أمال: ويييه فين ماشية هند

هند: ماشية ت*** ههههه

أمال: ههه أحااااي

هند: قوليلي شنو كنتي باغية تقولي قبيلات؟  

أمال: واه فكرتيني دابا سيمانة ونهار وهي فية

هند: وغي حيتاش كان عندك داك المشكل ياك ماشي مجهدة بزاف؟!

أمال: لا كانت غبرات ݣاع (حكت شعرها) واحد نهار ورجعت ولكن غيييييير نقيطات