الجزء الثالث من قصه ـ في ضريح العشق حمامه ....💙🕊

هديه ♥

ويسوي حرڪاته مالت العجايز عود اني حسدته.

ويستنجد وينها ام هادي اللي صايره ؏ گولته خشاف ما ينشاف ــ ماادري منين جايب هالمثل.
بعدين فهمت هي تزور بناتها دائما ودڪتورنا معترض. زين هو ابو هادي مامعترض انت شلك علاقه.

وقلب عليها بعد ما ينطيها لابو غياث. ــ ؏ اساس بڪيفه.

گعدت يمه وفهمت هو ما رايح للمستشفى لان خالو عنده عمليات.

رايح لمصطفى لجامعتهم وراجعين سوا.

وفهمت شنو ڪان ڪلام مُــخلد وياه بعد مااجانا خالو ابو الحسن وصار اوس يتناقش وياه عن ابن مختار ونقص البوتاسيوم بالكلى. وگال هو يراجع دڪتور عبداللطيف حسين.
عيادته قريبه ؏ بيت جده واخواله.

وخالو ابو الحسن گال بعدني طالب بڪليه الطب وهيومه تمرضت وابوها الله يرحمه ڪان ملتحق بوحدته واني اخذتها لدڪتور عبداللطيف من ذاك الوڪت هو افضل طبيب اطفال. ومراجعينه من ڪل المحافظات.

وهو صارله اڪثر من سنه تقريبا من رجع للعراق وابنه وبنته همات اطباء.

وبعدها رجع ڪلامهم عن فراس ابن مختار وحالته ان هو زين ماشالله لان مڪتشفين حالته بوقت مبڪر.

وڪلش معتنين بي وبـ. اوقات علاجه ومراجعات واعاده التحاليل.

وڪمل ڪلامه عن مخلد ڪلش عاجبه ويمدحه وخالو ابو الحسن يٵيد ڪلامه ويستدل بڪلام احمد وهيام عنه.

وما شالله ام ياسر وتوصف مخلد.

اڪيد تتفنن بوصفه.

و؏ گوله ميساء تٵلف ڪتب عنه وتڪتب شعر مديح.

وٵني من يمي شارگه حلگي وممليه فرح.

واڪيد ما تخلى جيه خالو علينا من سؤاله عني وگال واضح عليج التعب. اخذي استراحه طويله ومن ترتاحين ذاك الوڪت نتفق ؏ جدول اعمال.

واخر يومي صرت استذڪر اللي صار اليوم واعيده بمخيلتي والفرحه غامرتني ـ عجيب حبي اله.

بيدي دفتر مذڪراتي ڪتبت الذڪرى وفتحت الحاسبه ودخلت لحسابه ڪان ناشر قبل دقايق ـــ

"كم مره أمطر قلبي في وهج الصيف.
وكم مره كانت النظره في عينيكِ،
كفيله بإعادتي من حرب. !!
وكم مره كان صوتكِ الصوت الوحيد الذي يُسمع !
وكم مره كانت ابتسامتك الطفوليه هيَ المبتغى ..
ستعلمين يقيناً كم أحببتك
و مازلت ..... وللأبد ...
أُحبك دومًا أنت خياري
الأول والأخير والمنتصف "

دونت ڪلماته بدفتري ....

وسافرت بافڪاري اله واگول لنفسي اشتاگيت اله والرب.
شوڪت تخلص السنتين والثلاثه. ويجمعنا القدر. ؟؟

مرت ايامي اول اسبوع بعد الامتحانات اخذته استراحه.

وسن و اسمى وآن مايفارگني دائماً يمنا ومرات يباتن.