قريري العيون

البارت ثلاثه وثلاثون

رقيه : ولج يارفيجي شگد طك گلبي عليج

ورده: بعد روحي ولله انا هم واذكر ايامنه دوم

رقيه: شلونه سلام عيالج شلونهم وياج

ورده: الحمدلله زينين

رقيه: عليج الله يحبونج وبنات عمنه زينات وياج

ورده :اي ولله حبابات

رقيه: سلام يحبج زين وياج

ورده: اي زين

  ضليت اسبوع عد اهلي واحس نفسي ارتاحيت ونزاح الهم علئ گلبي دخلت بشهر الرابع.

حازم حته يروح للسوك يوميه ويجيب كلشي يكول ذني الج ويوصي فاطمه انو محد يمد ايده على شغلات الي جابهن اليه

وحته الأكل يكول انا وورده خلونه
نفس الصينيه

انا متعجبه من تصرفات حازم
وحته ماسه وفاطمه

امي نهار كله منعزله تبجي على خالي وحته ماتطلع من الغرفه ومالها شغل بأحد
حته ولا كعدت يمي واحنه بس ندخل عليها نلكاهه تبجي ونخلي ونطلع ننقهر عليها

أبوي دوم مايجي للبيت اكثر شي بالشغل

رجعت افكر بسلام

وارد على نفسي لان اجيت بدون علمه وهذا خوفي هيج يصورلي اشياء
نسوان يجن على أمي يواجبنها
ويهدن بيها يكللها كلنا على هذا الطريق لا تسوين هيج بنفسج حرام
وخطيه شوفي بنياتج شلون صايرات لان يشوفنجن هيج تسوين بروحج

مرت خالي كل يوم تجي علينا علمود امي
وهم خطيه ماتركت امي حته تكلنا سون اكل خلي ناكل سوه حته امجن تاكل ويانا أمي شويه صارت احسن
بس منعزله دوم

ماكو شي جديد وحته بيت عمي محد اتصل علينا العصر كاعدين كلنه نسولف بره احنه ورقيه وودت عليه امي

ام ورده :اكلج ورده شو بيت عمج محد اتصل وراج

ورده: ماعرف. يمع شدراني

ام ورده:  شوكت رجلج ينزل ومن ينزل يجي ياخذج لو اخوتج يودونج

نعصر كلبي
ورده:  مادري يمه
خليت وطلعت من يمها رحت يم البنات وگلبي معصور

رواء

اجينه من الدوام مالكينه ورده

كالت امي  اخوها اجه وراحت وياه

رواء: شوكت

ام سلام: الصبح
ضجت لان ورده راحت لهلها تعودنا عليها

رواء :سلام يدري بيها

سلام: اي هيه خابرته  وكايل الها روحي

راودني شعور الشك كلت سلام ميقبل بسهوله وخصوصاً همه بينهم مشاكل
وهوه محتم عليها متطلع لا هيج ولا هيج شلون وافق