قلبي في مأزق

مـأزقَ 37"

مريم :- حبابة بس كليلي سجادة وين خاليها ورجعي نامي

:- يمج يمج

وچ بان وين يمي يمي بس كليلي ونهمدي باوعتلي وهي مفتحة تك عيني :- شگـو من فجر مشوبشة ؏ راسي

مريم :- يولي بس السجادة وين شبيج

گـامت طلعتها من المچر ورجعت نامت وغطت راسها اخذتها وبديت اصلي ؏ صوت الوذان والجو بارد والشعور مينوصف بـگلمات من تحس انت بين ادين رب العالمين

يسمعك بگـل وقت ومگان وتلچى الة وانتِ هموم وتفگير الدنيا براسك مجرد ماسجدت واني ادعي حسيت گلشي خف ؏ كلبي

سبحت تسبيح الزهراء دائـما ورا گل فرض بصلاتي اسبح وادعي الله  يوفقني بـدراستي وحلمي

سجدة سجدة طويلة واخذت نفس قوي واحس گلبي مليان حب الرب العالمين

لميت سجداتي ورحت تمددت اول مخليت راسي ؏ فراشي نمت نومة مريحة خالية من اي تفگير محسيت الا ؏ صوت هوسة رفعت راسي اباوع الـ غرفة مـَاڪو

احد مطيت جسمي ولميت شعري وگـمت الم فراشي ونفتح الباب طبـت روان ونترت :- يلا يلا نزلي بساع

جاوبتها واني اسفط بالغطة :- شگـو

روان :- نزلي تغدي وحضري روحج راح نطلع زفة

ضحكت :- اي دروحي نطلع زفة شنو ولج

روان :- هاا شسمة اقصد راح تصير الزفة يلا مشبعتي نوووووم  وجرتها الكلمة

مريم :- دنزلي لج حازدتني ؏ نومة ولي هسه اجي

سدت الباب ونزلت ونزلت وراها والبيت مخبوص جهال والگرايب گلهم جاين صار بوچهي محمد شايل قاطة ويفتر والابتسامة مرسومة لحد اذنة نتر :- صباح الظهر يابة عرسي ونايمة

ضحكت وگلت :- شعلية قابل اني العروس

صاحت امي وج مريم لسانج وتعاي اگلي طبيت للصالة فارشين سفرة من طول للطول گلها صواني تمن وعليها لحم واشگال

باوعت كشيت وجهي وگلت :- ﻼ‏ ماريد بالعافية ﻼ‏ ماعرُفـہ اكل هيج اكل واني ممتريكة بعدني

زهرة :- حبيبه ليش ماتاگلين غادية هلكداتج 

فريال :- خليها خما مثلنة تصير كل وحدة هلسمناتها

نـب علي :- ولله يمة انتِ سمينة ضعيفة حلوة نيالة جاسم عليج

جاسم :- هس ولك ﻼ‏حكني ؏ امك ﻼ‏تحاجيها هيج هسه تشوف نفسها علية

گلهم ضحگو ونتـر مرتضى :- اسگت لك عليوي ﻼ‏ تگطع علية العشة

خلف :- گـم لك ساقط گم

مرتضى :- ها بوية شني حجيت شي غلط عمي جاسم انت كول موحكك

هوة حجة هيج واني طگيتها ضحكة بدون مافتهم شي گلهم نداور علية واني واگفة باب الصالة