⚜أحببت رجلا ⚜

part 118💕

فتيحة: (جاراها نعيمة بشوية ومطرطقة عينها ممتيقاش واش دار أمال هادي كضور عينها للصالونات للي كاينين جوج غير لفرييع واحد ينسيك فلاخر عاد لجيهة الاخرى كاينة جليسة عصرية ممتيقاش لفراش الديكورات ترياات زراابي الارض كتشعل لݣبص زوين عكس كبير ديال دار مو وحتى دار الكاملة عاد دروج للي فلوسط)
نعيمة: تبارك الله الدار على مزيناتها تستاهل بنيتي
فتيحة: (قربت طرطق واش کاع هدا زهر عند بنتها دار ليها احسن عرس احسن جهاج من عند خوها ومن عند راجلها وعاد الدار داابا)
شيماء: (عوجت سيفتها) اوا راه هادي خدمتو بحال والو يكون حاط هادشي باش لواحد يبقى يسولو حقا شحال هادي وشحال هادي باش يدير إشهار لراسو
نعيمة: لا حولة انا نطلع عندها بقاي مع مرت عمك (ضارت عند فتيحة) فتيحة بلا منوصي عااود (طلعت نعيمة وللي دخل للدار كيحل فمو)
الحاجة: (داخلة لابسة وجدية غير للي كانت كتلبس  وهازة فيدها بواطة فلبيض كبيرة) بنتي مك طلعت عند امال؟؟
شيماء: واه الحاجة (شافت لبواطة) شي كادو؟؟
الحاجة: (تبسمت وحركت راسها باه) دخلو ودخلي مرت عمك للصالون
فتيحة: بلاشرديني لهيه نجلس
فتيحة: فين كاينة راحتك الآلة فتيحة جلسي راها دار بنتك (زادت طالعة للدار مخلية فتيحة غير كتبرکم جراتها شيماء ومشات جلسات حداها منعازلين حيت الأغلبية مشا للصالون يشد بلاصتو جبدت تيليفونها من بعد تأكدات ان أشرف هو مول دعوتها.. )
~~~~~~~~~~~~
هند: (بقات كتجمع الدنيا تماك حتى دخلت نعيمة من بعد مدقاات) دخلي اخالتي أمال دخلات دوش
نعيمة: ياك هي مزيان
هند: الحمد الله مزيانة الله يسمح غير لديك مها
نعيمة: (بتنهيدة) اوا لباااس (عوناتها كتجمع حتى دخلت الحاجة)
الحاجة: السلااام فينها أمال
هند: ههه كدوش (الحاجة حشمت وتبسمت) هداك هو لقفطان
الحاجة: اييه على الله يعجبها
نعيمة: أمال تجيبيلها تقشير تجيها ݣدها ݣدااش غير تهلاو فيها الحاجة راها درويشة ومكاين منها جووج
الحاجة: فعيني ابنتي وربي شاهد علية (بقات تبكي) معزتها من معزة ولدي زهير والله لبارح مبغى يجيني رݣاد من ليي دارتو فيها مها وعاد منين عرفتها مرضات (بتنهيدة كتمسح دموعها وهند كطبطب عليها) منزيدوش حتى حنا نهولووها
أمال: (دارت ومنها على لباب سمعات الهضرة فلبيت حشمت تخرج) حم هند
هند: انا جاااية راه حوايجك فلبلاكار (هزت لبواطة) انا ندخل ليها لقفطان
الحاجة: ياله ابنتي نعيمة عروستنا حشماانة حتى تلبس وندخلو عندها (مشاو كيضحكو عاد هند فتحت لباب على أمال خرجت وهي كتفرنس بالحشمة)
هند: ممقصحاش؟؟
أمال: شوية واخا واحد الحاجة وجعاني فراسي
هند: جلسي نشف ليك شعرك (كانت أمال لابسة حوايج لتحت حتى بروطيج للي نبهاتها هند تلبسو) شنو ضارك فراسك
أمال: لاه كدبت علية ماما وݣالتلي متقفة
هند: معرفت اختي لديك شعشبوونة ديال مك شنو عندها فداك الراس
أمال: فقصتني والله
هند: شوفي خليك عايشة السعادة مع رااجلك ونساي هاد تخربيق (هزت لمكياج بقات كتقادلها مكياج زوين مع عكر حمر ماط مطراسية فيه شنايفها عاد قداتلها شعر فلبلاك خلاتو مطلوق.. ولبساتها ذهب للي شرالها محمد وحتى للي جاب زهير عاد لبست لقفطان للي كان كادو من عكوزتها فصبووحي ديالها.. حمقها وصطاااها كان فالاحمر الملكي كولو منبت وجاها عبار مع صميطة فالذهبي رقيقة فالخصر مع شريبيل فالذهبي) خمسة وخميس عليك
أمال: (فرحانة) أحااااي والله راني نحلم
هند: ههه جاااك غزااااااااااال بالجهد صبري نعيط عليهم (خرجت هند تعيط عليهم وأمال واقفة حدا امرأة للي كاينة طويلة كتمنظر فراسها نسات حريق لتحت وبقات غير كتفرنس فرحااانة)
🙈الجزء 624🙈