⚜أحببت رجلا ⚜

part 115💕

شيماء: (ضارت لقاتو أشرف طرطقت عينها وهو زاد) تفوو على حمار (ضار عندها وهي شدت جلتيلها بيدها ومشات كتقلب فاشمن طموبيل غتركب.. كل كولشي ركب تقريبا حتى من فتيحة ركبت حدا محمد.. فطموبيلة ديال لكبير  حل زهير لباب اقدامي كان راكب عمو)
زهير: عمي مّا كدوخ الله يحفظك رجع اللور (رجع عمو اللور وركب مو سد عليها لباب وتم راجع لطموبيلتو ركب وشاف فأمال للي كانت غير ساهية) حبيبة
أمال: (هزت راسها فيه كتمنظر فزينو وفشو لابس)
زهير: (هز لفوال عليها شاف فعينيها) ماشاءالله
أمال: (تبسمت مهبطة عينيها اما هو بقا كيشوف فيها مخلا حتى واحد بصوݣ بيه باغي ينفارد بيها هو يجيبها من تاوريرت كما واعدها غنجيبك عندي ولكن بعزك وبقيمتك لكبيرة وهادشي للي بغا يوصلولها حتى دق عليه وليد فلباب بشوية هبط لفوال عليها.. هبط الزاج بشوية)
زهير: مشينا
وليد: واه (رجع للطموبيل فين كانت راكبة هند وشيماء وسناء مرت خوه.. تحرك الموكب طيط طيط وأمال كتشوف كولشي للي دايز يا كيوقف يشوف يا لي خارج من السرجم وكاين للي ممسوقش مهم عجبها الحال كما كانت كتمنى من شحال هادي.. دازو من فوق القنطرة ومن تمااك شدو طريق لجرسيف للي صايݣ بشوية للي باغي يطير مهم تافقو يتلقااو فالدخلة ديال وجدة..... حط يدو على يدها وجرها لحداه حاطها فوق رجلو تشاوفو بيناتهم باغي يطفي التوتر للي باين فيها)
زهير: صافا حبيبتي؟؟
أمال: الحمد الله ونتا؟؟
زهير: معايا ازين كامل ومنكونش بيخير
أمال: (تبسمت)
زهير: بحال شي ديوموندا (أمال غير كتفرنس) كولشي عجبك؟؟
أمال: واه كولشي كان فالدار مزيان محمد دار داكشي زوين ݣاع مكنت حسباه يديرلي العرس
زهير: وعلاش ميديرش راه خوك ويبغييك  غير هو ميعرفش كفاش يهضر معاك وصافي
أمال: (حركت رأسها باه وتبسمت) جيتي زوين
زهير: ياك!!
أمال: والله بزااف
زهير: عويناتك احبيبة للي كيشوفو كولشي زيين (محدو كيهضر وهي كتفرنس ولكن منسياش ان الدخلة اليوم للي ميخلي قلبها قلبها كيضرب.. شافها سكتات وساهية) أموول مالكي؟
أمال: واااالو
زهير: ݣوليلي
أمال: والله واالو غير فرحانة بزاف
زهير: فرحانة حيت نتي معايا؟؟
أمال: بزاااااااف (طولاتها وهي كتبسم حتى تبسم هو مبين سنيناتو) اممم واش باقي حتى تماك العرس
زهير: بيان سير علاش شحال عندي من أموول (تبسمت) غير منبغيكش تعيااي وصافي
أمال: (جمعت تفرنيسة وقلبت وجهها للسرجم كولشي كلامو كتربطو للدخلة... جرها من يدها ضارت)
زهير: مال الزين غير ساهي وكيخمم حتى لولاد مزال مدرناهم باش تغبري علية هاك
أمال: (تبسمت) لا غير سهيت فطريق شوية وصافي
زهير: امم طرييييݣ!! متخمميش امول كوولشي غيدوز زيين (زاد ما بيها بلعت ريقها قلب الهضرة بقا كيعاود على الحنة بسولها حتى بقات حتى هي كتعاود ليه ويده مزال شاد فيديها حتى منين كيدوز كاطريام كيبقا شادها حتى وصلو للدخلة ديال وجدة فين تستفز الطموبيلات وبقاو ماشيين غير بشوية جبدت يدها بشوية وبحرا كطلع النفس خايفة فالجهد قربو للدار والغياطة للي كانو تمااك بقاو كيضربو بيد رد عليها لفواال) متعرييش وجهك احبيبة ݣدام رجال (قاس حنكها من تحت لفوال بلطف ودخل بالطموبيل لداخل اما الطموبيلات كولشي بقا برا خرجو مهم ودخلو عاد للي كانو تماك معرضين أمال غير كترجف واش دابا غيدخل عليها دابا ولا مزال وكغدير غتحشم بزاااف.. حتى حل ليها لباب و يدو ليها شدت فيه وتمات خارجة بشوية الغيطة ونسا كيصليو على نبي.. جات المصورة صوراتهم تصييوراات دخلو لعيالات القلعة المتنقلة للي داروها فوسط ديور بتلاتة وجات مديكورية بالنافورة للي بقات الوسط وزوقوها مزيان... زهير دخل أمال للدار التحتانية فين كاينة النکافة ودخل معاها لبيت هز لفوال عليها) هانتي احبيبتي خودي راحتك كملي عرسك ناشطة حتى للتالي وندخل نتصور معاك واخا
أمال: مغدخلش دابا؟
زهير: لا غنجلس مع رجال (قوس عينو فيها وهز حاجبو) بغيتي ندخلو دابا؟؟
أمال: تأأ زوهير (حنات راسها)
زهير: ههه (بصبعو هز ذقنها وحنا راسها غير بشوية فشنايفها) طلقي رااسك أمول هادي راه ليلتنا... (خرج ودخلات النكافة وهند....)
🙈الجزء 610🙈