⚜أحببت رجلا ⚜

part 115💕

أمال: (كانت لابسة غوب فلبيض كلها محجرة من لفوق وجاية شبيكة فوق توب ستان يعني مغليضاش مع حزام خفيفة فالخصر كولو محجر ونازل لغوب مفخفخ بشكل انيق  مع شديدة ديال شال بيض سامبل وتاج صغير فلفووق شاد فواال للي طويل مع مكياج زوين لعينين مقادين وعكر موڤ فاتح.. مقادة ظفار دايرة ليهم لفخانش جاية مع نقيش ولابسة صنيديلة عالية... جالسة متوترة فبيت مريم) واش بالصح جيت زوينة
هند: عيقتي ازمرة 20000 ألف مرة ونتي تسوليني
أمال: بففف خفت بزااف اهند
هند: (جات جلست حداها وشدت يدها) شوفي كولشي غيدوز بيخير الحمد الله عادي کاع لعريسات فنهارهم كيخافو ولكن راه غير من سترييس وصاافي
أمال: تأ بففف (كتحرك رجليها بزاااف) معرفت والله حاسة بإحساس خااايب
هند: غي حيت غيتقبك اليوم
أمال: هه باااز
هند: وراه عادي شي حاجة ديالك غتمشي اليوم ولكن كتشوفي زهير يستاهل ولا لا
أمال: (حركت رأسها باه.. صونا تيليفونها كان وليد شافت قال بالصح وهي تقفز) جاو؟؟
هند: (ضارت عندها وحركت راسها باه مشات أمال لسرجم حيت بيت محمد كيطل على برا طلت غير بين دوك لخشيبات كتلقى الدنيا عامر)
أمال: راه مزال مجاو
هند: (قطعت) راه ياله دخلو وراكي عارفة دابا غيتقلو (تحمست) واااو امتى غير يوصل ماتري حسيت براسي أنا هي العروسة ههه
أمال: (كرشها تخلوضات) أحااااي غنموووت بالخلعة
هند: هههه (سمعو تطواط ديال الطموبيلات بجوج حشاو ريووسهم كيطلو كانت طموبيلة ديال زهير هي اللولة للي مزوقة أمال فرنست شافت بزااف الطموبيلات وقفو مساتفين حيت قدامهم وسعة بدات الغييطة كضرب سمعت لعيالات حماوها غنايااات فالصالون ببنديرهم.. قلبها كيضرب ف1000 متحمسة تشوف زهير وهو عريس شافت الحاجة نزلت وهي تبسم.. بداو يخرجو من طموبيلاتهم حتى وقف حداه حدا الطموبيل وليد للي لابس كوستيم ولكن بلا كرفاط)
هند: والله مجاية عريس غير مع كبيدة ديالي
أمال: ههه (كتشوف فلباب للي تحل وهو يخرج زهير للي خرج وقلبها دق دقة وصل صدااها لحلقها وساعو عينيها وهي كتشوف فيه بحب كبييير شافتو بظحكتو المعهودة كيسلم على وليد مشات حداه الحاجة وقربولو الناس شافت خوها محمد للي حتى هو مشيك ولابس كوستيم جرو كيشطحو زهير هاد المرة كان متقل غير صفق برزانة مع باتسامة عريضة دخل محمد برح تبريحة كيعبر بيها على فرحتو بيهم وبضياافتهم ونسوبيتو بيه تعالاو زغاااريت)
هند: مكنقشبل والو بهاد تبارح
أمال: خاصكي تعلمي (شافت فيها) حنا هاكا نݣولو بلي نبغيك ههه
هند: اححح هادشي زين (شافو لهدية للي بدات تباان وتحطت فالوسط) هاي هاي هداك عجل ولا بقرة
أمال: (مفرنسة كتشوف بعويناتها داكشي للي بداو يدخلوه للݣراج.. جات الحاجة حدا زهير شدت فذرااعو ووليد حداه من الجهة الأخرى زعما لوزير ديالو.. طلعو بصلا وسلام كولشي تبعووهم..) أحااي طالعين
هند: الا معجبكش الحال نمشي نحبسهم
أمال: هيييند مرانيش نظحك والله حتى خايفة ومخلوعة (مدت يدها) شوفي ككرجف
هند: اممم نخليو شيماء يدخل بيها فبلاصتك؟؟
🙈الجزء 608🙈