⚜أحببت رجلا ⚜

part 115💕

ليلى: (كانت خرجات هي ونعيمة باش رصاو شنو باقي.. تمو داخلين ودراري مطلعين تقدية لقات فتيحة جالسة شادة راس الصالون) هاي هاي حيدتي لبيض
فتيحة: شتك نتي رجعتي راسك مولات الدار
ليلى: (جلست مفرقة رجليها) حاااشا عندي يامااات فهاد الدار ونمشي
فتيحة: (كانت بغات تجبد صداع ولكن مجاوبااتش جواب للي يشعل لعواافي) نعيمة فين كنتي
نعيمة: علاه سول فية راجلي
فتيحة: لا
نعيمة: وكفاش حيدتي داك لبيض وياله طالعة ل3 شهور
فتيحة: اوا الله يخلف مشتيش العرس ݣاع للي دار فداارو لبيض دارووه باش يحزنو عليه اوااااااا بانلي مبقى حزااان عليه 
نعيمة: ديري للي سلكك امرت لوسي
فتيحة: امم اوا جلسي تفطري
نعيمة: فطرنااااا (مشات للصالة فين كانو لبنات) ياله ابنياتي الله يرضي عليكم شي تسييقة لدرووج والدار هنا (ناضو ناشطين مخليين فتيحة كتݣرض على سطااش مكاينش للي كيشاورها ولا يحاشييه ليها حست فقدت السيطرة فدارها ولكن الا هضرت دابا غتبان غاايرة من بنتها كما وصلات ليها ختها.. ناضت من تماك دخلات للكوزينة لقات للي كتخبز لملاوي وللي كتعجن العجينة لكبيرة وللي كتغسل لماعن شافت مريم داخلة كتجري) اجي نتي بعدا
مريم: نعام اخالتي
فتيحة: معاكم تشاورتي باش شريتيلها لكورميط
مريم: ماشي انا محمد للي شراه وݣالي ديري نتي للي عطيتيه ليها
فتيحة: (كتزيد تغدد) اممم (فدارنا كتحس براسها غريبة كولشي خدام كولها وشنو شادة عرس محمد كانت هي مسيراه والكلمة كلمتها ولكن داابا غير كضور فوسط الدار.. مشات جلست حدا لعيالات كتصنت على الحنة للي كولشي كيتعاود وكطلعات ليها الليلة زوينة....)
~~~~~~~~~~~
زهير: (كان رصى كولشي حتى من الطموبيلات زاد كرا جوج وصطافيط كبيرة فين يركبو للي جاي من تاوريرت عاد صطافيط للي غيكون فيه عجل صناديق الخضرة مونادة ديسير دقيق زيت ݣاع لهدية للي كتمشي لعرووسة وفااا فيها وهدا كان كادو ديال خووه لكبير حطو جهاج مداوهش حيت مزال غيدخلوه فالبرزة كولشي لبس البلدي حتى من الحاجة لبسات وجدية بالساري منبتة فوقها ملحف ديالها مع ذهوبات وبناتها بحالها غير هوما لبسو عبايات لفووق وبنات تكاشط خوتات أنوار عيلات خوتو كولشي لبس وتقااد جلسو فالدار غير الطيابات وشي وحدين من العائلة للي غيتعرضو ليهم... زهير كان فبيتو للي دار اخر لمسااتو فيه قادو مزياان دوز ريدوات شاف راسو فلمرايا أصلا حتى هو قاد عند لكوافور طلع ليه شعرو بدل ستيل نقص حتى من ڤوليم اللحية عطر راسو مزيان وهز لفيست فيدو خرج مسورت لبيت للي خلا فيه رويحة زوينة.. هبط كيشوف فالدار كانت هي هاديك أول مرة غدخل ليها أمال وهي مفرشة هبط سد دارو كانت دارهم عامرة والغاشي كتيير شاف فدار خوه تفكر أنوار زفر من أعماقو...
مشا لحدا رجال كانت الجوج ونص كيتسناو لعيالات للي خرجو مشا ركب فطموبيلتو للي مزوقة بورد احمر وبيض وسينتات بيد البيبان جات الحاجة طلات)
الحاجة: اوليدي نتا للي تصوݣ؟؟
زهير: هه وشكون يصوک بينا الزينة
الحاجة: لواه ݣاع دلمعزر ورجال ونتا عريس وتصووݣ
زهير: طلعي أمّا واش شي حد يصوݣ شي صوݣان بيك متماش دوخيلي طلعي نمشيو الراس فالراس ونهضرو نيت
الحاجة: (عارفة راسو قاسح طلعت ركبت وزاد الموكب للي كانو فيه طموبيلات بزاف وشي 4 ماشيين خاويين على حساب باش يجيو معاهم الناس....)
🙈الجزء 607🙈