قزح ١٠٧

الثانية

لا تنسون متابعة حسابي حتى يتم نقل اجمل الروايات اليكم

ban7ali

Part 3
#قزح_107

سؤال موجه لكم، هل سمعتم يوماً عن:

"قسوة مُتجسدة على هيئة انسان؟"

❥__ ❥

-وارثة عيون مورال... اخخ مورال

طلع صوتي بعدما اخذتلي صفنه افسر غرابة الشخص الي مگنبص گدامي..
طلع صوتي بعدما اخذتلي صفنه افسر غرابة الشخص الي مگنبص گدامي..

-تعرف ماما؟

-اني الي اعرفهه

-وينهه رجعني الهه اريد ماما حباب عمو رجعني

-تعالي

گام ؏ حيله وما نفض هدومه عافهن متربات، تمشه بيه وعبرني الشارع، اتذكر هواي مشينه بوكتهه الى ان وصلنه لمكان مثل الصحراء وطابوگات محفورات بالگاع..

وگفنه گبالهن ونزل راسه بكسرة، عگدت حاجبي مستفهمة...

-عمو وين ماما؟ امي هنا؟

بلع ريگ وظل ؏ وگفته انتبهت لعضلات فكه الي تنشد وترخه وقوة ايده الطبعت اصابعه ؏ معصمي، وره دقايق معدوده رفع راسه وحچة ببحة...

-هنا مورال

-هنا؟؟

هز براسه واجهش بالبكاء، چان موقف حزين، غريب، مخيف، يقهر ڪـُل هالمشاعر حسيت بيهن بنفس اللحظه، ابتعدت خطوتين من گعد بمكانه وگباله صايره طابوگه چبيره بيهه حفر كتابه ماگدرت اقراهه ما تاقنه القراءة بعدني..
يذب حسرات ودموعه تنزل، لزم التراب من الگاع بيده وشاله بقسوة، رص ؏ اسنانه وگال بعتاب...

-عفتيني مورال.. مو هذا وعدچ، ليشـہ؟ ليشـہ تركتيني كل هالسنين؟ شسويتي؟ ليش وگفتي ضدي انتي مو گلتي اني ظهرچ؟ اني سندچ تسندين روحچ عليه؟ مو اني قوس الله اني قوس الله الي يصير آدمي بَـس يمچ مورال لليوم ما جاي استوعب ماريد استوعب شلون تعوفيني ولچ شلوووووووووووووووون!!!!!!!!

صرخ بأعلى صوت ببحة قوية طالعة من اعماق گلبه، وبصوت رج ڪَلبي قبل ليرج المكان...

-ولجججججج مووووووووراااااااااال موراااااااااال ليششششششششش اااااااااخخخخ ولجججج رحتي واني مو يمجججججج مووووووورررررراال...

استمر يعيط ويبچي بحركة ماكدر اشوف شكله منطيني ظهره وگاعد ثاني رجليه جواه، نزل راسه ويشهك بصوت فحولي خشن ويصيح بأسم امي! بأسم امي الختفت وعافتني..

چان عقلي صغير مچنت مستوعبه هذا قبر امي، اصلاً ماعرف شي اسمه قبر شنو الموت؟ شلون نموت وشلون تنقبض الروح، امي چانت حريصه متعلمني هالشغلات ولا تروي فضولي بيهن..