قريري العيون

البارت السادس وعشرون

كلت خلي اسايسه احسن درت وجهي عليه
وخليت ايدي على ايده وذكرت الحلم لمن اصيح عليه وهوه ميشوفني ولا يسمعني

ورده: سلام

حجه وهوه مغمض
سلام: اممم

ورده: انت ليش عصبي وتضربني انا اخاف منك

سلام: ورده والله مالي خلك كافي اريد انام
ودار وجها ونام
إنا هم درت وجهي نزلت دموعي. ونمت

نوارس

اجه سامر بعد اسبوع
بيبي كامت تموت عليه وعلئ سوالفه هوه ينكت ويضحك ويحجي علئ اهلهه شلون يهددون بيه اذا راسب ويكول انا اجي البد عدكم اذا صار عليه حصار

من راد يطلع
سامر: هاا ماشوفتيني شنو رسمتي

نوارس: مارسمت رسمي موحلو

سامر: لا ولله انا اكول رسمج ايخبل بس تدربي كم مره اريد من اجي بعد تشوفيني تمام

نوارس ابتسمتله : تمام

سامر: يله مع سلامه

نوارس: هلابيك

كمت ارسم كلساع لحد ماشويه ضبطتهه ينطلع بيها
الاسبوع الوراه جنت احسب لجيته حته اشوفه ياهه
ندك لباب رحت بسرعه

رحيم: سلام عليكم يابه

نوارس: وعليكم السلام الحمدلله علئ سلامتك تفضل

رحيم زاد فضلج شلونج شخبارج الحجيه شلونها فات بلستقبال

نوارس: بخير الحمدلله خل اكول لبيبي

جبت بيبي يمه وضلو يسولفون وبيبي تسئله علئ الوضع وتدعيلهم

رحيم: بشروني خوسامر ماقصر وياكم

بيبي: لايمه ولله ماقصر خطيه ينگل عمت عيني حته وهوه عده امتحانات يمه هل سامر يرد الروح بسويلفاته

رحيم: ههههههه اي حجيه مايكعد لوتي
يله بدلو حته ترحون وياي

بيبي: لايمه ولله مابيه حيل سكري صاعد ودايخه

رحيم: صددك لالا امشو نروح للدكتور ومناك لبيتنه

بيبي ماقبلت بعدين بدلنه ورحنه وياه
رحنه للدكتور وفحصو سكر بيبي وبدل العلاج الهه
ورحنه لبيتهم خطيه فرحو بينه وخاله ام رحيم طايره بينه بتنه يمهم تمنيت اشوف ورده  ثاني يوم خذانه رحيم للامام الكاظم ع. ويانه خاله ام رحيم. وكالت ناخذ ويانه مرت المرحوم وخابرولهن اخوانها ماقبلو وصارت هوسه جينه نبطل بعدين رحيم كال امشو

ورده

مرت كم يوم وانا وسلام علاقتنا مثل ماهيه بس سلام ابد مايتقرب عليه. وبليل كاعد لو بلسقبال لويم اصدقائه وبلنهار نايم واذا كعد كله زمخ بيه على اتفه الأسباب