وتبدا روايتنا من هنا من وسط نجد العذيه مابين زحمة المدن وصخب السيارات بأقصى الرياض منطقه هاديه وبيوتها تنعد بالاصابع والكل يعرف بعض
ببيت الجد قايد الي له فتره يتعب كثييررر
فيصل ابو خالد بخوف : يبا اخبارك اليوم
الجد قايد : الحمد الله
تركي ابو صقر: يبا اقيس لك الضغط ؟
الجد قايد : لا يعطيك العافيه مافيني شي تعب وراح
سعاد : متشوف شر
الجد قايد : الشر ميجيك يبنيتي
بعد الكلام ذا كله وتطمن الكل على ابوهم
الجد قايد : الا وين عيالكم
ابو خالد وابو جابر: جايين بطريق
سعاد : جواهر داخل بلغرفه لان العيال بيجون الحين تقول مابي اطول بنقابي وساره تسوي حلا وقهوه
الجد قايد : زين اجل الا تركي وعد من يجيبها اخوانها مو هنا !
تركي : يبا وعد تجي مع خالد وامه وخواته البيت قريب المدرسه وانا من خوفي عليك جيت بسرعه منتظررت
الجد قايد : يلا ننتظرهم سعاد شوفي الحلا و القهوه وينهن
قامت سعاد تشوف القهوه وساره الي تسويها وهي بالها مو معها مع جدها وهي ماشافته من فتره لنها عند عمامها بديره ثانيه والحين هم يقعدون عن خوالها فتره وياكبر فرحتها وجواهر الي ماكانت مبسوطه بهالخبر ابد
.......................
في طريق مع خالد
ام خالد والبنات يسولفون مع وعد وخالد عين على الطريق وعين على وعد مع انها متغطيه لاكن انه يحبها وغير كذا انفتن بجمال عيونها المرسومه ووعد انحرجت من النضرات وهي تبادله الشعور ام خالد : وعد هاذي اخر سنه لك صح بثنويه ؟
وعد : اي خاله اخر سنه انشاء الله
ام خالد : ماشاءالله وش ناويه تصيرين
وعد : انشاء الله طب تخصص قلب
وبدا السوالف بين البنات ووعد وخالد عالم ثاني بباله يقول كيف تعالجين قلوب الناس وانا قلبي مو ماتعالج ولا له علاج ؟ ( مترف الاحاسيس ولدي 😂)
.............
وصل جابر وخالد نفس الوقت
جابر بنغزه : ها بشر ي شاعرنا اليوم رجعت لك الحياه
خالد يتوتر لحد يحس : تعال بلمكان المحدد واعلمك النغزات
ام جابر : انتم وش قاعدين ترطنون ( تقولون ) صار لكم ساعه هاه
ام خالد : اي والله حاسه وراكم بلا
جابر : لا والله ي عمه ورانا سعاده وبدا يضحك ضحك خلا خالد ينزل نعله ويضربه فيها وطبعاً كل ذا صار قدام وعد والبنات الي كانو يمزحون ويضحكون مع عيال عمهم عادي وعد مو كثير مع خالد لنها تستحي منه
روابي : خالد وش ماسك عليك جابر ترا ميفكك منه شي
خالد : المشكله انه يدري بللي ماسكه علي من زمان واخوك فضيحه لو ماعرف ابرك ( اشوى )
جابر : لوالله صرتو كلكم علي وعد والباقي انتم معي ولا معهم
وعد : انا مع الي معه روابي طبعاً
المها وسلمى وحلا وجود : وجنا بعد مع اخونا وصديقتنا
جابر : هين هين اوريكم اذا مارجعتو لي تطلبون السماح ماكون انا جابر الا عمتي داخل
وعد : اي ابشرك ومعها جواهر ام لسان
جابر : يوه مالي خلق اجامل ابد اذا سولفت غثيثه
خالد يختبر وعد الي كانت قدامه : انتم وش فيكم عليها تراها زينه بس انها قبل الحين اكيد عقلت وكبرت
وعد الي انصفق وجها وعيونها مصدومه انه يدافع عنها وقدامها بعد قالت باسلوب واضح الي زعلانه: بنات امشو داخل يمكن خالد يبي يشوف اذا هي عقلت او لا
وعد والبنات ادخلو داخل عند جدهم و عمامهم وسلمو عليهم وقعدو عند رجلينه يدلكونه وطلعو عمامهم يخلصون شغلهم اما جواهر جالسه تتامل خالد وشي ذا قهر وعد بشكل فضيع والعيال يسولفون مو منتبهين
خالد وجابر ناضرو بعضهم ببتسامه وقال خالد : دام الكل مجتمع ومبسوط نزيد فرحكم انا وجابر ونقول لكم ان بعد بكرا حفل تعيينا وبنصير ضباط وكلكم تعالو
حابر : ونستقبل الهدايه طبعاً
الكل : مبروك مبروك ابشرو باحلا الهدايه
الجد قايد : الحمدالله جاء اليوم وشفتكم حققتو حلمكم وابشرو بالي تبون .. وانتم ي بنات وش اخبار دراستكم ؟
جواهر : انا كل شي معي تمام وهو كذا كذا ابوي لاقي لي وضيفه حكوميه ماله داعي اكمل دراستي
الجد قايد : لا لا وانا جدك ميصير ادرسي وشدي حيلك محد دايم لحد قالت ابشر وصدت وصار دور الباقي
روابي الي تاخرت سنه علشان تصير مع وعد وسلمى بنفس الصف
وعد :انا وروابي وسلمى انشاء الله سنتين ونتخرج ونرفع روسكم حنا بعد
ساره : وانا باقي لي سنتين انشاء الله وارفع روسكم بالمنصب الحلو
الجد قايد : انشاء الله وانا جدكم واي شي ينقص للمدرسه او للختبارات قولو لي واذا تبون مدرسات يدرسونكم
روابي : خيرك سابق مو ناقصنا شي وانا جابر قال بيساعدني بلتدريس بس ... وناظرت وعد
وعد: انا ماعرف لشرح المدرسات شرحهم سريع مرا مايعرفون يدرسون
خالد : انا ادرسك مع سلمى ماعليك شرحي احلا من شرح المدرسات
وعد الي تعرف ان اخوانها مستحيل يخلونه يدرسها : لا يعطيك العافيه نايف وصقر الفتره ذي يجون واذا قربت الاختبارات اخليهم يدرسوني
جواهر بغيره : انا بعد ابيك تدرسني حتى انا ترا ثنوي اخر سنه ( سقطت كم سنه )
خالد باسلوب زاري ( ضاحك ) عليها : مو قلتي انه ماله داعي الدراسه ليه تغثين حالك وتدرسين ونتي ماتبين
البنات كان واضح عليهم انهم ميتات ضحك من داخل وجواهر انقهرت
الجد قايد : وانتي ي المها وخواتك ماتبون تكملون زي رغد الشهاده حلوه وانا جدكن وان قصدكم على ابوك انا اقول له
المها بضيق واضح بصوتها : لا ي جدي حنا مانبي الشي اذا ابوي مو موافق من طيب خاطر
الجد : الي يريحكم
وطبعاً طلع جابر وخالد علشان البنات ياخذون راحتهم ويكشفن
...............................
عند خالد وجابر
خالد : جابر شكل لسانك يبي له قص ولا وش رايك
جابر بضحك : يبي له شوي بس مو كثير
خالد : والله انت مافيك طب ابد لو اقصه كله تسولف يدينك بداله
جابر : شسوي قلت اخليها تحس فيك شوي
خالد بضحك : احلف احلف بس
جابر : ايي صحح معرفتك والله
خالد ؛ ايش
جابر : مسوي فيها مدرس الاخ ويدرس بعد يعع معرفتك
خالد الي بدت نوبت الضحك عنده: وجع هاذا جزاي يعني ابي اساعد
جابر : واضح واضح
خلف جاء ومعه العود حقه : دام بها واضح معناها بدا كلام الاخ عن حب حياته
جابر قال قبل ليتكلم خالد : اي وابشرك بيصير مدرس لها بعد
خلف بصدمه : ها
خالد : هاذا كذاب لتصدقه اسمع ي طويل العمر السالفه ....... وبس فيها شي
خلف ضحك ضحك هستيري وقال وهو مو قادر يتكلم من الضحك : ابد ... ابد .. مافيها شي الا ان البنت قالت عنك خفيف بس ....... سكت شوي وقال : انت متى ناوي تخطب ويصير كل شي رسمي لتنسى اخوها صاحبنا والي انت تسويه غلط كذا
جابر : اي صح متى
خالد : يوه خلاص انت وياه يعني ماتعرفوني والله بخطبها بس تخلص دراسه
خلف : وهاذا العشم فيك
وبدا الجو يهدا شوي شوي وبدا وقت تأمل غروب الشمس عندهم
خالد بهدو وانسجام مع الجو الحلو :
" ما جيت احبك حب يالوعد مثل المحبين
جيتك غلاا باحساس قلبي يوده
اهديك روحي بلغلا محجر العين
ابني غلاگ قصر محدن يهده "
( تنبيه ⚠️ الشعر كله مقتبس من عدة شعار )
جابر وخالد : الله الله ... صح لسانك ...
خلف : يارجال شعرك يرد الروح
جابر : ليكون تحب انت بعد !
خلف بسرعه : بسم الله علي لا لا بس شاعر مثل خالد ابياته حلوه
جابر : اي والله صادق بس القصايد لوعد ولاحنا اخوياه على الطل ( على الفاضي )
خالد : ولا تزعلون بقول لكم دقيقه ابي شي ايبين غلاكم مع ان غلاكم كبير ما يوفيه القصيد
وبعد سكوت قصير قال وهو صدق يحس انه لو يقول كثر وايقول مايوفي حب ثلاثه حب حياته وعد وحب اخوياه واهله ........ :
" الناس واجد مير مامثل الاخوان
ما مثل اخوك الي يحبك ويغليك.
ما مثل اخوك الي صدوقٍ وعوان
تفداه بالغالي وبالروح يفديك "
وانتم والله اخواني واكثر والله ان احبكم مثل سالم واكثر
جابر وخلف الي تأثروو من كلامه مرا مع انه قليل الشعر بس عارفين بمعزتهم والي يبي يوصله لهم خالد قامو وجلسو جنبه وانسدح كل واحد على رجل من رجل خالد وبدا سوالف وضحك ووناسه ولما صارت الساعه 7 قامو شالو اغراضهم
وعزمو خلف على العشاء واصرو على خلف لين وأفق
..............................
انتهى البارت الاول انشاء الله عجبكم 🤍
الكاتبه : ريما ال فارس
أنت تقرأ
بلاي ي جابر بعناد روس الرجال
Fantasyروايه تتحدث عن حب نما من الطفوله ولاكن هل الضروف تساعد ام لا ؟ 🤍 مكتمله 💜💜
