هوس السادي بالفاتنة🔞 ♡ بالدارجة مكتملة ♡

الجزء الخامس والستون

🔞هوس السادي بالفاتنة🔞
بارت195
النهار كلو دوزاتو مروى فبيتها وشعرها حاطة عليه فوطة سخونة شوية بشوية تتفك ليها زغبة وتتحيد منها اللصقة أما ما تبقى من البنات فبقاو فبيوتهم تينزلو غير فوقت الماكلة ياكلو ويطلعو البيوتهم
»»»»»»»»»»بعد مرور شهر««««««««««
هاد شهر موقع فيه والو غير مروى يالله حيدولها ݣاع الألوان من شعرها ووجها رجع كيف كان بزز وبالأطباء ايوا فرحانة اليوم حيت تهنات من هاد الفاجعة وجمانة عتاذرات من خوها وتصالحو أما السي قصي سافر على ود خدمتو وجنة هاديك مزالها على القصاير سمر اليوم عندها الفرج وغتوللي تمشى البنات كلهم دارو دخلتهم واليوم عرس البنات مريم وريحانة أما ريم مبغاتش وتا سمر رفضات نزلات سمر لابسة كسوة وحداها عاصي للي طول هاد شهر وهو ممفارقهاش وخا تتقمعو وتتصدو
دخلو العروسات والأغاني والحالة بدا العرس بتكاشط بدلو البنات ستة المرات وعاد لبسو الغوب البيضة وخرجو فرحانين مشاو سافرو لشهر العسل وتا ريم وليل خرجو غادي باغي يدوز شهر عسلو وعاصي غفل سمر هزها وركبها وكسيرا تاهو ناوي يدوز شهرو معاها ومعلمهاش حيت عارفها غترفض مزال الجدة رقية بالخصوص رافضة زواج سمر بعاصي رفض قاطع
كل ولين سافر سمر داها عاصي اليختو دوزو أيام تم وهي غا تتفشش وتوحم وفينما يقرب ليها تبعدو وديرا فيها عزة نفسي مباغاش تسامحو داز هاد شهر للي تفقص فيه عاصي مزيان رجعو المزرعة نيشان ومعصب من سمر وفعايلها لقا غير ريم وليل للي وصلو قبل دخلو تيتناݣرو وخرج وخلاها مع خارج من الباب الكبير وهي تابعاه تدعي عليه ومعصبة حيت متجاهلها مع جاية طنوبيل بسرعة وقاصدة عاصي محسات غير جرات وجراتو بسرعة تا طاحو بزوج خرج ليل تيجري والطنوبيل هربات بسرعة عاصي وقف وهزها دخل تيجري جات ريم تتفحص فيها حيت كانت سخفانة
ريم:بيخير غير الخلعة يمكن
عاصي:مفهمتش ماالها مرة كارهاني وتدعي ومرة عاتقااني بااغغاا تسطيني
ريم: برد غنهضر معاها غا خرجو وخليوني معاها
خرج عاصي مع ليل حدا الباب تاع ديك الصالة بينما دوات ريم معاها سمر بدات تتفيق غير ناضت وهي تقفز وقفات بسرعة مخلوعة
سمر: عاصي فينو بيخير ياك
ريم(مخنزرة): اييه بيخير كون خليتيه يموت ياك محاملاهش أسمر وشحال ونتي تدعي عليه
سمر:واخا ندعي عليه مخاصوش يموت دبا مزال خاصو يتعدب
ريم:من نيتك أسمر قولي واش نتي تتبغيه
مجوباتهاش بقات ساكتة وغير تتشوف فيها
ريم(بانفعال):دويي نتيي تتبغييه ياك لوو مكنتيش تتبغيه مكنتيش تعتقيه دوي تتبغييه ياك وااادوويي
سمر(تدوي وتتغوت وبحة فصوتها دليل على أنها غتبكي):اه كنبغيه وكنعشقو وتنتوفى عليه وكنخاف عليه من نسمة الهواء كنخاف من أنه يتصاب شعرة منو متنبغيهاش تقاس وكنكره للي يحزنو ويخفي باتسامتو من وجهو أنا كنبغي ساديتو كنبغي آخر خصلة في شعرو حتى ولو كانت متضررة (نزلو دموعها بغزارة)وااخااا كلشي دارو فياا مزاااال كنتوفى عليه اه كارهة هاد الشعور ولكن قلبي(تضرب جيهتو)متينصاعش ليا شنو ندير اريم شنو نديرر اااااااه ياربي قلبي ولا واجعني مرانيش قادرة نخليه ومقادراش نسامحوو اااااه يااربي ااه هووو خااننيي أرييم خااني وهاد الحاجة بالضبط ممخليانيش نسامحوو شنوو فيا مقنعوش شنوو
قربات ريم منها وعيونها مليانين بدموع عنقاتها وجلسات هي وياها في الأرض في حين أن سمر مزالها تتبكي وباينة من سراخها أنها صمدات بما فيه الكفاية وحان وقت الإنهيار خارج الغرفة كان ليل وعاصي سمعو كل حرف قالتو كان عاصي غيدخل ولكن منعو ليل
ليل:سمعني ختي وتنعرفها لدخلتي دبا غتزيد تصدك حاول تخليها تسامحك أعاصي حاول تدفعها أنا تنازل عن كبريائها أما الحب راه غارقة فيه حتى النخاع
عاصي(جلس فاشل):تنتعذب وأنا تنسمع نحيبها اليل قلبي تيتقطع
ليل(حط يدو على كتف عاصي):كلشي غيدوز غير وقف وخليها تقوى بغيابك ماشي بوجودك
عاصي:غترجع ليا اه غنرجعها
وقف متاجه البرا خرج وجلس فسيارتو تيدكر كلامها ومدى جرحها عرف راسو كسرها ودبا جا الوقت يصلحها أول حاجة جات فبالو هي كيفاش خانها تفكر الفيديو وفهم وخاصو يشرح ليها.....يتبع