:- ها شبيج بعدج تتوجعين نروح للادارة
غفران: - لا كعدوني بلممر ماريد خف الوجع شوي
يمامة: - خوش مو كتلج لا تكمزين 😑
غفران:- يمامة اسكتي الله عليج رجعت ابجي
يمامة: - كافي يعمري لا تبجين اهدي
هديت شوي وخف الوجع اخذت غراضي ورجعت للبيت وبالي اكول لامي لو ماكول الها علئ الصار وظليت هيج ثاني يوم دا نغسل اهدوم اني جنت مبدله ملابسي ودانغسلهن رحت اشر مجموعه ماحس الا ماما تجرني شحطتني للغرفه
غفران:- ماما شكو شبيج دفعتني قوي وكعت بلكاع وشمرت عليه ملابسي كالت
غيداء: - هاي شنو شنو هلطكع هايي وج احجيييي
غفران :- يا طكع ماما شبيج
غيداء: - احجيي ولج شنو هاي منين اجتني وشجاب هاي عليج شنو الي صار وج احجيييي
غفران: - ماما شبيج علئ شنو تحجين ولله دا تخوفيني
غيداء: - تخافين موو تخافيينننننن لعد الي سويتي ماخفتي ربج ماخفتي علئ سمعتت ابوججج بنت الكلب
وكعدت تضرب بيه موتني كتل
غفران: - اخخ يمه الله عليج بروح جدو عوفيني
غيداء: - وج بنت كلب انعل ابوج لابو ساعة السوده الي جبتج بيها للدنيا عساج ميتة ولا ظل عار علئ قلبي
غفران: - بس كوليلي شمسويه كافي ضرب ولله ماسويت شي حتئ تضربني اخخ عوفيني
غيداء:- اششش ولا كلمة ساقطه. دفرتني علئ بطني وظليت ازكلب من وجع عافتني وطلعت ظليت ابجي وانحب وحدي شمسويه حتئ انكتل هيج ولله مامسويه شي رجعت طبت عليه وشايله سجينه حارة وكالت
غيداء: - اجويج بسجين ولله والخلقج اذا جذبتي عليه كعد عدل وسولفي بلتفصيل شنو هاي الطكعه مال دم علئ هدومج
غفران: - ولله ماسويت شي ولله العظيم حتئ مادري شنو كاعد تكولين
قربت سجينه علئ وجهي وكالت
غيداء: - تحجين لو اجويج يلاااا بنت القندرة احجيي عااددد
غفران: - ولله ماسويت شي هاي هاي بارحه دا العب وكمز علئ رحله وكعت بس ماطلع شي مادري علئ شنو تكولين ،،شمرت سجينه وجتي بشبعتني كتل بصونده بكلهن شكو شي كدامهم كتلتني بيها وماكو احد بلبيت حتئ يفكني من ايدها طلعت روحي كمت مادافع عن نفسي كلت خلص راح اموت بين اديها غمضت عيوني وبعد ماحسيت بشي فتحت علئ صوت بابا جان يحجي وياها
خالد:- شكو شبيها وليش جسمها ازرك وجهة مورم وجج غيداءءءء البنيه شساصير وياها احجييي
غيداء: - ماكو شي وكعت من درج
خالد:- شلون وكعت يربي
غيداء :- اي صعدت تشر اهدوم وكعت من فوك
PART3
Start from the beginning
