لماذا انا ؟؟؟

PART3

رانيا: - يجوز هلمرة واثق من كلامة

غفران: - ههه ولله ضحكتيني حتئ لو واثق اني ماريده بعد تدرين الاحباط الي اعيشه من يكول لا ماريد يابه اني صدك ماحبه بس دايحسسني بنقص وهذا الشي اتخبل منه مال واحد يجي ويحسسني انو لا شيء ومشاعري لعبه لااا ولله افطسه

رانيا: - هدي هدي يمعوده بس صح كلامج خل يولي ادبسزز

غفران: - شحاطه

رانيا: - نعال

غفران: - قندرة معفنه

رانيا: - كلب

غفران: - انجبي عاد يلا ورانه محاضرة مابينا حيل مايطببونه

رانيا :- بعد ربع ساعه تره جاين من وكت اليوم

غفران: - واذا خلي نطب احسن ما نترزل

رانيا: - اوك يلا

كمنه رحنه للمحاضرة عقمة الاستول وكعدت بي طلاب يطبون وبالي مو وياهم بالي بغير مكان المكان تشوهت طفولتي بي وكمت اخاف من الكل وكمت اعرف نظرات الواحد اخخ لو ميتة ولا عايشه هاي الحياة من وراها شيبت واني صغيرة بلغت قبل اواني وعرفت كلشي

flashback:-

غفران: - ماما رايحه للمدرسه اليوم اخر امتحان عندي

غيداء: - تمام يوم ركزي زين ولا تخربطين اقري ايات قرانيه وسمي بسم الله واكتبي وان شاءلله تجاوبين

غفران:- اي ماما صار يلا اني اروح

غيداء:- الله وياج

غفران: - اليوم اخر امتحان الي بلخامس وراح اروح للسادس واصير بكلوربه بلكت انجح وماظل مثل اخويه بعده برابعه ومكاعد يطلع منه واني وياه ابتدائيه من تكبر شلون لعد
مشيت للامتحان طبيت وزعولنا الاوراق وكعدت امتحن ورئ فترة من خلصت اخر امتحان اكيد لازم نروح نلعب بلساحه لو صفوف اجتمعنا اني وفاطمه عبير ويمامه
كمنه نكمز علئ رحلات

غفران: - تعاي يمامه كمزي ويانه ليش واكفه ههه

يمامة: - لا اني كبرت بعد راح اروح سادس ظلوا انتو جهال وتكمزون

عبير: - ويي انجبي علئ الاساس انتي رحت سادس اعدادي هو ابتدائي بعدنه جهال شكو كبرانين

غفران: - اني ادري عوفيه تعاي نلعب

عبير: - خوش يلا

ظلينه نكمز ونضحك بس مادريت اخرها بجي
كمت علئ رحله طلعت مفصوخ البرغي مالتها وكعت علئ مكان الحساس
كمت ابجي بصوت عالي اجني يمامة وعبير وفاطمه يركضن عليه ساعدني يادوب اوكف
كتلهم ودوني للحمام فدوة اريد حمام هسه

يمامة: - هسه نوديج كافي تبجين يلا

ودوني للحمام واني ابجي من الوجع طبيت باوعت علئ روحي ماكو شي صاير بس ليش حسيت اكو شي نزل غسلت وطلعت يادوب امشي تلكتني يمامة