قبل الفصل
أولا صلي علي سيدنا محمد عليه افضل صلاه و سلام
ثانيا لو فري فرض مصلتهوش يلا الحق صليه و بعدين تعالي استمتع مع بيجو
ثالثا متنساش تدوس علي star مش هتخسر حاجه لكن هتفرحني بجد
_______________________________________
أفتح جفوني الآن ولا أتذكر أي شيء ، لا أعرف أين أنا ، حتى الرؤية مشوشة بشدة ،لكن بدأت توضح رويداً رويداً ؛ فظهر أمامي شخص يبتسم ابتسامة سخيفة ويرتدي بالطو أبيض . من هيئته يبدو طبيباً
الطبيب : حمد لله على سلامتك يا جاد كدة تخض فجر عليك
نظرت له باستغراب
بيجياد :فجر مين
الطبيب : البنت إلى جابتك هنا اسمها فجر
وقبل أن يتحدث بيجياد كان الشيخ رمضان يدخل الغرفة هاتفاً
الشيخ رمضان : ألف حمد لله على سلامتك يا جاد يا ابني وحقك عليا أنت راقد كده بسببي
بيجياد : هو أي إلى حصل
الشيخ رمضان : معرفش أنا كنت بصلي الظهر وفجأة سمعت فجر بتصرخ خرجت لقيتك واقع علي الأرض قاطع نفس روحت ناديت الواد سعفان جه وشالك هو و حسنين وجينا هنا وأنت أهو بقالك يومين نايم
بيجياد بفزع : يومين نايم يعني مكلمتش أمي بقالي يومين وكمان المفروض كنت أروح الشغل أكيد أستاذ أباظة مش هيسمح بغيابي دة
وقبل أن يجيب الشيخ رمضان كان جواد يدلف إلى الغرفة
ذهب تجاه أخية وقام باحتضانه
هنا قرر الشيخ رمضان الانسحاب وترك الأخوة معاً
بيجياد وهو يبعد عنه جواد بسبب الألم في ذراعه: أبعد يا أخ أنت دراعي مش قادر
جواد : يومين مش عارف أوصلك لحد ما الشيخ رمضان رد عليا النهاردة الصبح وماما هتجنن عليك بقالها يومين
بيجياد بلهفة : أوعي تكون قولت ليها أني في مستشفى
جواد ساخراً : لي هو أنا غبي زيك
بيجياد : أمال قولت ليها أي
جواد بفخر : قولت أنك كنت في شرم مع هاني و مكنتوش سامعين الفون
بيجياد بندب : الله يخربيتك يا جواد حرام عليك يعني هو أنا ناقص كنت قولت لها راح عراق يشتغل أحسن من أني روحت شرم
جواد : ماما مكانتش هترتاح غير لما يوصل ليها أنك عايش حياتك و مش فارق معاك
بيجياد : طب روح يلا أمشي من هنا
ولم يكمل جملته إلا ووجد من يقتحم الغرفة
جاك : كدة يا بيجو تمشي و متسلمش
لا وكمان تتكهرب و متقولش اخص عليك
بيجياد : معلش بقا يا جاك مصايب نازله عليا
جاك : يا عم وأنا مالي أنا عيني علي الأوضة بتاعتك أصلاً
بيجياد : يعني أنت عايزني أسيب البيت عشان تأخذ الأوضة بتاعتي
جاك : لا طبعاً هو أنا ندل كده
بيجياد : أصيل يا ابو رحاب.
نظر له جاك مستفهماً من هذا الإسم ولكن بيجاد لم يهتم بالتفسير .
فقال جاك مستكملاً :- كنت عايزة افتح الأوضة بتاعتي علي الأوضة بتاعتك وأقلبها جناح
بيجياد:جواد خد الواد وأمشي من هنا أنا واحد متكهرب يعني مش باقي علي الدنيا .
جواد : أنا همشي فعلاً عشان أحضر شنطة السفر
بيجياد : لي يا ابني رايح فين
جواد : أنت عارف أن أخوك دكتور علاج طبيعي قد الدنيا
بيجياد : ها وبعدين يعني
جواد : مؤتمر يا بيجو بس في حاجة غريبة أوي
بيجياد : في أي
جواد : أول مرة بابا يبقي مصمم أني أسافر مؤتمر ده علطول كان بيتخانق معايا لما أعوز أسافر حتي لو رايح الجونة !
جاك بتفكير : تصدق فعلاً غريبة
بيجياد : أنا مش شايف كده أنا شايف أنه ممكن يكون عايزك تعتمد على نفسك في قرارتك وتبقي مسؤول عن نفسك بس كده
جواد : هنشوف يلا بقا جاك عشان أخوك يرتاح
ذهب كل من جواد وجاك وقاما باحتضان بيجياد ورحلوا
YOU ARE READING
سفير من ايجيبت ✓
Randomبعد ان كنت مدلل ابي اصبحت سبب تعاسته بعد أن كنت طفل امي المدلل اصبحت سبب حزنها الرئيسي بعد أن كنت أحد احلام أبي الرئيسية أصبحت أهم كوابيسة الحقيقة بعد أن كنت فخر أسرتي اصبحت عاراً عليها هذا انا بيجياد أحمد العناني تعرفوا عليٍ ما يحدث لي في ر...
