لماذا انا ؟؟؟

Part 1

عفتها ومشيت
لا تسئلني عن انعزالي ووحدتي عشت هكذا طول عمري لماذا تتطالبون بتغيري اذا لم اعجبكم لا تتقتربوا واذا لم تحبوني ابتعدوا عني من انتم كي اغير نفسي لكم!!

ظليت اردد بيها بداخلي طبيت للقسم وعقمة ستولي كعدت دائما اكعد بي ماغيره طلاب الي حواليه دائما يغيروا بس اني لا احبه فتحت دفتري وكتبة الي حجية بقلبي احب الكتابه واحب القراءة من اني وصغيره كتب اشعار اقتباس كلشي رجعت راسي ليورة واذكر اليوم الي من وره وكفت كتابه ...

:- غفرااااتنننننننننن
غفران: - اي اجيت
:- تعاي هاي شنو
غفران: - هاي مذكراتي
:- اي ادري مذكراتج شنو هاي كتابه الي بيهااا لججج
غفران وعيوني غوركت من الخوف: - مابيها شي هاي افكاري وبابا دائما يقراها وماما شبيهن قابل
:- لجج انتييي كلج خلك جاهله صغير بعد ما صار عمرج 9 سنين منين جبين هذا الحجييي ادبسززز

غفران ابجي واحجي: - شنو اهئئ شبيج تصيحين عليه
شكران: - اسكتي ام الاشعار وكتابتة حقيرة
كعدت ضربتي ماما تريد تفكني منها ماكو حلكي طلع منه دم جسمي مزورك من العض والضرب مالتها دفتري الي شككته كدامي ذكرياتي كتاباتي احلام فرحة بابا من يقراهن ويكولي بنتي الحلوة شاعره اي عفيه ظلي كتب كل يومية راح اقرة الي تكتبي كلهن كدامي مشككات ونار كامت تحرك بيهن احس مو دا تحركهن انما دا تحرك روحي طفولتي قلبي الي دا يحترك واشم ريحته مو ريحة اورق
اجت عليه ودفرتني وكالت
:- هاي اخر مرة اشوفج بيها تكتبين اذا لكيت لو ورقه صغيرة بيها كتابه اذبحج علئ البلوعه خوششش
غفران: - صافنه علئ النار ودموعي تجري بصوت ضعيف خوش
شكران: - لا تراددينن ادبسزز
وضربتني ظليت حاطه ايدي علئ حلكي وابجي ماريد اطلع صوت عافتني وطلعت اباوع علئ ماما الي ماحجت شي من الي صار ردتها تكولي شي بس ماكو عافتني وراحت ظليت ابجي واكهد من البجي ليحد ما غفيت بمكان ماحسيت غير علئ احد يشيلني فتحت عيوني علئ كيف واشوف بابا
ابو غفران: - شبيها منو وياها
ام غفران :- محد وياها جانت تلعب بجداحه وحركت دفترة اختها ضربتها غير خافت عليها وبنتك ماسكتت
ابو غفران: - غير تنتبهون عليها يا عيني بنيه صغيرة مايصير هيج
ام غفران: - جانت كاعده علئ التفلزيون واني رحت علئ الطباخ سمعت صوت بنتك دا تبجي واختها دا تضرب بيها صح ما رضيت بس من كالت تلعب بجداحها مادافعت لان تستاهل
ابو غفران: - خوش مصار شي غفورة حبيبتي كعدي يلا حتئ نتغذه يلا بابا كومي
غفران: - فتحت عيوني عليه وبجيت بقهر باباا 😭😭😭 اهئ بابا كتلوني
ابو غفران: - اي بابا ليش تلعبين بجداحه مايصير يا عيني بلكت احتركني اني وين اروح منيلي غفورة بعد تريدين انقهر وتشوفين بابا مقهور ويبجي عليج ايصير تخليني ازعل

غفران: - لا بابا لا لاتزعل مني فدوة
ابو غفران :- عفيه بحلوتي كافي تبجي واتغدي العصر اشتري الج غير هذا الدفترة وكتبي بليل اريد اقرة شكتبتي تمام ..
فزيت من ذكرياتي علئ طبت الدكتور ومسحت دمعتي اه يا بابا شكد جنت حنين عليه يعمري 💔💔
بلش الاستاذ يشرح واحنه صافنين عليه محاضرة شعر ممله حيل حاس علينا احنه مطفين كبل كال
استاذ: - يلا اوراقكم كتبوا القصيده كلها واعتبروا اليومي مالتكم مال شهر الاول
اني باوعت علئ سكر وكتلها هاااا شكال بهلولوا
سكر: - انجبي غفران راح اطيح حظج هسه شلون اني محافظه عدل
غفران: - ولله محد كالج ظلي تسامري للصبح وياه سعيفه افندي 😒😒 وعوفي قرايتج
سكر: - هففف حبجي 🥺💔
طلعنه اوراقنه اني حمد لله حافظه القصيده بس اخر سطرين نسيتهن كتبت شلون مجان اباوع علئ رانيا تكمز بعيونها علئ طلاب تدور كلمة كلشي ما تفتهم منهم اخر شي كدرت اتغش ابتسمت علئ شكلها يربي هلبنيه مو معقوله سلمت ورقتي وطلعت مثل عادتي اروح للكافتيريا نسكافيه وكتاب بيدي اقرة ليحد ما اتصل عليه الخط ودعت رانيا وطلعت صعدت بلخط اباوع علئ شوارع اباوع علئ الناس واتمايز بيهم يا ترئ هم مثلي باردين لو بس اني هيج كل انسان اله حياته شكل كلمن وعيشته وضيمه يا تره هم يجي يوم ونرتاح لو انظل هيج ☹️ !!!

لا ادري تموت الأشياء من حولي ام أنا اموت 😔💔