الحلقة السابعة والعشرين
....................................
عدا كام يوم وجة يوم النزول لشراء شبكة لقاء ....
حسن : هاا جاهزة
لقاء : اة جاهزة بس دقيقة عشان ماما لسة مخلصتش ونازلين على طول
حسن : طيب احنا مستنين تحت
لقاء : طب اطلعوا نقعد شوية وبعد كدة ننزل تانى
حسن : لالا عشان منتأخرش
لقاء : مينفعش عشان طنط
حسن : لاا يا ستى طنط مش مضايقة بس انجزوا انتوا
لقاء : ماما هتزعقلى
حسن : ههههه لا مش هتزعقلك يالا بقي
لقاء : ماشي باى
الام : خليهم يطلعوا يا لقاء
لقاء : مش راضى يا ماما قولتلة
الام : طب شوفى عمر خلص كدة
عمر : انا خلصت من بدرى
الام : طب يالا عشان الناس متزهقش وكلم ابوك يا عمر قولة اننا نزلنا
عمر : حاضر
لقاء : مامااا
الام : فى اية
لقاء : هو احنا رايحين فين
الام : ههههه نجيب شبكتك
لقاء : هو دة بجد يا ماما
عمر : ههههه هتتجننى انا عارف
لقاء : انا مش مصدقة يا زفت انت
عمر : عيب بقي فى عروسة رايحة تجيب شبكتها تقول زفت وطبعا اول لما تشوفى حسن الرقة هتنزل وتبقي بسكوتة
الام : ههههه بس يا عمر مترخمش على اختك
عمر : عشان خاطرك بس يا ماما
لقاء : انا ضربات قلبى هتقف من التوتر
الام : دى الفرحة يا لقاء
لقاء : اهو حسن اهو
حسن : اهلا وسهلا ازاى حضرتك
الام : ازيك يابنى والف مبروك
لقاء : ازيك يا طنط عاملة اية؟
حماتها : اهلا يا لقاء يا حبيبتى ماشاءالله عسولة والف مبروك ليها يا حجة
الام : الله يبارك فيكى وربنا يتمم على خير يارب
عمر : مبروووك يا ولاد ههههه
حسن : عقبالك ،،يالا اتفضلوا
حسن : اية يا حبيبي عجبك اية
لقاء : حلوة اوى الدبلة دى مش كدة
حسن : ورينى ،،اة حلوة اوى في ايدك
لقاء : طيب من فضلك عايزة دى بس اكبر حاجة بسيطة
الجواهرجى: حاضر ممكن نوسعها لو ملقناش المقاس
لقاء : اية رأيك يا ماما اية رأيك يا طنط كفاية علية كدة ولا اخلية يفلس
كلهم : ههههههههههه
حسن : هسيبكوا وارجع البيت وخلى امى رهن عندكوا
الجواهرجى : ربنا يتمم بخير ، اى عروسة بتحب عريسها يجيبلها أكبر شبكة احنا اتعودنا على كدة
عمر : ههههههههههه انت كدة بتلبس العريس في الحيط
حسن : مش فاهم بصراحة ههههه
الام : لالا احنا ناخد المعقول
حماتها : حسن قدها متقلقوش
الجواهرجى : احنا في مرة جالنا عريس وعروسة ياخدوا شبكة من عندنا وفضلت العروسة تنقي وتقيس واهلها واهل العريس بيتفرجوا وساكتين ولقيت العريس في الآخر بيقولها اخترتى اية ؟ قالتلة انا اخترت ٣ خواتم ودبلة وتوينز و٣ غوايش وانسيال وسلسلة وحلق ،، راح العريس قالى منى ليك العروسة واهلها ومبروك عليك وخد أهلة وساب العروسة واهلها في المحل ومشي ههههه
حسن :
لقاء : دة بجد عمل كدة ولا بيهزر
الجواهرجى : ههههه بجد والله وكانت العروسة محرجة جدا واهلها كانوا علي آخرهم وفي الاخر سابوا الحاجة بعد ساعة كاملة من التنقية ومشيوا والجوازة باظت
حسن : ههههه لالا جوازة اية اللى باظت مافيش حاجه مستاهلة لدة كلة
لقاء : لالا يا حسن متقلقش انا مش اووڤر كدة
الام : هاتوا المعقول دلوقتى وبعد الجواز ابقي هاتلها اللى عايزة يا حسن وهى في بيتك
حسن : احلى حاجة في بيتك دى ههههه
لقاء : ههههه خلاص انا اخترت دوول
حسن : حلوين
الام : اخترتى اية يا لقاء
لقاء : الدبلة والتوينز وخاتم و٢ غويشة وسلسلة
حماتها : هاتى حلق يا لقاء واسورة
حسن : انتى مع مين يا امى
كلهم : ههههههههههه
حسن للجواهرجى : انا شكلى هسيبلك امى هنا وامشي ههههههههههه
كلهم : ههههههههههه
حماتها : ههههه متخافش دوول هدية منى لبنتى لقاء
الام : لالا كدة حلو اوى عقبال ما تفرحى باولادهم
حماتها : اسمعوا الكلام دة حسن ابنى الكبير ودة كان ندر عليا
حسن : خلاص ماشي مدام هدية هههههه
لقاء : شكرا يا طنط
الام : وانا ابوها مدينى فلوس اجيبلها حاجة تبقي هدية منة ليها
حسن : لالالا كدة كتيير اوى وهطمعوها فيا
لقاء : ههههه لو عايز ترجع في كلامك محدش هيوافق ههههه
حسن : ارجع اية دانا ما صدقت دخلت في الموضوع
لقاء : ههههه شكرا يا ماما انتى وبابا
عمر : ليكى عندى حرف هدية بس في بيتك ان شاءالله ههههه
لقاء : ماشي هستناة
عمر : انا شكيت فيكى انتى شكلك هتتجوزى عشان تلمى دهب وتهربى ههههههههههه
حسن : ما انا ههرب معانا متقلقش ههههه
الحواهرجى : الف مبروك محدش هيسمعنا زغروطة للعروسين
حماتها : لولولولي لولولولي لولولولي
لقاء : ههههههههههه
حسن : ههههههههههه
الام : مبرووك عقبال الفرحة الكبيرة
حماتها : يارب إن شاءالله
رجعوا كلهم علي البيت وطلع حسن ومامتة عند بيت لقاء .
كانت مامت لقاء محضرة غداء حلو ...
حماتها : لية التعب دة بس
حسن : كل دة كدة كتير اوي
الام : والله كان الواحد عايز يعمل اكتر من كدة ،،يالا بالهنا والشفا ان شاءالله ،،يالا يا ام العريس مدى ايدك بقي انا مبحبش الاكل الجاهز انا بحب اعمل كل حاجة بايدى
ام العريس : والله تسلم ايدك دة شكلة وريحتة احلى من الجاهز والله
الام : يارب طعمة يعجبكوا
حسن : اكيد هيعجبنا انا مش عارف ابتدى بورق العنب ولا الحمام ولا اكل رقاق ولا الملوخية الفظيعة دى
لقاء : تاكل من كل حاجة يا حسن وخصوصا تبفى تدوق البوفتيك عشان انا اللى تبلتة هو والكفتة
حماتها : تسلم ايدك يا حبيتى والمكرونة البشاميل ريحتها روعة
الام : الف هنا اتفضلوا
الام : افتح يا عمر شوف مين
عمر : اهلا دة بابا وعمو أبو العريس ههههه
الام : اهلا وسهلا حماتكوا بتحبكوا
الاب : جينا في الوقت المناسب
حسن : طب يا بابا مش كنت تكلمنى
ابو حسن : ابو العروسة بقي كلمنى وصمم وكويس انى جيت الحق المجزرة دى
حماتها : يالا بقي كلنا نقعد ناكل مع بعض مافيش حد غريب
الاب : يالا يا عمر هات باقي الكراسي ويالا تعالوا نقعد كلنا ناكل سوا يالا يالا
الام : طب تعالى يا لقاء خدى اطباق تانى ومعالق
عمر : خليكى يا عروسة انا هجيب
الاب : اية يا واد الادب دة ههههه
عمر : بس افتكروا عشان يومى أن شاءالله هتعملوا معايا كدة
الاب : ههههه ماشي انت هتذلنا
الام : يالا اتفضلوا الف هنا انا عايزة كل دة يخلص أنا عندى بنت ههههه
حسن ولقاء كانوا في قمة سعادتهم ...
وبعد العشا حسن ولقاء خدوا جنب ومرة واحدة اهاليهم افتكروا أنهم يقروا الفاتحة
أبو العريس : طيب اية يا جماعة نقرا الفاتحة ولا انتوا قريتوها
الاب : شكلهم قروها من غيرنا
الام : لا طبعا هو احنا نقدر
حسن : انا قريتها بس ممكن اقرا المصحف كلة دلوقتى لو عايزين
أبو العريس : ربنا يقوى ايمانك ههههه
الاب : ههههه بسم الله
الام : الف مبروك عقبال الفرح ان شاءالله
كلهم : أن شاءالله
عدا اسبوع ولقاء جابت كل حاجتها وجابت فستان اوف وايت بشيفونات كتير اوي وطرحة طويلة جدا ...
وجة يوم كتب كتاب لقاء وحسن فى نفس قاعة الفرح وحضر المأذون ....
حسن بيصفر بصوت عالى اول لما شاف لقاء فى ايد ابوها ...
لقاء سمعت صفارة حسن وفرحت واتكسفت في نفس الوقت..
الاب بيسلم علي حسن و بيسلمة لقاء وبيقولة الف مبروك وطبعا حسن سلم علية ومسك ايد لقاء واداها بوسة على جبينها ...
وبدأت الزفة
واستمرت الزفة لمدة ساعة ونص من رقص واغانى لكن اكتر حاجة عجبت لقاء أول أغنية فى الزفة اللى رقصوا عليها وهى قلبي دليلي وكانت الزغاريط عالية جدا وهما بيرقصوا ومحدش كان مصدق أن لقاء بتعرف ترقص حلو اوى كدة وكان شكلها حلو اووى وتسريحة شعرها جميلة ..
كل الناس دخلت القاعة
واتقفلت ابواب القاعة وبعد خمس دقائق عم الظلام القاعة وانوار الترابيزات كانت هى اللى منورة وفجاءة اتفتح باب القاعة والليزر والدرامز والدخان والبابلز اشتغل وشو البنات قدام العريس والعروسة ...
حسن ماسك ايد لقاء لحد لما وصلوا للكوشة وكانت عبارة عن بيانو وحواليهم الورود الجميلة بالوان مختلفه...
اشتغلت اسماء الله الحسنى وبعدها راح حسن للمأذون عشان يكتب الكتاب واستمر كتب الكتاب حوالى ربع ساعة وحسن مشالش عينة من علي لقاء والكل كان واخد بالة بس محدش قالة حاجة ...
المأذون : اللهم بارك لهما وبارك عليهما واجمع بينهما في خير..
الكل : لولولولي لولولولي لولولولي
اشتغلت اغنية مبروك مبروك يا حياة قلبي مبروك لرامى عياش
حسن مد ايدة للقاء وسلم عليها وباسها من خدها وقالها مبروك يا حبيبي
لقاء : الله يبارك فيك
عمر : مبرووووك لولولولي لولولولي ههههه
وجة ميعاد الشبكة وجة الشو النار والسيوف مع كاسات الشربات الطويلة اووى وبدأ حسن يلبس لقاء شبكتها وكانت ام العريس والعروسة واقفين و اهم والزغاريط شغالة ...
اشتغلت اغنية اتحدى العالم وهنا قام حسن ولقاء للرقص وحط ايدة على وسطها وقالها بهمس في ودنها من كام يوم قولتلك الاغنية دى وانتى كنتى عشيقتى وحبيبتى ودلوقتى انتى مراتى وعشيقتى وحببتى
لقاء : بحبك بحبك
حسن شال لقاء ولف بيها والكل توقع أن الغزل كان شغال بينهم لان شكلهم كان باين اووى والبالونات نزلت عليهم وهما بيلفوا ودة عمل جو مبهج في الفرح اكترر...
بعد الرقصة اشتغلت اغانى عمرو دياب وشيرين وتامر وسعد الصغير وغيرها والكل كان بيرقص وفرحان ...
وبعد شوية طلبت سمر من الدى جى أن العروسة تغنى اغنية ...
الدى جى: الو الو سامعنى
الكل : ههههه أيوة
الدى جى: اية رأيك يا عريس لو خلينا عروستك تغنى اغنية ليك
لقاء : لالا صوتى مش حلو
سمر : صوتك حلو جدا يالا غنى انا سمعتك ههههه
حسن : انا اتفاجئت ياريت طبعا
لقاء : مش هينفع
الدى جى: صحباتك كلهم بيقولوا صوتك حلو يالا لو بتحبي حسن لازم تغنى
حسن : اوعى تكسفينى ههههه
لقاء : مافيش حاجة في دماغى
سمر : طب افكرك
لقاء : اعمل فيكى اية قولى
سمر : فاكرة اغنية احكى يا شهرزاد
حسن : اسمعها يا قلبي
لقاء : غنت اغنية احكى يا شهرزاد وعجبت كل الموجودين وحسن طلب الاغنية دى تشتغل ساعة الاوبن بوفية..
حسن : انا عايز اغنية تانية
لقاء : لالا كدة احراج بقي
الكل : لولو لولو لولو لولو
الدى جى: الكل بيشجعك اهو
لقاء : طب اقول اية
حسن : اى حاجة
لقاء : هقول حاجة فعلا لان حسن كان كدة اول لما عرفتة
سمر : ههههه عرفت هتقولى اية يا واد يا تقيل
لقاء : ههههه يااا يااا يا واد يا تقيل ياة ياة يا مجننى
حسن : ههههه وجرى خد لقاء في حضنة وباسها لأنها كانت بتغنى وتمثل حركاتة وكان الكل بيضحك على طريقتها الجميلة
اشتغلت اغنية احكى يا شهرزاد وهما بيقطعوا التورتة ورفضت لقاء حركة الشوكة المشتركة بينها وبين حسن واتكسفت من باباها والناس واحترم حسن رغبتها ..
وجة وقت الاوبن بوفية وكان كل ما لذ وطاب موجود وكان بوفية فوق الرااائع وكالعادة بيبقي فية كورنر مخصص للعرايس والعرسان يتعشوا فية ...
حسن : انا مش مصدق انك قدامى وبفستان الفرح
لقاء : ولا انا مصدقة أن دة فرحنا انا حاسة انى بحلم
حسن : انا حققتلك الحلم وهتفضلى كدة على طول
لقاء : انت احلى حاجة في حياتى
حسن قرب من لقاء جامد وقالها اعتقد من حقي دلوقتى اخد الحاجة اللى كنت مستنيها
لقاء :
حسن قرب من لقاء وباسها فى شفايفها وخدها وعينيها ونفخ بشويش على وشها وعزف بصفارة خفيفة اتحدى العالم ولقاء كانت مبسوطة جدا
حسن : اية الصوت الجامد دة
لقاء : ولا جامد ولا حاجة انتوا بتبلغوا
حسن : غنى
لقاء : نعم
حسن : غنى اى حاجة وبصوت عالى جدا
لقاء : بس يا حسن متهرجش
حسن : هتغنى ولا اجيب الدى جى
لقاء : أغنى اية طيب
حسن : اى حاجة
لقاء : انت مجنون والله انت مكنتش باين كدة
حسن : يالا غنى
لقاء : احممم وبحبك أيوة بحبك اد العيون السود بحبك وانت عارف ماانت عارف .....
حسن عينة دخلت جوة عين لقاء من كتر اعجابة بيها وكان منبهر بيها جدا ..
لقاء : حسن
حسن : عيون حسن
لقاء : بتحرجنى لما بتبصلي كدة
حسن : من حقي احفظ ملامحك عشان اصدق انك بقيتى مراتى
لقاء : تخيل انا اتجوزت وبقيت انت مسئول منى
حسن : نعمم ههههههههههه انتى اللى مسئولة منى
لقاء : لالالا انا مبحبش ابقي تقيلة على حد انا مسئولة عن نفسي
حسن : مين قالك كدة ههههه
لقاء : دماغى
حسن : دماغك دى انا هكسرها بس لما يتقفل علينا باب واحد
لقاء : مش هتقدر
حسن : هنشوف
لقاء : ههههه اتجوزتنى عشان تكسر دماغى
حسن : اتجوزتك عشان بموت فيكى
لقاء : ياريت تفضل كدة واوعى الايام تغيرك
حسن : وانتى كمان اوعى تتغيرى
لقاء : انت خليتنى احب الرومانسية والحب
حسن : وانا معرفتش طعمهم غير لما حبيتك
لقاء : انت احلى حاجة في حياتى
حسن : وانتى قلبي
لمتابعة باقي رواية قلوب عنيدة لااااااااايك وكومنت عشان نعرف حياة حسن ولقاء وشهر العسل
انا دمجت حلقتين في بعض النهاردة والحلقة طويلة اهو ،، لو قدرت اخلص حلقة بكرة هنزلها ولو مقدرتش نتقابل الأربعاء أن شاءالله..
تحياتى حنين الماضي
