"ဆိုလိုတဲ့သဘောက ဒါဟာ တကယ်မီးလောင်ထား တဲ့အပေါ် ခြေရာဖျောက်တဲ့ ဓါတုမှုန့်တချို့ရောထားတဲ့ ပြာတုတွေပဲ၊ ပြာမှုန့်ရဲ့ သိပ်သည်းဆကလည်း ၃ဆ ၁ဆလောက်ပိုလျော့တယ်၊ ပြာဖြစ်တဲ့အထိလောင် ကျွမ်းဖို့ အသုံးပြုရတဲ့ မီးအပူချိန်ပမာဏ၊ လောင်ကျွမ်း ခံရမယ့် အရာဝတ္ထုတွေ၊ အခင်းဖြစ်တဲ့နေရာအထိရောက်ဖို့ ကြာချိန်နဲ့ဆို နောက်ထပ်ထွက်လာတဲ့တချက် က ခင်များတို့ရထားတဲ့ခြေရာခံစနစ်မှာအတုအယောင် virus စနစ် ဝင်ရောက်နှောက်ယှက်သွားဟန်ရှိတယ်၊ သတင်းအချက်အလက်အပေါ် စနစ်နဲ့ ရောပြီးအရူး လုပ်ခံလိုက်ရတယ်ပဲဆိုရမယ် ဖြစ်နိုင်တာက သူတို့ အပြင် တခြားတယောက်က အကူအညီပေးလို့ ခင်များ တို့အားလုံးကို လှည့်စားဖို့ တဖက်လှည့်နဲ့ အသုံးချ သွားတဲ့ ဖြတ်လမ်းနည်း တစ်ခုပါပဲ၊ ပြောရရင် အချိန် တိုတိုနဲ့ ထိရောက်တဲ့ ကြေးစားတွေသုံးတဲ့နည်းမျိုးပေါ့"
Chanyeolကိုအထူးတလည်အာရုံစိုက်ပြီး Luhan လေးလေးနက်နက်ရှင်းပြနေသည့်အတွက် Chanyeol ၏စိတ်ဝင်စားမှုက ပိုမိုမြင့်တက် သွား သည့်အသွင်။ထိုအချိန်၌သေချာပေါက် မျက်နှာမကောင်းဆုံးသူကတော့ Sehun။Hyung အပေါ် စေတနာလုံးဝမပါသည့် ထိုသူ့ကို သင်ခန်းစာပေးဖို့ကြံရုံရှိသေး ချစ်သူကပါ ထပ်ပြီး အဲ့လူအား အရေးပေး လေပြေအေးဖြင့် အကြံပေးနေပြန်သည်။ဒေါသထွက်လည်းမရ ကျေအေးပေးဖို့လည်း မဖြစ်နိုင် လို့ အချေရုပ်ထက်ပင် ချေ၍ နေနေရုံသာရှိသည်။
Baekhyun ကတော့ မျက်စိတဆုံး မြင်ကွင်း ပတ်ပတ်လည်စူးစိုက်ကြည့်နေစဥ် Luhan မှ ကုတ်အင်္ကျီအတွင်းမှ IDကဒ်ကိုထုတ်ကာ လက်ပတ်နာရီပေါ်တင်လိုက်၏။ထို့နောက် ကဒ်အားပြန်သိမ်းပြီး လက်ပတ်နာရီ screen အား နှိပ်လိုက်လျှင် စိမ်းပြာရောင် electronic network screen သည် လေထဲ၌ပေါ် လာပြီး Luhan ၏ ID ကို တိကျစွာဖော်ပြပေ၏။
Name :Dr.Lu Han (Professor)
ID Code : D7LQ04
Position : Program Director
Department : Project Implementation Unit (Head Quarter)
Organization: W.Net.Inc
တဖက်လူ၏ နောက်ခံ အဖွဲ့အစည်းကို မြင်တွေ့သည် နှင့် Chanyeol မျက်နှာထား၌ ခံစားချက်တို့ကင်းမဲ့
လျက်။ မည်သည့်အရိပ်အယောင်ကိုမျှ ဖမ်းယူ၍ မရတော့သည်အထိ Chanyeol ၏ စိတ်အခြေအနေကို
Baekhyun အာရုံခံလို့ပင် မရတော့။Chanyeol အမူအရာကို မြင်သည်နှင့် စိတ်မချတော့သည့် Sehun မှာ ရုတ်တရက် မသိစိတ်၏ လှုံ့ဆော်မှုကြောင့် Baekhyun ထက် ပိုပြီး အရေးကြီးသွားသည့်သူမှာ Lu Han ဖြစ်လာသည်။ထို့ကြောင့် Lu Han လက်ကို ဆတ်ခနဲ ဆွဲယူကာ မိမိကျောနောက်သို့ ရပ်နေစေ၏။
ESTÁS LEYENDO
MY SHINING COMET
Romance𝓗𝓸𝔀 𝓼𝓽𝓻𝓪𝓷𝓰𝓮 𝓣𝓸 𝓭𝓻𝓮𝓪𝓶 𝓸𝓯 𝔂𝓸𝓾 𝓔𝓿𝓮𝓷 𝔀𝓱𝓮𝓷 𝓘 𝓪𝓶 𝔀𝓲𝓭𝓮 𝓪𝔀𝓪𝓴𝓮𝓷 Cover by Amaryllis_Lian #Xingho Fanfiction #primrose_vanilla
Part 24 || Timer of escaping ||
Comenzar desde el principio
