MY SHINING COMET

YOU ARE READING

Romance

𝓗𝓸𝔀 𝓼𝓽𝓻𝓪𝓷𝓰𝓮 𝓣𝓸 𝓭𝓻𝓮𝓪𝓶 𝓸𝓯 𝔂𝓸𝓾 𝓔𝓿𝓮𝓷 𝔀𝓱𝓮𝓷 𝓘 𝓪𝓶 𝔀𝓲𝓭𝓮 𝓪𝔀𝓪𝓴𝓮𝓷 Cover by Amaryllis_Lian #Xingho Fanfiction #primrose_vanilla

#junxing #kimjunmyeon #xingho #zhangyixing

Part 24 || Timer of escaping ||

Start from the beginning

by Primrose_vanilla

မထင်မှတ်ပဲ Luhan ကြောင့် ဒီကမ်းခြေကို ပေပေတေတေလိုက်လာခဲ့ပြီးမှ ခရီးဦးမစိုက် မြင်တွေ့ရသည့် မြင်ကွင်းက သူ့အတွက် စိတ်တိုဒေါသဖြစ်စရာကောင်းသည့် မြင်ကွင်း။မဟုတ်သေး၊ လူသတ်မှုပါ ဖြစ်လောက် သည့်အထိ Sehun လက်တွန့်နေမှာမဟုတ်သည့် အနေအထားဆီ ဦးတည်သွားဖို့က အသေအချာ။လျှပ်စီး လက်ထိပ်အဖြစ်အသုံးပြုသည့် ကိရိယာတပ်ထားရအောင် Hyung က ပုန်ကန်သည့်ရာဇဝတ်သား အဆင့်လည်းမဟုတ်၊ ပြစ်မှုလည်း မရှိပါပဲနှင့် ဤသို့ နှိပ်စက်နေသည့်မြင်ကွင်းက လူမဆန်သည့်လုပ်ရပ်ပင်။

အထူးသဖြင့်အရိုးသားဆုံးပြောဆိုရလျှင်ထိုအကြောင်းစွဲချက်များနှင့်မသက်ဆိုင်သည့်သီးခြားပြစ်မှုဖြစ်သည့်....နည်းပညာဆိုင်ရာဥပဒေအရ တရားမဝင် A.I များ၏ တိုက်ခိုက်မှုမှကာကွယ်ရန်၌သာ အသုံးပြု ခွင့်ရှိသည့်အရေးပေါ်လက် နက်ကိရိယာအား အသုံးချနေခြင်း၏ သဘောက သနားစရာကောင်းသည့် Baekhyun Hyung အပေါ် ဒီကောင့်၏ အတွင်း စိတ်ဓါတ် အလုံးစုံကို ပြသလိုက်ပြီ ဖြစ်လို့ တွေဝေနေ စရာမရှိ။ Sehun အဖို့ ဒီလူကို တရားခွင်ပို့လိုက် သည် ကပင် အသက်ညှာဆုံးအဆင့်ဖြစ်လိမ့်မည်။

လဲကျရာသဲသောင်ပြင်ကနေ ထလာသည့်Chanyeol က သရော်ပြုံးပြုံးလျက် မချေမငံကြည့်ဖြင့် Sehun အား စေ့စေ့ကြည့်ရင်း အနည်းငယ်ပေရေသွားသည့် သားရေကုတ်အင်္ကျီရှည်အားသပ်ခါသည်။မထင်မှတ်
သည့်ဖြစ်ရပ်ကြောင့် Sehun မျက်နှာထား တင်းသွား ၏။ ခုနက လဲကျစဥ်က ကျိန်းသေ ပေါက်ကွဲမတတ် မီးတောက် အကြည့်မှ ချက်ချင်း ထလာသည့်ထိုသူက တည်ငြိမ်သည့် အသွင်အပြင်ဖြင့် ဘာစကားမှမဆိုပဲ ခပ်စိမ်းစိမ်းကြည့်နေသည့်အခါ Sehun ၏ သံသယ စိတ်များတိုးလာသည်။အသာစီးရနေသလို အောင် နိုင် သူတယောက်၏ မျက်နှာထားအတိုင်း နေနေသည့် Park Chanyeol က တကယ့်ကို ကြောက်စရာကောင်းလောက်အောင် ကောက်ကျစ်စဥ်းလဲသည့်သူ ဖြစ်သည်ကို Sehun မသိစိတ်က အထင်အရှား ခံစား လိုက်ရသည်။

အန္တရာယ်များလွန်းသည်၊ ထင်တာထက်ကိုအန္တရာယ်များသည့် လူစားမျိုးမှန်း Sehun ပြတ်ပြတ်သားသား ယူဆလိုက်သည့်နောက် ဒီ့ထက်ပို၍ Hyung အား ဤကဲ့သို့ ပုဂ္ဂိုလ်အတွက် မစွန့်စားပေးစေလိုတော့သည် မှာ မှန်ကန်သော စိတ်ရင်း။အကျိုးမှမရှိသည်ပဲ။စိတ်ရှိ လက်ရှိသာဆို ဘယ်သူမှ ဂရုမစိုက်ပဲ သူသေကိုယ်သေလက်ရည်ချင်းယှဥ်ပြီး ကိစ္စအပြီး အလောင်းပါ ဖျောက်ဖို့ ဆက်တိုက် အတွေးတွေ ဖြစ်နေသည်။ဒါပေမယ့်လည်း Hyung အားကြည့်လိုက်ပြန်တော့ လုံးဝ မလုပ်ဖို့ အနူးအညွတ်တောင်းပန်နေသည့် Hyung က Sehun ၏ စိတ်ကို အလုံးစုံမြင်နေရသလို Sehun အားခွင့်မပြုသည့် အကြည့်များကြောင့် ခပ်တင်းတင်း ဆုပ်ထားမိသည့် လက်သီးဆုပ်၌ပင် သွေးကြောစိမ်း များ ပေါက်ကွဲ မတတ် ထင်းနေ၏။