•
•
•
"မယ်မယ် ကျွန်တော် ကိုကိုနဲ့ မြို့ထဲ ခဏသွားမလို့"
"မသွားရဘူး"
"မယ်မယ်... ကိုကိုပျင်းနေမှာစိုးလို့ပါ"
ရိပေါ်က ကိုကို့ကို အားနာသည်။ သူ့အနားကိုလိုက်နေရပေမယ့် ကိုကိုက ဒီနန်းအိမ်တော်မှာပဲ ပိတ်မိနေသလိုဖြစ်နေမှာကိုလည်း စိုးရိမ်ပါသည်။
ကိုကိုမပျော်တော့ဘဲ ထွက်ပြေးသွားရင် ဒုက္ခ။
"အစောင့်ထည့်ပေးလိုက်မယ်... မြန်မြန်ပြန်လာခဲ့ အားပေါ်... အပြင်မှာက လုံခြုံတာမဟုတ်ဘူး"
ရိပေါ်က မယ်မယ်ရဲ့ ခွင့်ပြုချက်နှင့် ကိုကို့ကိုခေါ်ကာ မြို့ထဲခဏဝင်ပြီး အင်္ကျီဝယ်မည်။ ကိုကိုက သူသွားနေခဲ့တဲ့ရက်တွေတုန်းက တီရှပ်တွေအများကြီးပေးဝတ်ထားတာမဟုတ်လား။
ပြီးတော့ အပြန် ပီဇာလည်းစားကြမည်။ ကိုကိုက ပီဇာသိပ်ကြိုက်တဲ့အကြောင်း ရိပေါ်ကို ပြောပြဖူးသည်။
"ကိုကိုရေ ပြီးပြီလား"
အခန်းတံခါးကို ခေါက်လိုက်တော့ ကိုကိုက တံခါးကိုဟရုံလေးဟပေးသည်။
"အင့်"
တံခါးအကွယ်ကနေ လျင်မြန်စွာပဲ ဆွဲလိုက်သည့် ကိုကို့ကြောင့် ရိပေါ် အခန်းထဲကို ခပ်မြန်မြန်ရောက်သွားသည်။
နောက်တော့ နံရံမှာ ဆွဲကပ်တာခံလိုက်ရသည်။
ရိပေါ်ရဲ့ ပါးတစ်ဖက်ကို ကိုကိုက လက်ဖဝါးလေးတင်ကာ ထားသည်။
"ရိပေါ်"
"ကိုကိုကလည်း လန့်လိုက်တာ"
ကျားသစ်နက်ကလေးကို လန့်အောင်လုပ်နိုင်တာ ကိုကိုပဲရှိပါသည်။
"နမ်းချင်တယ်"
ကိုကိုက ရိပေါ်ရဲ့ နှုတ်ခမ်းကိုငုံထွေးလိုက်သည်။ တစ်ပတ်နှစ်ပတ်အတွင်းမှာ ရိပေါ်ကို ကိုကို ဒီလို ခဏခဏ နမ်းနေတာ ၃၂၈ ခါလောက်ရှိနေပြီဖြစ်သည်။
"ခဏပဲနမ်းနော်... အပြင်သွားမှာကို"
•
•
