توأم ولكن أغراب في جامعة أمريكية

35

يعني خلاص ماعاد راح تشوفه ...؟؟؟
بيروح للأبد ...
بيتركني لحالي مثل قبل ...
وحيــــــــــــــــــــــــده ....
لا أم ولا أب ... ولا اخت ولا أخـــــــــــو ...
ولا حتى ليان ....
مين بقالي ..؟؟؟ ميـــــــــــــن ..!!
راكــــــــــــــــــــان لا تتركنـــــــــــــــــــــي ..
راكــــــــــــــــــــان أحبـــــــــــــكـ ...
انت الوحيد اللي ابي اعيش عشانه ...
لا تتركني تكفى ... لا تتركنـــــــــــــــــــــــــــــي ...
((نزلت راسها ودموعها بعيونها ...
لحظات ونزلت دموعها على خدها ...
شالت التراب بين يدينها وهي تفكر براكان ...
الهوا طير بعض التراب اللي بيدها ...
غمضت عينها بقوه من التراب اللي دخل بعيونها ...
فركت عيونها وهي معصبه وتبكي قهر ...
عيونها صارت ملوثه بسبب بدها اللي كلها تراب وهي تفرك عيونها ...
بالأخير انسدحت على التراب وتركت دموعها تنزل على راحتها يمكن عالأقل
ترتاح لو شوي ...
رغم انها موب متعوده تبكي ابدا ...
بس راكان غيرها بالكامل ...
صارت تحبه ..
وصارت تبكي بسببه ..
وقلبها يدق بقوه له ...
وتتوتر بسببه ..
وتقبل الإهانه منه وتسكت ...
يجرحها وهي تسكت ..
كلـــــــــــــــــــــــــــــه لأنها تحبه وتبيه يحبها مثل ماهي تحبه ..
بس مافي فايده ...
أبـــــــــــــــــــــــــــــــــــــدا ...
"""""""""""""""""""""""""""""""

((نرجع للفيصل ووالقروب ...
-(فهد ابتسم وكأنه يبي يقهر بندر عشان يبدون طقاق ...
بندر لف بيروح بس القروب ماتكره بحاله ...
بندر وصلت معه منهم ...
لف توه بيتكلم بس أميره تدخلت بدون ماتطالع فيصل او القروب كله ..
-(أميره :~ لو سمحت ...
-(التفت عليها بندر ..)
-(أميره :~ انا سمعت انك تدور على تولين وليان ...
-(بندر علطول نسى موضوع فهد وقروبه :~ أي تعرفينهم ؟؟
-(اميره ابتسمت ثم رفعت أصبعها تأشر على فيصل وهي تقول :~
هـــــــــــــــــــــذا .. اخوهم ...
-(بندر نغزه قلبه بسرعه وهو عارف ان لهم اخو بس مايدري وينه ؟؟؟
بسرعه التفت على فيصل ...
فيصل بدت النار تغلي بقلبه مره ثانيه من أميره اللي للحين تدخل بحياتي لين آخر لحظه ...
-(رفع صوته بخشونه عليها :~ أميـــــــــــــره سكتــــــــــي ... جم مره اقولج لا تتدخلين ..!!
-(أميره بلعت ريقها وهي تحاول تكون مو خايفه منه رغم انه يخوف اذا عصب ..
-(بندر وهو يطالع فيصل .....
حس انه موب عربي شكله ...
:~ انت امراتي ..
-(فيصل مارد على بندر وطنشه وهو يطالع أميره بحقد ..)
-(بندر تذكر ان اخوه متزوج روسيه ... يعني اكيد الأشباه راح تكون مثل كذا بعياله ..
الشعر يميل عالأشقر ... والعيون نيليه والبياض بياض أجانب ...
والملامح ملامح غير عربيه ابدا ...
وبالأخص غير خليجيه ...
-(بلع ريقه ثم قال :~ وش اسمك ؟؟
-(أميره تدخلت مره ثانيه وهي ماتابت :~ اسمه فيصل ... بس فيصل شنو
ماندري ولا هو يدري ... يعني نسب مجهو ..............
-(قطع عليها فيصل لما عطاها كف من غير شعور ......
كف قــــــــــــــــــــــــــــــــوي سكت الكل ...
عيون الكل طلعت من الصدمه ...
ولـــــــــــــــــــــد يمد يده على بنت ...!!
قويـــــــــــــــــــــــــــــــــــه .. ماقد صارت ابدا بالجامعه ...
الكل يطالع بصمت ورعب ...
أميره من قوة الكف طاحت عالأرض مغشي عليها ...
خاصتا ان جسمها ضعيف وصغير شوي ...
الكل واقف يطالعها بروعه مو قادرين يتحركون من الصدمه ...
بندر مرتاع موب مستوعب ...
رفع عيونه على فيصل بغضب ...
سحبه بقوه وهو يقول :~ لازم أتأكد انت منو ...
((فيصل سحب يده بقوه من بندر وهو يقول :~ وانت منو عشان تدخل بحياتي ..
والله حاله مره انت ومره اميره ..
ياناس اطلعو من حياتي اطلعو منها .. مابي ارعف انا منو ولا وين اهلي اللي تركوني ..
ولا حتى ابي اخوات ..
مابي احد ... ياخي روح عني وتركني بحالي ... ؤففـ ...
((لف بيروح بس بندر مايبي يترك هالفرصه تضيع منه ...
سحب فيصل بقوه خاصتا ان بندر اكبر منه وأقوى منه ...
فيصل يحاول يسحب يده بقوه بس موب قادر ...
لما دخلو المبنى وفيصل يصارخ على بندر بغضب يبيه يتركه ...
فجــــــــــــــــــآه طلعت بوجههم اللبنانيه وهي تقول :~ اتركوه ...
-(بندر كشر بوجهها وهو يقول :~ وانتي شدخلك ...
-(اللبنانيه :~ انا بعرف إمو ... ((أنا أعرف أمه ))
-(فيصل وبندر رفعو عيونهم بصدمه ...
هالكلمه كانت مثل الثلج اللي انكبت على راس فيصـــــــــــــل والعم بنـــــــــــــدر ...
وبالأخص فيصـــــــــــــــــــــل ...
((ابتسمت بخبث ثم قالت :~ وهيا راح تاخدون أبلك ... ((وهي راح تاخذهم قبلك ))
((فيصل سحب يده بقوه من بندر ثم قال بغضب أكبر :~ انتم منو ... شتبون منـــــــي ..!!
-(بندر بسرعه قال :~ انا عمك لا تخاف ...
-(اللبنانيه :~ وانا رفيئت امك ...
وهيا موصيتني بدور عليكون مشان تجي وتاخدكون ...
-(فيصل قلبه صار يدق بشكل قوي .... اصابعه بردت من الصدمه اللي يسمعها ..
عـــــــــــــم وأم ..؟؟؟ شلــــــــــــــون ...
تحولت ملامحه للكره وهو يقول :~ عمـــــــــــــي ؟؟ وأمـــــــــــــي ؟؟
تبون تجذبون جذبو على غيري ؟؟؟ جذي تبوني اصدق ؟؟
وبعدين اذا صج وينكم كل هالسنين ؟؟؟
انا مابي لا عم ولا ام ... قدرت اعيش لحالي وأقدر أكمل حياتي على هالعيشه ...
((لف وبسرعه ركض للبرى المبنى وقلبه يدق بقوه ...
مر من عند أميره اللي يحاولون يصحونها قروب فيصل ويرشونها بالمويه ...
فهد التفت على فيصل وقال بصوت عالي :~ فيصـــــــــــــــــل يامينوون...
((بس فيصل مايسمع أي أحد ...
بس يفكر ببندر واللبنانيه ؟؟؟
راسه مشوش موب قادر يفكر ...
فهد ماتحمل يمد يده فيصل على اميره ويروح كذا بدون مايسأل عنها ..
بسرعه ركض ورى فيصل ..
لما مسكه شده بقوه من قميصه ...
بقوه عطاه ظربه على بطنه من القهر اللي بقلبه والحقد ...
البنت تحبه وهو يعطيها كف ولا يسأل عنها ..!!!
قويـــــــــــه بحقها ...
فيصل طاح عالأرض وهو ماسك بطنه يحاول يتنفس بصعوبه من الألم اللي ببطنه ..
فهد يحس هذا ولا شي من القهر اللي بقلبه ..
مسكه بقوه من ياقته وقال :~ اذا انت ماتحبها انا ماأسمح لك تمد يدك عليها ,,,,
فاهـــــــــــــــــــــم ..
رفيجي عالعين وعالراس ..
بس مسألة البنت اللي احبها تحبك وانت ماتحبها .... ماأسمح لك ابدا تمد يدك عليها ابدا ...
فاهم يا..... ((ثم سكت وهو يحاول يضبط اعصابه اللي تلفت بسبب فيصل ...
دفه عالأرض ثم رجع للأميره واللي مجتمعين عليها ..
أما فيصل ماسك بطنه بقوه وهو يحاول يتنفس ...
خاصتا من بعد العمليه اللي عملها بسبب مرضه القديم ...
آثار الخياطه للحين فيه وتوجعه ...
وجه فيصل أحممممممر وهو يعتصر آلام بطنه ...
((بهاللحظه تولين مرت من عنده بتطلع من الجامعه ...
وهي توها ممسحه دموعها ...
لما شافت فيصل ووجهه الأحمررررررر خاصتا انه ابيض مره وواظح عليه
الون الأحمر بقوه ...
تولين حاولت تتجاهله بس ماتدري ليش ماتقدر ..
لفت له ثم جلست وهي تقول بخوف :~ انت بخير ؟؟؟
-(فيصل مايسمعها بس يتألم بشكل كبير ...
تولين توهقت ماتدري وش تسوي ...
بلعت ريقها بخوف ثم قالت :~طيب تقدر تمشي لين السياره وأوديك للمستشفى ؟؟؟
((فيصل يبي يتكلم بس ماقدر من انفاسه المقطوعه بسبب فهد وظربته القويه على بطنه وألم العمليه اللي ببطنه ...
تولين ماتبي تمسكه ابدا او تلمسه بما انه رجال غريب عنها ...
التفت على ولد واقف بعيد شوي ... ثم قالت بصوت عالي :~ لو سمحت ممكن
تساعدني شوي بس ..
((الشاب لما قالت له تولين دخله بسيارتي طبق اللي قالته له ..
بسرعه ركبت السياره توليـــــــن ...
وراحـــــــــــــــــــــــــــــــــــت عن الجامعه اللي فيها عمها يدور عليها وعلى خواتها ..
وبرضو على صاحبة امها اللي تدور عليهم وتبي تاخذهم ...
بما انه آخر يوم بالجامعه يعني ماعاد راح يرجعون لها الا بالسنه الجديده ...
التوأم ... توليــــــــــــــن فيصــــــــــــــل ليــــــــــــــان نــــــــــــــارا ...
طلعو من الجامعه وعمهم ماقدر يلاقيهم أو يعرفهم ..
الجامعه كانت آخر أمل له انه يلاقيهم ...
بس هالأمل راح بعد ماطلعو كلهم وهو للحين مالقاهم ...
تولين لما وصلت المستشفى بسرعه ركضت للدكاتره وهي تقول لهم عن اللي
بداخل السياره ..
لما دخلوه وعطوه ؤكسجين ...
طلع لها الدكتور وهي جالسه تبي تتطمن بس ..
-(الدكتور توه بيتكلم بس سكت لما شاف وجه تولين والشبه اللي بينها وبين
المريض ..
عشان كذا قال :~ اخوج بخير والحين هو نايم ... وشكله كان تعبان ..
-(عقدت حواجبها ثم قالت :~ بس هو موب اخوي ..
-(عقد حواجبه :~ موب اخوج ؟؟؟ غريبه كل هالشبه ؟؟ عيل قريبج؟؟
-(تولين :~ لا ماأعرفه بس لقيته بالطريق تعبان مايقدر يتنفس ويبته هني ..
عموما مشكور دكتور ودقو على اهله لأني ماأعرف عنه أي شي والحي بروح ..
يالله باي ..
((الدكتور مستغرب شلون ماتعرفه وكل هالشبه اللي بينهم ..!!!
نسى الموضوع ولف يكمل شغله ...
تولين بسرعه وهي تركض تبي ترجع للبيت لا تتأخر ..
ركبت السياره وهي بطريقها للبيت تفكر بطلال .. بس ماتدري ليش
فيصل يدخل بتفكيرها كل شوي ...
تبي تبعده عن بالها بس ماقدرت ...
خاصتا بعد مانتشرت الإشاعه بالبلوتوث وبعد كلام الدكتور صارت
تشك بشكوك غريبه ...
تحاول تبعد هالشكوك من راسها وتنسى الموضوع بما انو العطله بدت
ومالها رجعه للجامعه الا مع بداية السنه الجديده ...
""""""""""""""""""""""""""""