شَتَّان ما بينَنَا (مكتملة)

الفصل التاسع والثلاثون : لقد وقع فى الفخ

أمسكت ملك بأزرار بلوزتها تعبث بها وهى تجيب بعفويه.

"عثان أنتى مخلياه قاعت كوه فى بطنك وأنا لا"

صمت ذهول وغرابه وصدمه من حديث الصغيره ، فجأه تعالت ضحكات الجميع على تفكير ملك الطفولى .

قام هادى بالتربيت فوق وجنتيها بدفئ وقال موضحاً لها .

"النونه جوا بطن مامى عشان تكبر ولما تتولد تعرفى تلعبى معاها وتشيليها ، وأحنا بنحبك زى ما بنحب النونو بالظبط مش كدا يا نور؟"

قبلتها نور بحب ونطقت بتأكيد.

"طبعاً هو أحنا عندنا كام ملك يعنى! ، أنتى ملِكتى أنا وبس صح؟ ، وأنا بحبك أكتر حاجه فى الدنيا دى"

أبتسمت ملك بسعاده وعانقت خصر والدتها معبرةً عن مشاعرها ، فبادلتها نور فى حنان ، وتبدلت نظرات الجميع للإستلطاف لهذا المشهد المحبب.

رن هاتف هادى فكان المتصل أكرم ، أعتذر من الجميع وذهب ليجيب عليه ، وأثناء طريقه أستدار لوالدته وكأنه تذكر شيئاً.

أبتسم غامزاً لها وقال بمرح.

"أبقى أعملى على الغدا بتنجان مقلى يا جوجو ، لأحسن نور بدأت تتوحم"

ألقى حديثه وخرج للحديقه ، تاركاً نور خلفه تكاد تحترق من شده خجلها ، تهللت تعابير رجاء ووقفت على الفور ناطقه بترحيب.

"يا خبر!! ،ده أنا هعملك كل أنواع البتنجان حالاً ، أنتى بس أطلبى اللى نفسك فيه"

أقترحت نور أن تذهب معها لتساعدها ، فرفضت رجاء بشده.

"أياكى تتحركى من مكانك ، أنتى تقعدى وترتاحى ، واللى تطلبيه يجيلك لغاية عندك أنتى فاهمه؟!"