" ကျွန်တော်ချစ်ခဲ့သော သူမအမျိုးသား "
အခန်း ( ၁၅ )
ဝန်းရံခနိုးလာတော့ ကောင်းညို့မာန်က ရေချိုးပြီးလို့ အဝတ်အစားလဲနေလေပြီ။
" ဟင် ထူးထူးဆန်းဆန်း အစောကြီး နိုးနေတာလား ကောင်း "
" အင်းလေ နောက်တစ်နေရာသွားဖို့အတွက် ထရတာပေါ့ဗျ "
" ဟင် ကောင်းက ဘယ်သွားဦးမလို့လဲ "
" လိုက်မှာမဟုတ်လား မလိုက်လည်း မရဘူး လိုက်ရမှာပဲ မေးမနေနဲ့ ရေချိုးတော့ "
" ဒါနဲ့ နာနေသေးလား "
" ဘာကိုလဲဗျ "
" မဟုတ်ဘူးလေကွာ မနေ့က ဒဏ်ရာဆေးထည့်ထားပေးတယ်လေ အဲတာမေးတာပါကွာ "
" ရှင်းရှင်းပြောပါလား မနာတော့ဘူး ယောက်ျားပဲ ဒီလောက်ကတော့ အေးဆေးပါ "
" အင်း "" ဒါဆို ရေသွားချိုးတော့ သွား "
ဝန်းရံခလည်း ရေချိုးခန်း ဝင်သွားလေတော့သည်။ ရေချိုးခန်းက ထွက်လာတော့ အဝတ်အစား အသစ်နဲ့ သူ့ကို စောင့်နေသော ကောင်းက ပြုံးပြနေလေသည်။
" အဲတာတွေက ဘယ်တုန်းက "
" အစောကြီး ကျွန်တော် ထွက်ဝယ်ထားတာ နှစ်ယောက်သား ထွက်လာတာ ဘာမှမဝယ်ခဲ့ရဘူးလေ "
" ကောင်းရာ မင်းကတော့လေ မနိုင်ဘူး "
" ဘာလဲ ဆူချင်နေပြန်တာလား ကျွန်တော့ကို "
" ဒါတွေဝယ်ထားတာဆိုတော့မှ မင်း အိမ်မပြန်သေးဘူးပေါ့ "
" အာ ကျွတ်.…. အိမ်ပြန်မှတော့ ဘာလို့ ထွက်လာဦးမှာလဲ "
" ဒါဆို "
" မေမေ့ဘက်က အမျိုးတွေဆီ သွားမလို့ "
" ဟင် ဒါဆို ကိုယ်ကရော "
" အေးလေဗျာ ခင်ဗျားကြီးကိုပါ ခေါ်သွားမှာ "
" ဟာ အဆင်ပြေပါ့မလား ကောင်းရာ "
" မပြေစရာ ဘာရှိလဲ ပြေပါတယ် ဟိုရောက်ရင် ခင်ဗျားပိုပျော်သွားမှာ သိလား "
" အင်းပါ "
" မင်းသဘောပဲ "
နှစ်ယောက်သား ပြင်ဆင်ပြီး နံနက်စာစားကာ ထိုတည်းခိုခန်းနေရာလေးမှ ထွက်လာခဲ့ကြလေတော့သည်။
ကားလေးကို အမိုးဖွင့်လိုက်တော့ လတ်ဆတ်သော လေအေးလေးက တိုက်ခတ်လာလေတော့သည်။
YOU ARE READING
" ကျွန်တော်ချစ်ခဲ့သော သူမအမျိုးသား "
Fanfictionအရမ်းချစ်တက်ပြီး တစ်ယောက်ကိုတစ်ယောက် သိပ်ပြီးဂရုစိုက်ကြပေမဲ့ ချစ်တယ်ဆိုသော စကားလေးကို မဖွင့်ပြောကြပဲ သဝန်တိုမှုတွေ၊ ရလိုမှုတွေ၊ ပေးဆပ်မှုတွေနှင့် လူငယ်ဆန်ဆန် ဂျစ်တစ်တစ်ပြုမူမှုလေးတွေကနေ တစ်ယောက်နှင့်တစ်ယောက် လက်လွတ်မခံနိုင်တော့တဲ့အခါ သူတို့ဘယ်လိုမျာ...