طلع عقيل واني افكر بالموضوع بالكت من ازوجه الليثشويه يتغير ويعقل وهو صح طبعه وسوالفه مال اصغر من عمره بس هو شاب عمره 17 سنه يكدر يتزوج. اني حته ما سالت عقيل لابنيه شكد عمرها خاف تطلع اكبر منه بهواي
خلصت شغل واخذته ورجعت للبيت طبيت لكيت لبنى بالمطبخ تسوي غده كعدنه نتغده
فتحت الموضوع وياها
يوسف/لكيت عروسه الليث راح ازوجه
لبنى/شنو يوسف شتزوجه ليث وينه وين الزواج وبعدين منو تقبل بي
يوسف/وحده تكدرين تكولين باعوها اليه يعني واحد اطلبه فلوس وماعنده يسدني راح ينطيني مره بدال الفلوس وقررت ازوجها الليث ترى ليث شاب ويكدر يتزوج خلي نجرب بالكت يعقل شويه ويحس بروحه كبر وصار صاحب مسؤليه وحجيتلها كلشي على لابنيه
لبنى/والله ماادري شاكولك بس اخــّّـّّاف الابنيه متكدر تقاوم وياه وفتره وتعوفه وتدري اذا ليث تعلق بشي بعد ميعوفه ابد تذكر من امي توفت شلون صارت حالته عليها
يوسف/لتخافين متعوفه لان اصلاً ماعدها احد تروحله وبعدين بالكت يتعلق بيها ويسمع كلامها تهتم بي ترتبه أحـسًٓـن ما يبقه شالع كلبج واني بصراحه حيل متعبني بالشغل بس شسوي مضطر غير علمودج حته انتي ترتاحين وميتعبج
لبنى/صح والله اعرف بي دايتعبك بشغلك واني مدا اتحمله ينرايدله اهتمام وتعرف عقله عقل طفل 5 سنوات بسرعه يزعل
يله خلي نشوف بالمت هلابنيه تكدر تغيره زين الابنيه شكد عمرها
يوسف/مااعرف باجر العصر اتفقت يجبها هنا للبيت ويجيب شيخ او سيد نعقدلهم بين ماارتبلهم غرفه ونجيبها
لبنى/الله كريم
بيت عقيل
البطله
مرحبا
اني مريم مواليد 2000
مواصفاتي اشبه الممثله الي بصوره الغلاف جمالي هندي اي واحد يشوفني يكول جنج هنديه بشرتي حنطاويه عيوني سود كبار شعري اسود وطويل وناعم حيل وثخين
طولي 160 وزني 60 وجهي مدور وعندي خدود حواجبي ثخان
بابا توفه من اني وطفله حته مااتذكر شي منه وبعمر 10 سنوات ماما تدوجت شخص ثاني عشنه ابيته وحدنه اني وماما وزوجها الرجال دللني كأني بنته بس ماكدرت اكوله بابا حنت اصيحله عمو وماما كولش تحبني وممقصره وياي بشي متفوقه بدراستي سنه 2014 خلصت ثالث متوسط ونجحت للرابع اعدادي جانت عطله بشهر التاسع ماما وزوجها توفو بحادث واني بقيت وحيده مالي احد والبيت الي جنت ساكنه بي ابن زوج ماما باعه وقسم الفلوس عليه وعلى اخواته ال4 وبقيت اني ماادري وين اروح اضطريت اعيش وي ابن زوج ماما ابيته هو متزوج وعنده5 جهال مرته متقبلتني كوه للن ماعندي احد ولااعرف شي على اهل بابا ولاخوال عندي او عندي بس مااعرف شي عليهم ماما مقاطعتهم من زمان بسبب مشاكل ورث اكلو حقها واخذو ورثها وتبرت منهم
عشت بتعب وبذل تحت رحمه زوجه عقيل صرت خدامه الها والجهالها بدت المدارس مخلتني اداوم لحد شهر الثالث سنه 2015
جنت بالكراج اجلف زوالي اغلسهن وطب عقيل كلي مريم تعالي اريدج بشغله
غسلت ايدي وطبيت لبسي ابيته كله دشاديش وحجاب حسب طلب زوجته مني
عقيل/مريم باجر تحضري العقد مالتج خطبوج
مريم/انصدمت شنوو عقد شنووو خطبوني اني بعدني صغيره 15 سنه حته ماافكر بزواج
عقيل/بدون كلام زايد اني آِٰلُّى متى ابقه املفيج ابيتي تحضري باجر واي حجايه زايده اكسر راسج واشمرج بالشارع
مريم/كملت شغلي وبس افكر منو خطبني وشنو مواصفاته وشكد عمره وشنو اسمه
مرته كيفت راح تخلص مني جانت خايفه مني على زوجها
لبست بنطرون اسود وقميص اسود وحجاب اشود لان جنت حزينه على ماما رحت وي عقيل للمجول مااعرف وين مصيري وصلنه حسب العنوان لبيت مبين من الخارج مالته كولش مرتب يطلع تقريباً150 متر بس بنائه حديث كولش كوتله هذا بيت الي راح يخطبني
عقيل/هو الي راح يخطبج عايش بهذا البيت بــَس شوفي البيت يخبل شتريدين بعد يله نزلي
نزلت هو دك الباب واني واكفه وراه ومدنكه راسي استحي حيل شلون جايه برجلي حته يخطبوني وخايفه حيل بنفس الوقت
يوسف/اندك الباب طلعت شفته عقيل ووياه ابنيه مدنكه راسها كولشي ممبين منها بس لابسه كله اسود
كلتلهم تفضلو طبو للاستقبال
كلت للابنيه من رخصتج خويه طبي جوه يم زوجتي انتي بين مااحجي وي عقيل
مريم/جسمي كله يرحف من الخوف وحته راسي مارفعته كمت طلعت من الصاله لكيت هول وابنيه تطلع عمرها بال30 تقدمت أتجاهي وجهه مبتسم ومبينه انسانه راقيه من لبسها وشكلها كالت اهلا حبيبتي شنو اسمج
مريم/اسمي مريم
لبنى/عاشت لاسامي اسمج يجنن واني اسمي ابنى اخت زوجج انـ شـاء الـلّه
انتي يامواليد
مريم/2000
لبنى/ياعمري صغيره بعدج بس يـعـنـي قريب على عمر ليوثي باعي حبيبتي
راح احجيلج كولشي من البدايه أحـسًٓـن ماتكولين بعدين ماادري وضلمتوني واهم شي كولشي برضاتج يكون حبيبتي كولشي ولا الغصب آخـۅيھ اسمه ليث وعايش ويايه هنا ابيتي اني متزوجه وهذا بيت زوجي صار 10 سنوات متزوجه بس ماعندي اطفال لحد الأن وماعندي غير هالاخ هذا وهو ماعنده غيري عمره 17 سنه اكبر منج بسنتين يعني بس اكو شغله ضروري تعرفيها ليوثي شويه عقله مو هلكد يـعـنـي عقله اصغر من عمره تكدرين تكولين عقل طفل عمره 5 سنوات بس والله هو كولش حنين وطيب وميأذي احد بس طبعه بسرعه يزعل ويحب احد يهتم بي ويعامله مثل لاطفال هاا حبيبتي شتكولين موافقه اذا تحبين اصبحه تشوفينه او اشوفج صورته بالتليفون براحتج واذا صارت القسمه تعيشين هنا حالج من حالنه اني سمعت بيج انتي يتيمه واني هم يتيمه مثلج وماعندي غير زوجي واخويه بس
وتعيشين ويانه معززه مكرمه منريد منج شي بس تهتمين بليث وتحتوينه وتكونين زوجه اله
مريم/بقيت صافنه وبكلبي كولت يعني شنو عقله مو شي ﻣـﺨـﺒـَل مثلاً وليش حته اخذ مخبل شناقصني بس من جهه ثانيه شِفـٍـْْــٰٰتْ لابنيه شكد اريحيه ومبينه عدها رحمه وحنيه مو مثل مرت عقيل باوعــت على البيت شِفـٍـْْــٰٰتْ نفسي اعيش هنا أحـسًٓـن بس كولتلها خليني اشوف صورته بس
لبنى/ايي طلعت تليفوني وشوفتها صورته
مريم/شِفـٍـْْــٰٰتْ صورته شاب صغير ابيض وشكله مرتب معقوله هذا ﻣـﺨﺒـَل ابد ممبين عليه كولت اختاره احسن من جحيم عقيل ومرته
اني موافقه ميخالف
لبنى/بستها وكلتلها على بركة الله حبيبتي والله اعتبرج اختي الصغيره وادللج واخليج بعيوني
رحت ورا لباب صحت يوسف اجاني كوتله حجيت وي لابنيه ووافقت يله اذا تريد نعقدلهم اليوم
يوسف/ماشي هسه اخــٌابر على ولد عمه شيخ يعقد يجيبه النه ويجي انطي خبر للابنيه
خابرت على صديقي وكتله علمود عمه محتاجه يعقد
ورا سـَـــاعْـ⌚ـــٰه اجه الشيخ
رحت الليث حجيت وياه
يوسف/باوع حبيبي ليوثي راح ازوجك يعني هسه راح تكعد يم الشيخ وشيكولك تكول وراه زين
ليث /يضحك اني اتزوج عروسه يعني اتزوج عروسه وتركص وتلعب وياي
يوسف/استغفرت ربي اي حبيبي تلعب وياك هسه كوم خلي البسك ملابس حلوه حته تشوفك حلو وتبقه تحبك
كمت رتبته ولبسته ملابس كشخه وبكلبي خايف حيل لايفشلني كدام الشيخ
كعدته يم الشيخ واني يمه وادعي بكلبي ميسوي حركه تفشلني عقدله الشيخ وراح ورا لباب عقد للابنيه عرفت اسمها مريم وعمرها15 سنه كلبي عصرني عليهالان يتيمه وهذا خبل حسيت طبيت بخطيتها بس كلت ماجبرناها حجتلها لبنى كلشي وهي وافقت بارادتها هذا الي طمني
خلص العقد وانطيت فلوس للشيخ وراح
يوسف/عقيل تاخذ لابنيه وياك وخلال هالاسبوعين كلشي مخلصين انشالله باجر تجيبها حته زوجتي تاخذها تشتريلها ملابس واحتياجات حالها حال اي عروسه
اخذها عقيل وراحو واني حته ماشفتها للابنيه
مريم
عقدت ورجعت وي عقيل للبيت واني بين الخايفه والمرتاحه
مرتاحه لان راح اخلص من هالبيت الي ماشفت بي بس التعب والذل
وخايفه من مصيري وزوجي المجهول
..............
الكاتبه ام زيزو
البارت الاول
ابدأ من البداية
