..........……………….…………
အသက်ရှူသံပြင်းပြင်းတို့က ဒေါသကိုဖြေပျောက်နေသည်ထင်၏။၀င်သက်ထွက်သက်ပြင်းပြင်းတို့ကြောင့် အနီးအနားရှိသူသည်ပင်စကားမပြောရဲသည့်အထိ ပတ်၀န်းကျင်၏လေထုကအေးစက်နေ၏။ပြင်းရှသော သက်ပြင်းချသံအဆုံးတွင် ဒေါသတို့ကိုလွှတ်ချလိုက်ဟန်ရှိသည်။
သုတသည် သူ့ဆရာဖြစ်သူအဂ္ဂကို မြေနေရာလေ့လာရန်သွားရမည့်အကြောင်းသတိပေးသည့်အနေဖြင့် ချောင်းတစ်ချက်ဟန့်လိုက်ရင်း.........
"အဟမ်း! ဆရာ ကျွန်တော်တို့....."
"အင်း ငါသိတယ်သုတ။မင်းကိုမြေနေရာစုံစမ်းခိုင်းတာဘယ်လိုလဲ"
ကားပေါ်တက်တက်ချင်း ကားနောက်မှီကိုမှီနေရင်းမေးလိုက်ခြင်းဖြစ်သည်။
"ကျွန်တော်ခြံတစ်ခြံတွေ့ထားပါတယ်။ညောင်ဦးမြို့ညဈေးတန်းလမ်းအမှတ်၁၃ဘက်ကခြံ အမှတ်၁၉၊ညောင်ဦးတရားရုံးခေါင်းရင်းကခြံပါဆရာ။အဲ့ခြံကလောလောဆယ်အရမ်းကောင်းတဲ့အနေအထားရှိတယ်ဆရာ"
"သုတ"
သူ့ဆရာ၏ခေါ်သံကြောင့် ကားမောင်းနေရင်းမှသုတထူးလိုက်သည်။
"ငါပြောတာကို မင်းအမြဲတမ်းမှတ်ထား။နောက်နှစ်တွေအကြာကြီးကြာလို့ ငါ့ဆီကနေခွဲထွက်ပြီး စီးပွားရေးလုပ်ငန်းရှင်တစ်ယောက်ဖြစ်တဲ့အခါ ငါပြောတာတွေကအသုံး၀င်လာလိမ့်မယ်"
သုတအပေါ်အကောင်းဆုံးသူကိုပြောပြပါဆိုလျှင် ဆရာ့ကိုသာလက်ညှိုးထိုးပြရလိမ့်မည်။အဂ္ဂ၏မိဘများသည် အလုပ်ကိစ္စဖြင့်မန္တလေးသို့သွားပြီးအပြန်တွင် ရန်ကုန်-မန္တလေးအဝေးပြေးလမ်းမကြီး၏ဘေးရှိခြုံပုတ်တစ်ခုအနီးတွင် သတိလစ်နေပြီဖြစ်သောသုတကို တွေ့ခဲ့ခြင်းဖြစ်သည်။ထိုစဉ်ကသုတသည် ခြောက်နှစ်သားမျှသာရှိသေးသည်။အဂ္ဂကသုတထက်သုံးနှစ်သာကြီးသည်။
သုတကိုအဂ္ဂနှင့်အတူတူပညာသင်စေပြီး တန်းတူအခွင့်အရေးများပေးခဲ့သည်။အဂ္ဂနှင့်သုတကို နိုင်ငံခြားသို့ပညာသင်လွှတ်လိုက်ပြီး အဂ္ဂသည်တက္ကသိုလ်ကျောင်းသားနောက်ဆုံးနှစ် သုတကပထမနှစ်တွင် အဂ္ဂ၏မိဘများကကားအက်ဆီးဒင့်ကြောင့်ဆုံးပါးသွားခဲ့သည်။မိဘများသေဆုံးရခြင်းသည် မတော်တဆမှုမဟုတ်ဘဲ တမင်ကြံစည်ခြင်းဖြစ်ကြောင်း သိသောအခါ မြန်မာနိုင်ငံသို့ပြန်လာပြီး မိဘများ၏လုပ်ငန်းများကိုတိုးချဲ့ခဲ့သည်။
YOU ARE READING
ချစ်ခြင်းတည်စေ
RomanceSeme~အဂ္ဂခွန်းပိုင် Uke~ခန့်ညားလွန်းမောင် မိဘမဲ့တစ်ယောက်ဖြစ်တဲ့ ခန့်ညားလွန်းမောင်။အဒေါ်မိသားစုရဲ့နှိပ်စက်မှုဒဏ်ကိုအမြဲခံနေရပြီး မြေအိုးထမင်းဆိုင်လေးမှာအလုပ်လုပ်ရင်းဘုရားသမိုင်းတွေကိုရှင်းပြရတဲ့ကောင်လေးတစ်ယောက်။သူ့ဘ၀ရဲ့အမှောင်မိုက်ဆုံးအချိန်တွေမှာ ခရ...
Part~13
Start from the beginning