ظلت رفيده تنظر لها وقلبها يحترق من حديثها ثم مسحت الام على شعرها قائلا
مدام يسرى بتنهيده: مش معني انو حصل كدا يبق انتي اللى وحشه لا هو اللى عنده نقص واستغلك
رفيده: انا عارفه غسان كويس هو مستحيل يبق كدا
مدام يسرى: غسان غلط ومتحاوليش انك حتي تتعاطفي معاه يارفيده عيشى حياتك وروحي جامعتك
نظرت لها رفيده بحزن وظلت الام جالسه بجانبها
وفى الاسفل
تيسير: اي القرف ده ياداده ساميه العصير عامل كدا ليه هو انا ناقصه مراره ماكفايه اللى عايشه في
_اسفه يابنتي والله هعملك واحد تاني
تيسير: فى دقيقه الاقى واحد تاني يلا اتفضلى
صعدت الأمرأه ثم تفاجأت تيسير بدخول غسان
تيسير: انت شرفت، غزل مش عندنا يلا امشى
غسان: غزل ايه فين رفيده روحت الجامعه وعرفت انها مراحتش هي كويسه
تيسير بسخريه: ياحنين وقال بيطمن كمان خلاص شطبنا المسلسل خلص
غسان: مسلسل ايه
تيسير: المسلسل اللى كنت عامله على اختي وهي ياعيني عبيطه بقا وانت انسان بجح
ظل غسان ينظر لها بدهشه ولا يستطيع فهم اي شئ
ثم قالت تيسير بصوت مرتفع
تيسير: يلا حصلها بره عشان خلاص بقا قفلناهااا
غسان: طب اشوف رفيده
تيسير: اتفضل بدل ما اطلبلك الحرس يخرجوك
خرج غسان وهو شديد الحيره ولا يعلم ماذا حدث وصعد سيارته وقبل ان يذهب طرق هاتفه
غسان بتذمر: الو
تاليدا: اتصلت عليك امبارح كتير انت كنت فين
غسان: عايزه ايه
تاليدا: مهران خطف غزل
غسان بصدمه: ازاي
قالت له تاليدا كل ما حدث امس واغلق غسان هاتفه وظل يفكر كثيرا قائلا
غسان: انا مش فاهم ايه اللى حصل بجد مش عارف فى ايه الدنيا اتقلبت ليه كدا انا لازم اروح لحيدر وافهم
فى شركه الرفيعي
فى مكتب الرفيعي
حيدر: چوانا خدي كل الملفات دي ماشى وهاتي الملف بتاع ميتينج انهارده لازم اراجعه
چوانا: امرك يابشمهندش حيدر
خرجت جوانا وتفاجأت بدخول غسان واغلق باب المكتب قائلا
غسان بغضب: انا عايز افهم فى ايه
حيدر ببرود اعصاب: انت ازاي تدخل منغير اذني
غسان: فين غزل
نظر له حيدر بغضب وانقلب وجهه فجأةً وهو يقول
حيدر: المفرود انت تكون عارف اجابه السؤال ده كويس جدا مش انا
غسان: انا مش فاهم حاجه
حيدر: الحكايه اني اتغشيت فى صاحبي لا وكمان مراتي يعني ضاقت بيك الدنيا وروحت لمرات صاحبك اللى كان اسمه اخوك
غسان: انت بتقول ايه انا مستحيل اعمل كدا، ده انت اكتر من اخويا انت مصدق الكلام ده
حيدر: معاك رقم غزل ليه وكنت بتتصل عليها ليه
نظر لها غسان بصدمه واردف حيدر قائلا
حيدر: وليه تستناها امبارح بليل وترجع بحجه انها عند اهلها
غسان: حيدر انت مش فاهم حاجه
حيدر: اطلع بره انا مش عايز اشوف وشك ولا وشها حتى
غسان: اسمع بس هتندم على الكلام ده ياحيدر مهران خطف غزل
حيدر: واحده خاينه زي دي تستاهل، اطلع بره بدل ما نمسك فى بعض وانسى انت مين
لم يستطيع غسان ان يتحدث ولكنه فهم الامر وخرج سريعا من المكتب
فى المساء
فى منزل مهران
كان مهران يقف فى شرفه ڤيلته وهو يتحدث فى الهاتف
مهران: انا مش عارف اشكرك ازاي بجد منغيرك مكنتش هبق عارف اوصل لكل ده حقيقي انتي مفيش زيك
ضحكت چوانا ثم قالت له برقه
چوانا: انا جبتلك غزل مقابل تكون بعيد عن حيدر
مهران: شايفك مهتمه بأمر حيدر اوي
چوانا: حب سنين ومش قادره اطلعه من قلبي
مهران: ممم فهمت متقلقيش هو كدا كدا ضايع اصلا دلوقتي
تنهدت جوانا ثم جاء رجل من رجال مهران قائلا فى اذن مهران
_إياد تحت
مهران: هات الشنط واسبقني
امسك مهران الهاتف قائلا
مهران: نتكلم فى وقت تاني
اغلق مهران هاتفه ونزل سريعا وهو يجد إياد جالسا على الاريكه
مهران: هاا جاهز ياوحش
إياد بحماس: جاهز
مهران: افتح الشنطه دي
فتح إياد الحقيبه وهو ينظر بدهشه قائلا
إياد بصدمه: ايه المصيبه دي
#يتبع
#أسيره بين احضان متمرد
Menna Yasser
أنت تقرأ
"أسيره بين احضان مُتمرد" (مكتمله)
Romanceدمرته الحياه ولم تكتفى سُرقت الحياه قلبه واصبح مُتجمداً قاسياً مثل الذئب الجائع، لا يرى النساء ولا جمالهن ربما يقع فى حب فتاه لم تأتي من اجل الحب ربما يجمع بينهما ثفقات ونقود واملاك ولكن يوجد انتقام ايضاً كان سراً والنفوس الخبيثه التي تتحرك من خلف ا...
part 28
ابدأ من البداية
