နေရာနှစ်ခုရှိ မှတ်ဉာဏ်တွေကြောင့် ဂူမန်မန်၏ စိတ်ထဲ အတော်လေး ရှုပ်ထွေးနေသည်။
သူမ ခေါင်းကို ကိုင်ကာ ယမ်းခါနေမိသည်။ သူမ ကျယ်လောင်စွာ အော်ဟစ်လိုက်ချင်သော်လည်း သူမရဲ့ပါးစပ်ကနေ ဘာအသံမှ ထွက်မလာပေ။
စနိတ်ခ်က စိတ်ပူနေသလို တစ်ချိန်ထဲမှာပဲ သူ့နှလုံးသား နာကျင်နေရသည်။ သူက ဂူမန်မန်ကို တင်းကြပ်စွာ ဖက်ထားကာ ပြောလိုက်သည်
“ မန်(၂) မကြောက်နဲ့နော် အရာအားလုံး အဆင်ပြေသွားမှာ။ ကိုယ် ဒီမှာ ရှိတယ်လေ။ ကိုယ် မင်းကို ကာကွယ်မှာ။ သားရဲကမ္ဘာမှာ ဖြစ်ပျက်ခဲ့တာတွေ အားလုံးကို မေ့လိုက်ပြီး ဒီမှာပဲနေပါကွာ….ကိုယ်လည်း မင်းဘေးမှာ ရှိနေမှာလေနော်”
“ ဟင့်အင်း…..ဟင့်အင်း…..” ဂူမန်မန်က မျက်လုံးတွေနီရဲနေပြီး အံကြိတ်ကာ ပြောလိုက်သည်။
အဲလ်ဗစ်နဲ့လီရာက သွေးပင်လယ်ထဲမှာ ရှိနေတာကြောင့် သူတို့နှစ်ယောက်ကို ဒီအတိုင်း မထားလိုက်နိုင်ပေ။
အဲလ်ဗစ်နဲ့လီရာ သေနေသော သနားစရာမြင်ကွင်းကို မြင်ယောင်လာရင်း အဲလ်ဗစ်နဲ့ မိတ်ဖက်တဲ့ နေ့တုန်းက သူမ အဲလ်ဗစ်ကို ပေးခဲ့သောကတိကိုပါ ပြန်လည် ကြားယောင်လာသည်။
“ အဲလ်ဗစ် ကျမ ရှင့်ကိုချစ်တယ်။ ဒီနေ့ကစပြီးတော့ ရှင့်ကို ကျမရဲ့ကောင်းကင်လို၊ ခင်ပွန်းလို ဆက်ဆံမယ်။ ရှင် ကျမကို မစွန့်ပစ်ခင်အထိ ရှင်နဲ့အမြဲ အတူနေမယ်။ ရှင် အန္တရာယ်နဲ့ကြုံရင် ရှင့်အတွက် ကျမ ကိုယ့်ကိုယ်ကို စတေးမယ်…..”
သူမ ဘယ်လောက်ပဲ လိမ်ညာနေပါစေ ဒီလိုလိမ်ညာမှုမျိုးကိုတော့ ဘယ်တော့မှမလုပ်ဖူးဟု သူမ အဲလ်ဗစ်နဲ့လီရာကို ကတိပေးခဲ့သည်။
သူမ သူတို့ကို ဘယ်တော့မှ စွန့်ပစ်မှာမဟုတ်ဘူး…..ဘယ်တော့မှ မစွန့်ပစ်ဘူး
“ ကျမ ပြန်ချင်တယ်။ ကျမ သားရဲကမ္ဘာဆီကိုပဲ ပြန်ချင်တယ်” ဂူမန်မန် ကျယ်လောင်စွာ အော်ဟစ်လိုက်သည်။ သူမကိုယ်တိုင် အသိဝင်လာဖို့အတွက် လျှာကိုလည်း ကိုက်နေသည်။ စနိတ်ခ်နဲ့ပတ်သက်တဲ့ မှတ်ဉာဏ်တွေအကုန်လုံးက သူမကိုယ်တိုင်ကြုံတွေ့ခဲ့ရတာမျိုး မဟုတ်ပဲ သားရဲကမ္ဘာမှာ သားရဲနတ်ဘုရားနဲ့အတူတူ ကြည့်ခဲ့သော ဇာတ်လမ်းတွဲတစ်ခုသာ ဖြစ်သည်။
အခန်း (1565 - 1566)
Começar do início
