In a Heartbeat (Complete)

Chapter 27

@alyshalopez.mp4: Spain Dump!

Ni-like ko ang post at nag-comment dahil papansin nga ako.

@eula.chelle: so cute *block with tears in my eyes* jk. love u both. pasalubong ko ah. kapag wala kayong pasalubong magkalimutan na lang tayong tatlo

"Pupunta ka sa art gallery mo?"

Nabitawan ko ang phone ko dahil biglang sumulpot si Josh sa tabi ko.

"Ano ba! Huwag mo nga akong ginugulat!" reklamo ko at hinampas siya sa balikat niya bago ko tiningnan kung may basag ba ang screen ng cellphone ko. "Oo, pupunta ako pagkatapos ko rito. Bakit? Gusto mo na naman bang sumama, ha?"

"Oo." He laughed. "Dala mo kotse mo?" Tumango ako. "Wait, order lang ako."

Pinanood ko kung paano siya pumunta sa counter at tawagin si Summer.

"Ano ba, Josh?! Maghintay ka nga!" sigaw ni Summer.

"Nasaan ba kasi si Vince? Dapat tinutulungan ka niya rito ah." He sighed. "Bakit ba kasi ayaw mo pang kumuha ng mga tao rito?"

"Josh, ano bang pakialam mo?"

"Nagtatanong lang ako! Eula oh!" At nagsumbong pa nga sa 'kin.

Umiling na lang ako at hindi na sila pinansin pa. Pagkarating ng order ko ay pinigilan ako ni Josh na kainin 'yung lemon cake dahil gusto niyang hintayin ko rin ang in-order niya para sabay raw kaming kumain.

"Kailan daw uwi nina Raven?" tanong niya sa 'kin.

Natawa ako. Wala na yatang balak umuwi ang love birds na 'yon. "Hindi ko alam. Mamaya itatanong ko."

"Sige. Tapos salubungin natin sa airport."

Tumango na lang ako. "Ang tagal naman ng order mo! Gusto ko nang tikman 'tong frappuccino ko!"

"Sisihin mo si Summer!"

"Hoy ano 'yan? Bakit narinig ko ang pangalan ko?" singit ni Summer at inilapag ang order ni Josh.

Nagulat ako nang makitang ginaya niya ang order ko. Wala siyang originality! Gaya-gaya!

"Wala. Tagal mo raw sabi ni Eula," sagot ni Josh.

"Wala akong sinasabi ah!" pagdepensa ko sa sarili ko.

May gusto pa sanang sabihin si Summer kaya lang may mga dumating nang bagong customer kaya kailangan na niyang bumalik sa counter.

Nang matapos kaming kumain ay nagpaalam muna kami kay Summer bago umalis. Pagkatapos, pumunta na kami ni Josh sa Heaven's Secrets, pangalan ng art gallery ko.

"Good morning, ma'am!" bati sa 'kin ng mga staff na nakakasalubong ko.

Pagkapasok ko sa office ko ay nagulat ako dahil naroon na si Papa. "Akala ko may meeting ka, Pa?"

"Maagang natapos kaya dumeretso kaagad ako rito," sagot ni Papa bago tumayo at ituro ang isang box na naglalaman ng mga donut.

Napabuntong hininga ako dahil sa inis ko sa sarili ko. Kung alam ko lang na bibilhan ako ni Papa ng donuts ay hindi na sana ako dumaan sa café ni Summer!

Pero ayos lang. Gusto ko rin naman makita si Summer. Last week ko pa siya huling nakita e'.

Kahit na! Ano ba naman 'to?! Nakalimutan ko na bang nag-iipon ako dahil may gusto akong bilhin na property?!

"Oh, Josh. Kasama ka pala ni Eula," tawag ni Papa sa lalaking nasa likod ko.

"Hi, Tito! Good afternoon po!" masiglang bati niya. "Opo, sumama ako."