ماريد اطلع اريد ابقه بالحمام بلكت اموت بقيت ربع ساعه سمعت صوت ابوي ركع الباب وعاط
صفاء : يله سدي المااااي راح يخلص شهلتبذيرررر
سديت المي بسرعه كمت لبست وطلعت سمعت ابوي يحجي يم الباب
وكفت باب الصاله سمعت صوت مهاب رجعت لورا گلبي يرجف
صفاء : تفضل تفضل مايصير هيج واكف ع الباب
مهاب : اريد امشي الوالده وحدها غير مره
صفاء :- هلا بيك بكل وقت هلا هلا
دخل ابوي بيده دولار وعلاليك يشم بيها ويضحك اول مره اشوف اسنونه المكسره يبوس بيها ويصيح : اويليييي
خزرته بعيني اجه عليه يتمايل ويغني اتلمس شعري المنكع خلاه ورا اذني كرص خدي
صفاء : عفيه ببنيتي الشطورة خلتهم يمشون على كيفها تربايتييي تربايتيي يوميه جيبيلي دولار فديته هذا الوجه
دخل للغرفه فتح العلاليك انواع الاكل والفواكه
انتجيت ع الباب شابكه ايدي صافنه عليه
شكد خنيث شلون يضحك ياريت عندي اب مثل ابو البنات حنون يجيبلهن اليريدنه يغار عليهن
رحت للمطبخ كعدت ع الكرسي دنكت راسي ماردت ابجي بس ماتحملت بجيت دخلت وردة بسرعه مسحت دموعي
اجت حضنتني خلت راسها ع رجليه كالت
وردة : هذا رجال العنده سياره سوده يريد يتزوجج
ترف : هزيت راسي لا ارجف رفعت راسها بيدي .. منو كالج هذا الحجي
ورده : بابا كال مبين ناوي يخطب ترف يغريني حتى انطي
ترف : لا لا مستحيل اتزوجه مستحيل اموت والله لا تخليهم ينطوني الله يخليج ساعديني لا تعوفيني وحدي ماريده ماريده
نزلت بالكاع ارجف حسيت نفسي تخبلت فركت وجهي حيل انفاسي عاليه حضنتني ورده باست خدي
ورده :- ماخليج ترحين احبج ماخلي ياخذج مني
ترف : اي اي ماروح اكيد يتشاقه ماينطيني اله مايخطبني ولا يريدني يشاقه روحي اكلي روحي
وردة : ماريد
ترف : ليش
وردة : اكل وياج ماحب اكل ويا بابا ياكل حيل وبسرعه
ترف : وردة
وردة : ها
فركت وجهي رفعت شعري .. وردة
وردة : ها
حضنتها وبجيت ردت اسولفلها اليصير وياي بس شتفهم بعدها طفله حضنتها بقوه
اتمنى عندي سند عندي اخت اكبر مني احس امي ماكدر احجيلها شكللها رحت ويا للغرفه اغتصبني شكول ماكدر احجي هلكلام كدامها بس الاخت غير
أنت تقرأ
القسوه تشع من عيناه
Romance(ب اللهجه العراقيه)-- "لقد رأيت الناس بوضوح من خلال أعينهم...العين دائماً مرآه لا تكذب.. فهناك من تشع عيناه رفق ولين وهناك من تشع عيناه حماس وطموح وهناك من تري الذكاء في عيناه حاد كالصقور وهناك أعين خبيثه..لا تستطيع اخفاء حقدها وعدائها مهما تفننت في...
