السحر الاسود بلحم الخنزير

حلقه 8 جز ثاني

باوعلي علي، التفت شبيج

بتول: مابيه شي بس تعبت من مجتبى يمكن لن شايلته،

علي: ليش كاعدة يم الباب فوتي جوة

بتول: علي الباب مقفول ، محد يشوفني خلني شوي كاعده هسه اكوم

علي: اتصل على ريماس تجي وياج اتساعدج خاف تحتاجين شي

بتول: من كل كلبي صحت لاااااا اني هسه اكوم وكلشي مابيه، لا تجي

علي: جا انه اعوفج واروح اجيب مسواك الج

بتول :براحتك علي،

علي: هسه كومييي انتي شوفي البيت شمحتاج مامحتاج

بتول: علي والله لو مغير النه غير هاذه البيت

علي: شوفي بتول شكالولج عليه مليادير اغير ابيوت،  البيت شبي كلشي مابي، انتي كمتي تخيلين والله العظيم

بتول: علي لنفترض اني كمت اتخيل واني من يمي اشوف هالشغلات ، انت احلف ماشفت شي بهاذه البيت ، احلف

علي: عوفينه من هالحجي المابي غير بس مذمه ، طالع اجيب مسواك، شوفي شمحتاجه اتصلي ييه،

بتول: تمام، طلع علي، باوعت الباب الصاله كلبي يرجف مكدرت حت اروح افتح باب الصاله، اتقربت يم الباب وفتحته، دخلت الغرفتي، وطلعت شفت الغرفه الثانيه، حسيت خيال وراي بسرعه التفتت ماكو شي، طلعت امشي سريع من باب الصاله، وكفت يم الباب الخارجي، بيني وبين كلبي كلت على اقل حركه افتح الباب واشرد ، هالمرة ماعندي صبر، باوعت المجتبى شفته بلحديقه كاعد، هوه حت مايزحف شنو الي اخذه بلحديقه، بس يكعد ، صحت مجتبى ماما، التفت اليه، كتله تعال فتحت ايديني وصرت اشر اله يجيني، عبالي يزحف بس مازحف ابدا، رحت اله وشلته، اذن الاذان المغرب، و علي ماكو، اخاف كلش الحالي ، استغفرت ربي شكثر ، واستقويت ب ايات قرانية، رجعت دخلت الصاله وفتحت كنتوري رتبت غراضي، ولملمت البيت ابدا مااسمع حركه ولا شفت شي مجتبى اخذته للغرفه الثانيه ينام بيها وكعدت ارتب بغرفتي، بعدين سمعت مجتبى يضحك، استغربت، طلعت من غرفتي رحت للغرفه الثانيه لكيته كاعد ويناغي ويضحك، هوه نوعه نحس كلش قليل يضحك، استعجبت منه، يباوع للحايط ويضحك ويردد بابا بابا، مرات اتصير بي هاي الحالة امي اتكول يلاعبه الغزيل، بس من ينام هالمرة وهوه كاعد من النوم، ضحكت وكعدت هم الاعب بي عبالي الغزيل اليجي الاطفال، اخذته غيرت حفوظته، وانطيته ممه كمت ارتب بلمطبخ، واسمع صوت مجتبى يضحك عالي، بيني وبين كلبي حجيت ابني شبي اتخبل وضحكت ،

فاطمه: دزينه على لفات اتغدينه، ورحت نمت بغرفتي، ورا شوي، سمعت عمتي اتهلهل بلبيت، فتحت الباب وطلعت

لكيت ريم واكرم وابنهم وياهم للامانه فرحت كلش وماصدكت كلت واخيرآ راح نلتم ونرجع مثل قبل نضيفين واكلوبنه نظيفه سلمت عليها