ياسمح المحيا جر الهجنية

الجزء الواحد والسبعين

،،بالسيارة،،
غازي يسوق ساكت
عذاري صادة بوجهها ومتكية بكوعها عالباب ويطرق فكها على يدها تطالع الطريق وهي للحين متضايقة اتسعت عيونها وهي تذكر البوكس اللي حطته وهدوء غازي الغريب شدت قبضتها وبلعت ريقها بتوتر وهي ترجع ظهرها عالكرسي
غازي ميل فمه وهو انتبه لها
عذاري:وش سويت مع صديق فيصل
غازي:تنازلت عنه
عذاري:اها الله يكتب اجرك
غازي:جيبي شماغي من ورا
عذاري عقدت حواجبها وبنفسها:معقولة ماانتبه!!،،لفت وهي ترفع شماغه وجكيته مرة وحدة حتى تشوف البوكس كشرت بوجهها وهي تطالعه مكانه سحبت الشماغ ومدتها له:تفضل
غازي:ايه صح حصلت بوكس شكله لك ناسيته بالسيارة خذيه لاتخلين شي بسيارتي
عذاري:لك هالبوكس
غازي ابتسم:وش مفاجاة يعني!!جيبيه خليني افتحه
عذاري:لا افتحه لوحدك
غازي:لا معك جيبيه بس
عذاري:حبيبي احسن لوحدك وتنبسط فيها لوحدك
غازي وقف على جنب:هاه ووقفنا عشان ننبسط صح،،مد يده لورا البوكس،،
عذاري بلعت ريقها بتوتر
غازي فتحه رفع عينه لها وبهدوء:وش ذا!!!
عذاري:ذا اللي هو ذا؟
غازي:ايه لمين؟لك
عذاري اتسعت عيونها:وليش عندك اذا مو لي!!!
غازي طالعه شوي وقفل البوكس وهو يحطه بدرج الباب من جهته وحرك
عذاري تطالعه:ايوه وبعدين؟
غازي:وش تبيني اسوي!!
عذاري:نعم!!
غازي:وحملتي مو هذا اللي تبينه!!
عذاري بصدمة:كذا عادي!!
غازي:يعني اعصب واهاوشك واصرخ وابكيك!!مو زين لك يكفي حالتك يوم تطلعين من بيت اهلك ماابي البدر يجي منفس
عذاري ابتسمت بوناسة:يعني فرحان؟
غازي:اكذب اذا قلت مازعلت وانقهرت منك انك مشيتي اللي برأسك بس صار وانتهى وهذا رزق وش بيدي اسوي وحسابي معك لاخلصتي على خير
عذاري كشرت:وش ذا!!بتعيشني برعب طول حملي!!
غازي:كيفي والله
عذاري تكتفت بزعل:حتى مبروك ماقلتها!!
غازي:مبروك مبروك ياعذاري
عذاري:وش هالفرحة الميتة!!
غازي:للحين ماحسيت بالفرحة خلي كسرتك لكلامي تطيح من راسي بعدها ابارك لك زين
.
.........****..........
الليل
.........****..........
أم جـلاجـل
.
..بيت طلق..
شامة بعبايتها بتخرج
طلق جالس بالحوش اخذ نفس يطرد فيه تردده المستمر لايام وهو يطالعها بتخرج:شامة
شامة التفتت له:سم
طلق:ادني يمي
شامة رجعت له ووقفت عنده:امرني عسى ماشر
طلق:افصخي عباتش اريدش بعلم
شامة جلست قباله وباستغراب وهي تطرد قلقها:ابشر هذاني قعدت امر
طلق:مايامر عليش عدوش الصحيح ودي اعلمش بعلمن ولااريده يغدي يم احدن ابد
شامة:اجز لساني جز كودني اوجسه يم احد!!
طلق:تخبرين العلم اللي غدا ببخوت
شامة تغير وجهها:وشو داعيه هالوجس!!
طلق:علميني
شامة:ايه اخبر وشلون مااخبر وهي غدت صرايم بنا من وراها
طلق:شامة تصدقيني؟
شامة بقلق وهي تطالعه:ايه اصدقك
طلق:كودني اوجست علمت شين يم اهلش تصدقيني؟
شامة سكتت
طلق:اجل اوحيه وانتي رايش معش العلم اللي غدا ببخوت واوجسته عباير وكل ابوهم قاموا عليها صحيح
شامة انخطف وجهها وانمغصت وهي تسمعه
طلق:انا اوجست اكذاب وفزعت يم غيث وهليّل حميتن بهم وهم اخوياي وراعين الاولة والتالية مير الظليمة شينة وتعود يم راعيها وانا اذل لاتعود يمش ويم وغيدنا اللي بعده مالفى
شامة برجفة صوتها:مير هليل هاك اليوم معك
طلق:أكذاب مالفى غير حزة الغدا وهو متروع ولانشدته علامه
شامة:هليل مايعمل هاللون!!هليل يذل من ظله
طلق:هليل راسه برأس غيث ياشامة
شامة وقفت وبدموعها:لا هليل مايعمل هالعلوم ابدن ياطلق
طلق:مير اني اوجسته يمش بالاول حتى تعلمين اللي ناوين اعمله
شامة اتسعت عيونه بخوف:وش تعمل ياطلق؟
طلق:الحق لزومن يظهر وانا ظلمت وحقن علي ارد الظليمة عن راعيها
شامة مسكت يده وبرجى وسط دموعها:تكفى تكفى ياطلق تكفى
طلق ضغط على يدها:تريدين نعدي بدنيانا وحنا مغضوبن علينا ياشامة
شامة سكتت بفجعة وهي تسمع كلمة مغضوب عليهم من رب العالمين بلعت ريقها:اجل اصبر كوده هو يوجسه بروحه اصبر تكفى
طلق:مااوجسه سنين يوجسه ذالحين ياشامة!!
شامة:اصبر اريد اوجس يمه بلكن يعود
طلق:لا!!
شامة بترجي:تكفى ياطلق تكفى لاتعمل هاللون بخيي تكفى طلبتك
طلق زفر:اجل مايعمل العلم ابدن ياشامة وكود علم تحرمين علي ياشامة
شامة اتسعت عيونها من كلامه
طلق مد يده لها:هاه صملتي؟
شامة رفعت يديها لوجهها تغطيه تخفي دموعها اللي هلت بغزارة
طلق تنهد وهو ينزل يده:السموحة ياشامة السموحة مير هاللي اوجسته يمش مااريد احدن يعلمه وعلمتش لأجل انش قطيعة مني
شامة بكت بصوت وهي تحاول تكتمه
طلق مسك يديها ونزلها عن وجهها بضيقة:انا يمش وانتي يمي تعينيني وأعاونش والله يعينا على صرايم الأيـام اللي غاديتن يمّنا
شامة انفجرت تبكي بصوت:اويل حالي عليش يايمه اويل خالي عليك يابيي(ابوي)
طلق قام من مكانه وجلس جنبها وهو ياخذها لحضنه ويمسح على كتفها
.
..قرية عيال عبري..
سويلم بعد مالف الديرة للمرة الخامسة وهو يحرص عالشباب اللي مناوبتهم الليلة يفتحون عيونهم زين وقف بمجلس الديرة وهو يطالع ضبعان
ضبعان اللي طفى النار ويرتب دلاله وأغراض المشب بمكانها:علامك ياسويلم
سويلم ابتسم:مابي شي ياعم
ضبعان طالعه:تحسبني ماني بفاطن لك!!علامك أوجس ماوراك
سويلم تنهد:ياعم أرعيت شين وكذبت روحي مير توكدت ان اللي ارعيته صحيح
ضبعان عقد حواجبه:ووش هاللي ارعيته وهول بك ياسويلم!!
سويلم تلفت حوله
ضبعان:علامك يارجل!!
سويلم تقدم بخطواته وهو ينحني جنبه شبه جالس وهمس باذنه:*****
ضبعان اتسعت عيونه ودف سويلم وبحدة:انخز ياابليس!!وش هالطواري ياسويلم!!عز الله الصخنة(صخونة)عثت بك!!
سويلم بحدة:لا بالله ياعم اني اوجس الصحيح
ضبعان:مير عادل
سويلم قاطعه:عادل اوجس اكذاب وانت صدقته!!نسيت من هو عادل!!عادل ولد عم فاهد مايبعد عنه ابد
.
.........****..........
..شقة مفروشة..
،،غرفة البنات،،
عباير جالسة عالسرير وهي تبوس حلايا اللي بحضنها
حلايا تدفها:حلاص يسد حلاااص
عباير:ماشبعت منش كم لي ماارعيتش ولاسلمت عليش كبيني
حلايا:ماماااا
بخوت عالسرير اللي جنبها بابتسامة:خلاص ياعباير ذبحتيها
عباير تركتها:اغدي يم سعود العبي معه وكاد انه متملل
حلايا نطت من السرير وجرت برا الغرفة
بخوت:هاه وش تريدين؟
عباير ابتسمت:فطينة
بخوت بابتسامة:اجل!!
عباير تنهدت:سعود يابخوت
بخوت كشرت:علامه؟
عباير:وجدي
بخوت:علامهم؟
عباير:سعود ماله بد وتراش متجنية عليه
بخوت زفرت
عباير:وجدي خابرن خطاه مير لاتعملين هاللون بهم وتعلينهم وانا اختش
بخوت بقهر:وقليبي اللي انعل ياعباير وقليبي وش اعمل هاه وش
عباير:اهلش وش تعملين بهم هاه!!علميني!!
.
..بيت مسفر..
جواد عالباب وبنرفزة:سرعة بسرعة ولا امشي واتركك
شذى تجري لابسة عبايتها وطرحتها على أكتافها وهي تسحب شنطتها الصغيرة وراها وبيدها الثانية شايلة كيس:جاية جاية ياربي منك وش فيك مررررة بدررري بكرة زواجك ترا!!،،مرت من جنبه،،
جواد مسكها وبوسع عيونه:هي هي تغطي وش فيك مضيعة!!
شذى وهي تمد الاغراض اللي بيدها له:غصب منك اللي يشوفك يقول بيروح حجز الجناح ولا القاعة علينا من إزعاجك!!
جواد وهو ياخذ منها الاغراض:خلاص خليك وشرفي احد يجيبك بكرة،،مشى،،
شذى:يارب زوجه وفكنا منه اعوذ بالله
.
..بيت عادل..
،،بالصالة،،
رهايف نزلت الدرج ووقفت قبالهم بشي بسيط
كل اخوانها سكتوا وهم يطالعونها
رهايف وقفت وهي مقطبة جبينها:بسم الله وش فيكم!!
امجاد خارجة من المطبخ بيدها فشار وثلاجة شاهي جلست عندهم:لااله الا الله وش فيكم هديتوا فجأة صادقة تخوفون ترا!!
فيصل مقطب جبينه:غريبة يديك كأنها خريطة جغرافيا!!
رهايف:امك حلفت لو علي ماحطيته
جسّار اللي يفصفص:يه يه يه ماعرفناك يالحنا!!!
بتال صرخ:ياااااووووك ياااااااوووووك
امجاد قفلت اذنها
رهايف تكتفت وهي مميلة فمها
غازي ضرب بتال على قفاه:أذني ابيها والله!!!
بتال غنى وهو يوقف:سقم حالي ياجسار من منقشة اليدين
جسّار فز واقف بسرعة
رهايف ابتسمت وهي تتنحنح وترجع شعرها بغرور لورا بدون ماتلمسه
بتال وهو يلعب بالكلمات على كيفه ويمشي لها:جاتني بالروز(قميص)تمشي على طرف الدرج
رهايف ضحكت::كيف امشي على طرف الدرج بالله!!!
جسّار يرقص وهو يمشي لها ومسك يدها وهو مستمر يرقص
رهايف تطالعه بابتسامة:وبعدين
بتال يغني وهو واقف جنبها:ووقفت جنبي من الضحك خاطرها وسيع قالت عـيـونـي يابتال ذابحها الطفش
رهايف ضحكت:كيف عرفت!!
بتال وجسّار دفوها لقدام مع بعض
رهايف تقدمت من دفتهم بصدمة:بسم الله!!
بتال وهو يطالع امه صرخ:ووواااووووههه ياجسار وااااووووهه
جسّار صفر وبابتسامة:هلا هلا بمنقشة اليدين ياهلا
ام غازي بضحكة:ماتعقلون انتم
رهايف كشرت:مالت عليكم والله مالت،،جلست جنب امجاد،،صبي لي قهوة
بتال وجسّار يغنون لانهم ويرقصون معها وفصولها ترقص معهم على نفس الاغنية
غازي بضحكة وعينه :يعني انتي للحين ماتعلمتي من اللي صار لك قبل!!
.
..شقة..
عباير نزلت القهوة بالصالة واتجهت لغرفتهم ونادت بخوت ثم اتجهت لغرفة جدها وسعود ونادتهم رجعت للصالة وهي تجلس جنب حلايا اللي تطالع التلفزيون:حلايا حلوتي
حلايا جالسة عالكنبة طالعتها:هاه
عباير:اغدي يم بخوت واغصبيها تلفي
حلايا نطت من الكنبة وهي تصرخ:ماما
سعود دخل وهو يبعد عن طريقها بابتسامة
الجد بادي دخل
حلايا رجعت وهي تسحب بخوت معها
بخوت بابتسامة:طيب طيب علامش علي هذاني غاديتن معش،،اختفت ابتسامتها وهي تطالعهم جالسين،،
عباير:حياش حياش مابه غرب حياش
بخوت دخلت وهي تجلس جنب عباير
عباير تطالعهم وهم يتقهوون ساكتين محد تكلم وبادر تنهدت:عوذا من ذا النفوس!!
الجد بادي اتسعت عيونه:عباير!!
عباير بتكشيرة:اَي بالله مخنفرين على بعضكم والوغد اللي مغتاظين عليه مبسوط ماخبر لكم طاري!!!
بخوت طالعت حلايا اللي ترقص على أغنية شغالة بالتلفزيون
سعود:الرأي رايها مااريد اوجس علم وهي ماتريده
عباير طالعت جدها وهي تنتظر جوابه
الجد بادي تقهوى ولارد
عباير بغبنة:عاد أعلمكم العلم الصحيح،،طالعوها،،خنفروا على بعضكم لامن تطقون ماعلي منكم،،وقفت واتجهت لحلايا وهي ترقص معها،،
بخوت طالعتهم وتنهدت اخذت صحن التمر وهي تمده لهم:التمر بلكن يغدي مرار قهوة عباير
عباير اللي ترقص سمعتها واتسعت عيونها والتفتت وهي تطالعها:لاتطشين يم قهوتي خنفرتكم!!قهوتي تطرح الطير من زينها!!
.
..بيت عادل..
،،غرفة رهايف وامجاد،،
رهايف جالسة ع كرسي التسريحة لافة شعرها بمنشفة وهي مزيتته وعلى وجهها ماسك وتحط كريم وهي تتحلطم من ذا الزواج اللي ورطها بشي هي بعيدة عنه تماما
فيصل فتح الباب بقوة
رهايف فزت
فيصل انفجع:بسم الله
رهايف بنرفزة:والله مدري من اللي يسمي على نفسه!!
فيصل مسك يدها:بسرعة لايفوتك اللي يصير بسرعة بسرعة،،جرى وهو يسحبها وراه،،
رهايف وهي تجري معه:لحظة لحظة بشويش علي فيصللللل
فيصل دخل فيها للصالة
رهايف انصدمت وهي تسمع أغنية توديع العزوبية اللي غطت المكان رفعت راسها وطالعت السقف اللي تغطى بالبالونات السودا والذهبي نزلت نظرها وهي تطالع السفرة اللي عالارض ومغرقة شموع لدرجة مافيه مكان يحطون اكوابهم غرقت عيونها دموع وضحكت وهي تحط يدها على وجهها تثبت الماسك لايطيح وغصب تضحك من السفرة اللي عليها صحن متوسط حجمه ومكدس شورما اللي بوسطه شمعة أطفال صغيرة وحدة بيضا ومخططة بالأصفر وجنب هالصحن كرتون كيك نحول ومطعون بشمعة صغيرة بيضاء مخططة بالأحمر وحبات علب العصير اللي بعددهم بزاوية السفرة وبالقوة لها مكان من كثر الشموع رفعت عينها لأمجاد
امجاد رفعت يديها وهي ترفع صوتها:والله مالي شغل مو انا اللي رتبت هالملحجة!!
بتال دفها بزعل
امجاد:هو اللي تكفل بالتنسيق
ام غازي مسكت يدها وهي ترقص معها وتزغرط
جسّار تحمس وهو يمسك ابوه:يبه يالله يالله
ابو غازي احتدت نظرته وهو يطالعه
جسّار بلع ريقه واهجد
امجاد مسكت ابوها وسحبته:يبه يالله يالله
ابو غازي مسك يد رهايف باحراج
العيال صفروا وصفقوا مبسوطين
الجدة منيرة جالسة عالكنبة تزغرط لهم
امجاد مشت لجدتها وقومتها ترقص
غازي سحب عذبة اللي تصفق بابتسامة وهو يرقص معها
جسّار وبتّال نشبوا لجدهم نشمي اللي جالس يصفق وبالقوة قام واكتفى يلوح بعكازه
،،بعد ماانتهت الاغنية،،
رهايف نزلت الماسك وغسلت وجهها ورجعت لهم وجلست عالسفرة معهم وبسخرية:الله عالتنسيق الله اموت انا اموت من هو المبدع اللي نسق تكفون غلطة عمري ماخليته ينسق لي القاعة اذا يمدي بألحق عليه أعطوني رقمه هالابداع لازم يتوثق بمحافل عالمية
بتال بزعل:الحق علي افكر فيك ماانتي بوجه حفلات
ابو غازي:بتال!!
فيصل خرج من المطبخ ووقف عندهم وهو ينزل الكيكة الفعلية للحفلة بثيم زواج لطيف يحتوي على اسمها وحطها قدام رهايف
رهايف غرقت عيونها دموع وهي تحس فعلا انها بتتزوج خلاص وتتركهم
بتال وجسّار مع بعض بوناسة:صاااحت صاااحت صاححت
ابو غازي:وبعدين!!
رهايف كشرت وهي تبلع غصتها:وجع مو انا اللي اصيح!!
ام غازي ضربتها ع كتفها:وش فيك انتي والوجع تحبينه!!
رهايف مسحت على مكان الضربة:اااه يمه!!
فيصل:قطعي الكيكة بسرعة ابي أذوقها متحمس بسرعة
بتال:انا ماابي كيك ابي شورما وبس،،مد يده،،
رهايف سحبت الصحن بسرعة وحطته بحضنها:لا ياحبيبي الشورما لي
جسّار؛وانا ابي رهوفتي الجميلة
رهايف:الحين رهوفتي الجميلة مافيه!!
بتال:ليش!!!
رهايف:كيفي كيكتي الأصلية
جسّار:رهايف عاد مشتريها مافيني اروح للمطعم
رهايف بعناد:مشكلتك
بتال بنرفزة:يالحسود اربع سندويشات ماتضر
رهايف:حاسب العدد على اساس بأعطيك يعني!!
بتال:على اساس بتسخنين منها شي بكرة يعني!!ترا بكرة زواجك مايمديك تاكلينها
رهايف:كيفي والله بأكلها بكرة عندك اعتراض
بتال:حسودن حقودن ذا قليبن اسودي
رهايف:طالعة عليك
امجاد:رهايف ترا اللي حاطته بشعرك مرررة غلط وبكرة زواجك
رهايف اتسعت عيونها:نعمممم!!
بتال بضحكة:على ابو انك سنعة
جسّار ضحك:مفارقتها السناعة
فيصل بقلة صبر:اقطعي الكيكة ولا باقطعها انا!!
ابو غازي:بس بس بس ازعجتونا!!
ام غازي مسكت راسها:ياويلي يالصداع ياويلي!!
.
..الشقة..
،،غرفة البنات،،
عباير متربعة عالارض جنب السرير من جهة الرجلين وقبالها شنطتها تجهز أغراضها قبل تنام خرجت جلابيتها والمكوى الحديد المتوسط حجمه
بخوت متمددة عالسرير تلعب بشعر حلايا اللي نايمة جنبها عقدت حواجبها وهي تطالعها وجلست:لصبري اصبري اصبري
عباير اللي معطيتها ظهرها التفت لها وباستغراب:علامش!!
بخوت:ابدن طال عمرش!!
عباير:لاتراعيني ترا ماجبت بش شين معي
بخوت:انتي صادقة!!توجسينه من جدش!!
عباير زفرت وهي تلف بجسمها كلها وهي متربعة:خير علامش مخنفرة علميني!!
بخوت:بتغدين يم العرش بهالجلابية المشهبة(قلبٍ لونها)!!
عباير كشرت:الله اكبر ذالحين غدت مشهبة!!نسيتي التنورة السودا هي اللي مشهبة صحيح
بخوت كشرت؛مااوجست هاللون مير انتي على طريف!!
عباير:اوحيش اوجسي ماتريدين
بخوت:غديت يم السوق وشريت لش معي فستان
عباير قطبت جبينها باستغراب:كثرش خيرش مير وش العلم اللي وراش
بخوت:هو مابه خلاف
عباير:ايييهههه!!!
بخوت:مير لونه على صفار
عباير اللي ماتحب الأصفر اتسعت عيونها:انا العنز لاشفتها اتخطم عن الغنم(اقرب للون البني)اوجست يم جدي يابيعها يايغدي بها يم البيت ذبيحة وانتي توجسين لافيتن يمي بثوبه مصفر!!
بخوت:اعوذ بالله منش!!انا اوجست على صفار ماهو بمصفر!!
عباير لفت لشنطتها تخرج اكسسواراتها:عاد مااريده
بخوت:كبي عنش العلم والله جسار حلف علي غير اخذه لش
عباير اتسعت عيونها وهي تلتفت لها بابتسامة:ذالحين غدا به جسّار!!
بخوت تغير وجهها بخجل وهي تتمدد وتتغطى:عاد بكرة يلفي بهن جسار كلهن انا وانتي وحلايا مير ماانتي بمعية خلي عنش
عباير باستقعاد:بخوت توش خبرتيه مسرع غدت علومه تسري عليش!!
بخوت رفعت اللحاف وهي تسحب مخدتها وحذفت عباير بالمخدة وبخجل:انكعمي!!
عباير ضحكت
بخوت انجلطت بيسمعونها ويجي ياجدها او سعود ويسأل وهي تنفضح وبترجي:عباير تكفين اوص لا اتضحكين
عباير ابتسمت:وثمن؟
بخوت كشرت
عباير بتهديد:اتضحك؟
بخوت:ايه غدا علمّه يسري علي تريحتي،،تمددت وتغطت وهي بتموت من إحراجها،،
عباير ضحكت
بخوت اتسعت عيونها وصرخت وهي تجلس:عباير!!!
عباير كتمت ضحكتها:لش الله ياعباير لش الله متى يلفي شوقش متى ابطى علي
بخوت اتسعت عيونها من جرأتها بنظرها:عليم الله مابش حيا!!
عباير:كود اوجس الصحيح ماعليه!!،،وبعباطة على بخوت،،يالله إتعجل بشوق عباير مثل عجلت شوق بخوت يمّها وعلومه اللي سرت عليها بهاللون!!
بخوت وقفت عالسرير وهي معصبة من استقعاد عباير
عباير وقفت وهي تفتح الباب اللي قريب منها وبتهديد وابتسامة:اغدي يم جدي هاه؟اغدي؟!!
بخوت جلست وهي مكشرة:حسيبش الله يالمقوية
عباير ضحكت:والله ليت المقوين مثلي كان العلوم زينة
سعود وقف عالباب وهو يطالعهم:علامكن؟!
عباير طالعت سعود:ايه ياسعود ايه وش اوجس يمك
بخوت باحراج:عباير!!
عباير طالعت بخوت:علامش!!،،طالعت سعود،،اريد ارقد وهي مقلقها رجلها،،ضحكت،،
بخوت انجلطت
سعود ابتسم وهو يطالع وجه بخوت ثم مسك عباير من اذنها
عباير:ااه اااه وش عملت علامك علي
سعود سحبها وراه:اغدي يم جدي همزيه انعلت يديني(تعب)
عباير:طيب طيب مير كب أذني لاتمصعها وراي عرسن لحضر
.
..بيت فاهد..
نشمي يقلب بالأوراق بضيقة
فاهد يشرب قهوته وهو مرتاح بجلسته ومروق ويطالعه بابتسامة:تريحت من عنا الشغل مدة
نشمي طالعه بتكشيرة:علامك ماتممت أوراق العمال
فاهد:يوسف عيّا
نشمي عقد حواجبه:ليش!!
فاهد:يوجس يريد يحط شباب البلد
نشمي ضحك:انخبلت!!انت عارف وش انهي شغلتنا!!
فاهد:الشغل مابه عيب
يوسف وقف ع مدخل صالتهم وهو متشخص ثوب وغترة وكبك اسود وساعة سودا وقلم اسود وجزمة سودا:هاه وذالحين؟،،مشى رايح جاي،،هاه وش ازين؟
نشمي زفر:ترا كل ابوه نفسه ثوب وغترة ولا شماغ علامك مبلشنا كل شوي غادي تنشد
يوسف اتسعت عيونه وهو يأشر على ساعته وجزمته:غيرتها خال علامك ماتفطنت!!،،مشى له وهو يمد يده بوجه نشمي،،
نشمي رجع راْسه لورا وهو يميل فمه
فاهد ابتسم
يوسف:ارعيت الساعة غير وش ازين علمني
نشمي دف يد يوسف عن وجهه:كب عنك هالعرس اللي مشغل روحك به تقل اخوك ولا ابوك
يوسف ابتسم بفرحة:جواد اوجسه يمي
نشمي قطب جبينه:متى هالعلم!!
يوسف: انت اخوي لازم تحضر هو اوجسه مااوجست شين يمه ابدن
نشمي يطالعه بتكذيب
يوسف:والله مااوجست يمه شي
فاهد:راحمك هالولد كابك تعمل ماتريد
نشمي زفر وهو يطالع يوسف:ذالحين علامك معيي عن العمال!!
يوسف وهو يفك كبكاته:علامهم؟!!
نشمي:علامك معيي عنهم علمني
يوسف:شباب البلد أولى
نشمي:من يقبل بهالوظيفة!!
يوسف:اللي يريد الشغل صحيح
نشمي زفر:من يقبل يغدون يم بيته!!
يوسف:وش عليهم ينظفون ويغدون ماهم بساكنين يمهم!!
نشمي تنهد:يايوسف
يوسف:وثمن وش يخبّرهم بالجنسية هاه!!
نشمي:وين اللي يقبل
يوسف:واجد مير حط العمل ويلفون هماه شروطًا علينا الغُرب نحط منهم غصب واغتظت!!علامك معيي انت ذالحين!!
نشمي:محدن لافيك ابدن يايوسف مغير توخرنا على قل سنع
يوسف:انا أتحمل مايحتاج مير انت حط الاعلان والله يكتب اللي به الخير،،مشى،،
نشمي طالع فاهد:يابس راسه وعنادي
فاهد:اوجس انه انا!!تراك رابين يمك!!
نشمي:فاهد
فاهد وهو يتقهوى:هممم
نشمي:وش بتعمل ذالحين؟
فاهد:عملة خير مامن عملة هم خبروني ذالحين هذا اللي أريده ثمن اغدي يمهم شوين شوين لامن الله يفرجها
نشمي زفر وهو ينزل عينه عالورق ويأخذه:الله يعينك الله يعينك
فاهد نزل كوبه:اوجس يمي علامك؟وش اللي وراك؟
نشمي وعينه بالورق يقرأ:قليبي لذالحين يريدها وهي صدت يوم ارعتني
فاهد تضايق وهو السبب
نشمي رفع عينه له:مااوجسته اريد ملامه
فاهد:خابر خابر مير
نشمي قاطعه:وش تشور علي؟
فاهد:اقلط عليهم واطلب الوجه من الوجه ابيض
نشمي اتسعت عيونه:صدت يافاهد صدت!!
فاهد:ويومه صدت يحق لها عقب سواتك
نشمي كشر
فاهد:لاتخنفر هماك شاورت!!اوح العلم كل ابوه!!
نشمي بتكشيرته:وثمن؟
فاهد:وتراها بتردك وتمنعك
نشمي اتسعت عيونه
فاهد؛وكودك توجس الصحيح لذالحين تريدها ماتاقف على ردتها
نشمي ميل فمه بتفكير
فاهد:كودك صحيح تريدها تغدي يمها من الباب الى لامن تلفيك هي وتطردك هاك الوقت لاتعود يمها واقنع
.
..الفندق..
،،راشد وهيفاء مبعدين الطاولة اللي تتوسط الغرفة عالسجادة لتحت التلفزيون اللي مثبت بالجدار يلفه الديكور المغطى بإضاءات خافتة جالسين عالارض جنب الكنب قبال التلفزيون ومتربعين قبال بعض يلعبون لعبة الحروف ومحددة بوقت،،
هيفاء ببنطلون بجامة باللون الوردي وتيشيرتها الرمادي باكمام قصيرة ولتحت الركبة رافعة شعرها ذيل حصان وحلق كريستال ناعم ودبلتها اللي بيمينها ماغيرت مكانها ابد
راشد قبالها ببجامة بنطلون اسود وتيشيرت عودي ودوره يختار الحرف بسرعة:س،،رفع يده وضغط عالساعة بجواله المفتوح عالكنب اللي على يمينه،،
هيفاء بحماس وبسرعة:سارة،،رفعت نفسها وهي تسحب الجوال تطالع الوقت وبحماس وهي تاشر له بالجوال،،فزت فزت
راشد بطفش:حرف واحد بس سهلة وش رايك نصعبها؟
هيفاء:لا انت تخبر وانا لذالحين توني بالبداية
راشد:طيب نقلل الوقت لي واطلبي اللي تبين اذا فزتي
هيفاء تكتفت وهي مقطبة جبينها تفكر وعينها بالارض
راشد ابتسم وهو يطالعها
هيفاء طالعته
راشد:هاه وش تبين؟
هيفاء:مااريد شي يكثر خيرك
راشد:لااله الا الله!!عادي نلعب مو شي عليه القيمة عادي ضربة تفك ضيقة بصدرك علي
هيفاء بفجعة:عوذا وش هالعلم الشين
راشد:ضرب مزح مزح مو تهبديني!!
هيفاء بتكشيرة:مااريد هالعلم وبس
راشد:مافيه شي تبينه منا ولا منا
هيفاء:ابدن
راشد:انا ابي
هيفاء قطبت جبينها:وش تريد؟
راشد:الفستان اللي شريتيه وماشفته وماخليتني اشوفه
هيفاء انقلب وجهها:وش هالعلم
راشد:كيفي هذا طلبي!!مايمفي اني نضيق الوقت علي عشانك!!يعني فوزك مضمون
هيفاء بتكشيرة:اجل انا اريد
راشد انصدم:وش قولي؟
هيفاء:تحط لي شبك بوسط حوش جدك وبه كم راس نعجة وعتقى
راشد بتكشيرة:ماتبين خروف للنعاج؟
هيفاء:اتضحك علي!!
راشد:ادري عنك وش هالطلب!!
هيفاء وهي تاشر بطرف إصبع يمينها:عاد هواي ومايريد
راشد بحلطمة مسموعة وواضحة لهيفاء وبنفس اللهجة:ليت هواش يغدي يمي لو شوين
هيفاء تغير وجهها
راشد زفر:تم لكن طلبي تغير
هيفاء:لااااا مايصير
راشد:يصير وافقت على غنم وانا ادري بتقوم قيامة علي لو فزتي
هيفاء بتكشيرة وهي تطالعه من فوق لتحت:وش تريد؟
راشد:مو اشوفه تلبسينه وتجيني
هيفاء تغير وجهها
راشد:هاه وش قلتي؟؟
هيفاء ساكتة
راشد بدا اللعبة بدون لايترك لها مجال توافق او لا:ح ن
هيفاء بسرعة وهي بالحركة وافقت:حليب نياق
راشد:لااله الا الله!!!
هيفاء:علامك!!اخطيت؟
راشد:لا صح صح ماقلتي شي غلط بس ليت تبعدين عن الابل
هيفاء:دام مااخطيت مايحق لك تعيب
راشد تنهد وهو ينحني يصب له شاهي واعتدل وهو يشرب:زين
هيفاء استغلت انشغاله وبسرعة:ن س
راشد نفث الشاهي بوجهها
هيفاء غمضت عيونها بقرف
راشد سحب منديل بسرعة وهو يحط يده ورا رقبتها ويمسح وجهها وباحراج:اسف اسف
هيفاء فتحت عيونها وهي مكشرة
راشد يمسح خدودها وجبهتها وبدون لايطالعها بعيونها:تدرين ليش صار اللي صار
هيفاء قطبت جبينها:ليش؟
راشد ابتسم وهو منحني يمسح رقبتها ثم رفع نظره لعيونها:وش الخروف عيدي؟
هيفاء بتكشيرتها:نسيت
راشد:ن س
هيفاء بزعلها:وثمن؟
راشد ترك رقبتها وهو يرجع يديه ورا ظهرها وقفهلن وهو يقربها منه:نومة سرير
هيفاء اتسعت عيونها وهي ترجع بظهرها لورا لكن يديه تمنعها تبعد اكثر وبضيق:راشد!!!
راشد بابتسامة:ياعيونه
هيفاء:ماتكب هالعلوم عنك!!
راشد بابتسامة:وأحد يكب هالعلوم والزين عنده!!
هيفاء تضيع الموضوع بضيقة على وجهها واضحة:راشد نكمل لعبتنا؟
راشد اتسعت ابتسامته وهو يتركها:ابشري!!
هيفاء تطالعه مو مرتاحة
راشد وقف وانحنى وشالها
هيفاء تعلقت برقبته صرخت:رااااشدددد!!
راشد جرى فيها وهو يضحك:انتي تقولين نكمل لعبتنا!!
.
..الحوش..
،،بتال وغازي وجسّار وفيصل جالسين بالحوش،،
رهايف تمشي لهم وهي شايلة صحن الشاورما وبزعل:انا اول مرة اشوف وحدة الحفلة لها وتنظف وراكم!!
بتال وقف وجر الهجينية يتغزل وهو ياشر بيده لرهايف بمعنى جيبي:ياسخيف القد يالمملوح..ادخل على الله تحاكيني..تموحني بالمودة موح..خليتني بين راييني..راي يقول اترك وأروح..وراين لصحنك يوديني
رهايف اللي وقفت عنده لفت بجسمها وهي تبعد بالصحن عنه وضربت يده بيدها اليمين:رايها بيدي والرأي مافيه
بتال بنرفزة:وش فيك انتي صايرة قعيطية بزيادة!!
رهايف:كيفي والله!!
جسّار سحب الصحن منها بدون لاتنتبه له وجرى
رهايف صرخت وهي تجري وراه:جسااااار
بتال جرى وراهم
جسّار اخذ ساندويشة وهو يجري ويأكل
رهايف بغبنة:جسااااااار جعله بالسم رجعه لي
بتال سبقها ومد يده يحاول يمسك جسار ومسك طرف من تيشيرته من ورا وسحبه بقوة لورا
جسّار وقفت اللقمة بحلقه
بتال اخذ منه الصحن
جسّار:حسبي الله وقفت بحلقي اللقمة
رهايف بوسط انفاسها وهي تطالع جسّار بحقد:احسن!!
جسّار رجع طريقه جري وهو يطالع امجاد
بتال مد لرهايف الصحن
رهايف اخذت الصحن
امجاد نزلت صينية الكاسات والشاهي وهي تطالعهم بابتسامة وتصب الشاهي:وش فيهم!!ليش ماسكتهم الحين يجي ابوي
غازي:والله مافيني حيل للمطارد واذا لحقتهم يبي لي اجلد
امجاد طالعته بنص عين:هالايام صاير كسول
غازي طالع فيصل:الله يعين بس
فيصل:ايه كل شي براسي!!
غازي:هذا الافتراء بعينه!!قلت شي عنك انا!!
بتال يمشي جنب رهايف:يازينك
رهايف طالعته بتكشيرة:مين؟
بتال:انتي طبعا ياعروستنا
رهايف تنحنح:على بالي
بتال:هيا مااستاهل سندويشة على ذا التعامل
رهايف:تستاهل بس مو من عندي
بتال كشر بوجهه ومد يده يحاول ياخذ:ماتستاهلين فزعة والله يالحسود
رهايف صرخت:ييييبيببهههه
بتال تركها وبتكشيرة:فكة منك اصلا يالحسودة اشبعي فيه
رهايف ابتسمت وهي تاخذ سندويشة وترفع حواجبها وتنزلها ط
بتال مشى:الله يصبرني
جسّار جلس وهو يسحب كاسة الشاهي وشرب الشاهي وهو حار وتغير وجهه
غازي ضحك
امجاد بضحكة:الموية عند فيصل
فيصل مد له موية
جسّار اخذ الموية وشرب:اعوذ بالله منها كله من نفسها!!
غازي:انت الغلطان!!اخذته منها بالقوة
جسّار بعناد:فلوسي
رهايف جلست بين امجاد وغازي والشاورما بحضنها:عسى عدوك يفلس
جسّار:اول مرة اشوف وحدة تدعي على نفسها
رهايف:ليت عدوينك مثلي الحمدلله مافيني ذرة عداوة لاحد!!
بتال جلس قبالها:حسودة
رهايف وهي توزع الشاورما ومااعطت جسّار وبتّال
امجاد قطعت سندويشتها من النص ومدت لكل واحد قطعة
،،أخذوها بسرعة،،
رهايف اتسعت عيونها:امجاااد!!
امجاد طالعتها:وش فيك!!سندويشتي!!
رهايف زفرت وهي تمد لها وحدة بزعل:خذي بس
امجاد ابتسمت وهي تعيد نفس الحركة واخذوها
رهايف صرخت:امجاااااادد!!!
ابو غازي فتح شباك غرفة النوم وبعصبية:ووجع انكعموا انكعموا محد ينام
غازي رفع صوته:ابشر يبه ابشر
ابو غازي بحدة:انت أولهم!!،،قفل الشباك بقوة،،
،،كلهم يتضاحكون،،
غازي مرر نظره عليهم:اخر عمري اتهزأ عشانكم
بتال غمز له:نستاهل ياكبيرنا نستاهل
غازي ابتسم وهو يمرر نظره عليهم
رهايف نزلت الصحن بالوسط:تستاهلون بالعافية
بتال ابتسم وهو يرجع وحدة من السندويشات بالصحن وغنى بوسط ابتسامته وهو يوقف:الله محلاها لمتنا..الله محلاها جمعتنا
فيصل نزل ترمس الشاهي ودق بالصينية
غازي صفر له
جسّار وقف وهو يقوم امجاد اللي تصفق
بتال وقف رهايف اللي ترقص بشعرها وهي جالسة وغني وهم يرقصون:جمعة وفيها سعادتنا..خواتي هن عزي وناسي..هاتوا القوافي مع حروفه..دقوا طبوله على كفوفه..لجل الخوات غنت طيوفه..خواتي هن عزي وناسي..
ابو غازي فتح الشباك وصرخ:والله لانزل لكم الحين انكعموا عمى!!!
،،هجدوا بعد هالصرخة وقضوا ليلتهم سوالف وضحك لاخر ساعات الفجر،،
.
.
<اللهم صل وسلم على نبينا محمد>