" ဟလို မမလှိုင် "
တစ်ဖက်ကအသံသေးသေးကို လှိုင်သဘောကျစွာနားထောင်လိုက်သည်။
" တို့ မင်းအိမ်ကို လာနေတယ် "
" ရှင်... ထွေးက အခုဆေးခန်းမှာလေ မမလှိုင်ရဲ့ "
" အိုး... မင်းအမျိုးသမီးက မင်းကိုတွေ့ချင်မြင်ချင်နေတယ်လေကွယ် "
" ဟုတ်ကဲ့ပါရှင် ။ ထွေးအခု လာခဲ့ပါမယ် မမလှိုင် "
" ဒီလိုမှပေါ့ကွယ် ။ ဒါဆို ဖုန်းချလိုက်တော့မယ် "
" ဟုတ် "
လှိုင် ကျေနပ်စွာပင်ပြုံးလိုက်သည် ။
ခင်ထွေးမွန် ဖုန်းပြောနေသံကို ကြားလိုက်တဲ့ မင်းလွင်က ထွေးအနားကို ကပ်လာသည် ။
" နင်နဲ့ ကံ့ကော်လှိုင် အဲ့လောက်တောင်ခင်လား "
" ဟုတ်...ခင်တယ်ပဲဆိုပါတော့ "
ထွေး သူ့အစ်ကိုကို ခေါင်းငုံ့ပြီးပြန်ဖြေလိုက်သည် ။
" ဒါဆို ငါနဲ့အောင်သွယ်ပေးပါလားဟင် "
" မလုပ်ချင်ပါဘူးဆို ဒါပဲခဏခဏလာပြောနေ "
ထွေး မျက်နှာပင်ပျက်သွားသည် ။
" ဒါဆိုလည်းနေပေါ့ ။ ငါကိုယ်တိုင်ပဲ ကြိုးစားတော့မယ် "
" လုပ်ချင်သလိုလုပ် "
ထွေး စိတ်ပျက်လက်ပျက်ပြောပြီး ဆေးခန်းကနေထွက်လာလိုက်သည် ။ ထွေးမျက်နှာဟာလည်း ကြည်ကြည်လင်လင်ရှိမနေတော့ ။ ထွေး ကားငှားကာ အိမ်ကို ပြန်လာလိုက်တဲ့ လမ်းတလျှောက်လုံး အစ်ကိုဖြစ်သူကိုစိတ်ဆိုးနေသည် ။
*******************************
ဒေါ်ခင်ခင် ဧည့်ခန်းထဲမှာငြိမ်သက်စွာထိုင်နေတဲ့လှိုင့်ကို အကဲခတ်နေသည် ။
" ကော်ဖီလေး သောက်ဦးလေ သမီးရဲ့ "
" ဟုတ်ကဲ့ အန်တီ "
လှိုင် ဒေါ်ခင်ခင် စိတ့ကျေနပ်အောင် ကော်ဖီတစ်ငုံလောက် သောက်လိုက်သည် ။
" အထွေးက သမီးကို တော်တော်လေး ခင်တွယ်နေတာကွယ့် "
ဒေါ်ခင်ခင့်စကားကြောင့် လှိုင်ပြုံးမိသွားသည် ။
" လှိုင်လည်း ထွေးကို ခင်ပါတယ် အန်တီ "
ကံ့ကော်လှိုင်က စိတ်ခံစားချက်တွေကို ဖုံးကွယ်ရာမှာတော်သည် ။ သို့ပေမယ့် ဒေါ်ခင်ခင်ဟာလည်း လူကဲခတ်သည့်နေရာတွင် ခေသူတော့မဟုတ် ။ လှိုင် မည်မျှပင်ဖုံးကွယ်နေသော်ငြား
လှိုင့်ရဲ့ လှိုင့်ရဲ့လှုပ်ရှားလွန်းနေတဲ့စိတ်တွေကို ဒေါ်ခင်ခင်မြင်နေရပါသည် ။
YOU ARE READING
ကံ့ကော်ဝေသော//ကံ့ေကာ္ေဝေသာ
Romanceကံ့ကော်တွေပွင့်တာမြင်တော့ ကံ့ကော်လှိုင်ဆိုတဲ့အမျိုးသမီးတစ်ယောက်ကို ဖန်တီးမိလိုက်တယ် 💛 ကံ့ေကာ္ေတြပြင့္တာျမင္ေတာ့ ကံ့ေကာ္လွိုင္ဆိုတဲ့အမ်ိဳးသမီးတစ္ေယာက္ကိုဖန္တီးလိုက္မိတယ္💛
Part 12
Start from the beginning
