~Unicode~
ဤကဲ့သို့သော အခြေအနေအား မမျှော်လင့်ထားသည်ဖြစ်ရာ ရှန်ထင်ဝေ့က အတော်ကြာအောင် တိတ်ဆိတ်သွားခဲ့ရပါ၏ ။
အသိပြန်ဝင်လာပြီးနောက် သူ၏စိတ်ထဲသို့ ပထမဦးဆုံး ဝင်လာသည့်အရာမှာ...
ကလေးက ဆက်ပြီး ရှိနေနိုင်ဦးမှာလား ?
ထိုအတွေးဝင်လာသည်နှင့် လျန်ကျွယ်အား လှမ်းမေးလိုက်သည် ။
လျန်ကျွယ်၏ အေးစက်သော အမူအရာက ထိုသူ၏အတွေးများအား ခန့်မှန်းရခက်ခဲစေသည် ။ လျန်ကျွယ်က ရှန်ထင်ဝေ့အား တစ်ခနကြာအောင် စိုက်ကြည့်နေပြီးနောက်မှသာ စိတ်မပါလက်မပါ ပြုံးပြလာရင်း အဓိပ္ပါယ်အပြည့်နှင့် ပြောလာသည် ။
" မင်းဘာပဲလိုလို အကုန်ပေးမှာ "
ရှန်ထင်ဝေ့မှာ ကျိုးသင့်ကြောင်းသင့်တွေးတောလျက် ငြင်းဆန်လိုခဲ့သော်လည်း တစ်ခနမျှ တိတ်ဆိတ်နေပြီးနောက်တွင် သူ၏စကားလုံးတို့က နာခံသည့်ဖက်သို့ ပြောင်းသွားခဲ့ပါ၏ ။
" ...ကျွန်တော် အဆောင်ကိုပြန်ပြီး ပစ္စည်းတွေသိမ်းချင်တယ် "
သူ့ထံ၌ လျန်ကျွယ်၏ ရည်ရွယ်ချက်အား မှန်းဆနိုင်သည့် ခွန်အားမျိုးလည်း ရှိမနေခဲ့ပါချေ ။ ထိုရည်ရွယ်ချက်မှာ သူ့အား အရှက်ခွဲလိုခြင်း ဆိုလျှင်တောင်မှ သူ့အနေနှင့် လက်ခံဖို့သာ ရှိပေသည် ။
ဤအခြေအနေမှာ သူလိုချင်သည့်အရာမျိုး မဟုတ်နေခဲ့သော်လည်း မျှော်လင့်ချက်သေးသေးလေးသာ ရှိနေမည်ဆိုလျှင်တောင်မှ ရှန်ထင်ဝေ့က ကလေးအား မစွန့်လွှတ်ရန် ရွေးချယ်နေဦးမည်ဖြစ်သည် ။
.. ယခုအချိန်တွင် လျန်ကျွယ်နှင့် လက်ထပ်ခြင်းမှာ ထိုမျှော်လင့်ချက် သေးသေးလေးဖြစ်သည်ပင် ။
ရှန်ထင်ဝေ့က ငြိမ်းချမ်းကာ လုံခြုံမှုရှိသော ဘဝမျိုး လိုအပ်ပြီး လျန်ကျွယ်က သူ့အား ထိုကဲ့သို့သော ဘဝမျိုး ပေးနိုင်ပေသည် ။
ထိုကဲ့သို့သော ဘဝမျိုးအတွက် အဆိုးဆုံးအပိုင်းမှာတော့ အချစ်မပါပဲ လက်ထပ်ရခြင်းဖြစ်သည် ။
သို့သော်လည်း တစ်ချိန်တည်းမှာပင် အကောင်းဆုံးသောအရာမှာ သူ့အနေနှင့် လျန်ကျွယ့်၏ အချစ်အား မလိုအပ်နေခဲ့သလို လျန်ကျွယ့်အား ချစ်ပေးရန်လည်း မလိုအပ်နေခြင်းပင် ။
![](https://img.wattpad.com/cover/306768765-288-k395709.jpg)
ВЫ ЧИТАЕТЕ
溺酒 《nì jiǔ》║မြန်မာပြန် 『Completed 』
ФанфикMyanmar Translation of { Ni Jiu ( 溺酒 )} Original Author _ Nai Kou Ka Status in COO _ 85 Chapters + 6 Extras ( Complete ) I don't own any of this novel . This is just a fan translation and all credits go to the original author . I'll translate this...