ياسمح المحيا جر الهجنية

الجزء السابع والاربعين

،،الـجـزء الــســابـــع والاربـعـيـن،،

اللهم صل وسلم على نبينا محمد
.
...........****..........
أم جـلاجــل
.
..بيت بادي..
،،غرفة بادي،،
الجد بادي جالس بغرفته ينتظرها
سعود دخل وقفل الباب وراه
الجد بادي قطب جبينه:علامك ياولد؟
سعود:لاتوجس شين لبخوت ياجد
الجد بادي باستغراب:وليه؟!!
سعود:أنـا أعلمها العلم ياجد
الجد بادي:مامن خلاف زين زين
سعود:واذا عيّت عنه ياجد ماتغصبها ابدن
الجد بادي احتدت نظرته:وشو؟!!
سعود:الاولة غصب هالنوبة هي إتخير ياجد محدن يوجس يمها طاري
الجد بادي بحدة:والرجل؟!!هاه اعطيته وش الدبرة لامن عيت؟!!
سعود:نوجس الصحيح
الجد بادي ضـحـك بغبنة:صحيح!!
سعود:جسّار مو مثلهم ياجد بيقبل العلم
الجد بادي:ولانه ماهو بمثلهم رايده لبخوت
سعود بإصرار:لاعيت ياجد ماتغصبها ابدن ابد
الجد بادي تنهد وهو يشوف اصراره:اجل انا اوجس يمها
سعود:لا ياجد
الجد بادي اتسعت عيونه
سعود:انا اللي باوجسه يمها،،خرج ووقف وهو يشوفها متجهة له،،
بخوت تمشي باتجاه غرفة جدها وهي خارجة من المطبخ تمسح يديها بمنشفة صغيرة معها ابتسمت وهي تشوفه:علامك ماتقيلت؟
سعود وهو يمشي لها ووقف جنبها وهو يحاوط رقبتها بيده ويضمها له وهو يمشي:ذالحين بأتقيل مير اني اوجست اغدي يم حلايا
بخوت ابتسمت:حلايا تقيلت يم عباير وانا غاديتن يم جدي
سعود:جدي مايريدش توني غادين من يمه
بخوت باستغراب:متوكد؟
سعود:ايه ايه متوكد مير إنش تقيلي والليلة أحسبي راشد بالعشا معنا
بخوت:ابشر ابشر حياه الله
سعود:تبشرين بالسعد ياعيني
.
..بيت الشلة..
راشد متمدد بغرفته ع جنبه اليمين معطي الاب ظهره وهو يفكر بموضوعه اللي نساه لفترة بسيطة ابتسم وهو يحس بسحبة لحافه من فوق رجوله:ماتفرق معي شف لك غيرها!!
جسّار اللي منحني شبه جالس على نهاية السرير وقف وبعصبية:وش هالقلب اللي عليك!!
راشد فز جالس وهو ينتفض مكانه للحظة:قل اعوذ برب الفلق!!
جسّار بزعل:والله لو انه واحد منهم ماتعوذت كذا!!
راشد وهو يطالعه بتكشيرة:اي والله محد يخوف كثرك!!
جسّار:هيا اجلس لحالك بدون غدا الحق علي افكر فيك،،مشى بيخرج،،
راشد قام من سريره ولحقه:لحظة لحظة،،وباستعطاف،،جويسر
جسّار مكمل طريقه ووقف عند الباب من برا وهو ينحني وياخذ كيس الغدا:الحين جويسر يوم عرفت ام السالفة فيها بطنك!!
راشد وهو يمشي جنبه:ميت ميت جوع ذَا الجد ماخلاني اتهنى بلقمة يطالعني يحسبهم وحدة وحدة
جسّار ابتسم وهو يعدل سكرابه:تبيني اتوسط لك عنده
راشد بنفسه:مدري مين اللي يتوسط للثاني!!،،بلع الكلام وهو يسبقه ووقف عند مكان جلستهم بوسط الحوش ورفع الفرشة ينفضها وهو يطالعه،،وين افرش الفرشة يادكتور ياللي يموتون البشر من دونك؟
جسّار يطالعه بنص عين:يمه منك دبلوماسي دبلوماسي
راشد فرش الفرشة وجرى له ياخذ كيس الغدا من يده ويأشر له عالفرشة:تفضل دكتور
جسّار طالعه وباستغراب:ياولد لايكون ميت من الجوع صدق!!
راشد بعبط:شوفتك تشبعني مامن جوع
جسّار كشّر بوجهه:خل شوفتي تنفعك
راشد اتسعت عيونه:يارجل قل غيرها!!
جسّار جلس وهو يفتح الكيس:شوفتي تكفيك توكل
راشد جلس بعناد وهو يسحب الكيس منه:والله لو هي رجل دجاجة بـس اكل منها اكل سامع
جسّار يطالعه بصدمة:وين ايامك يوم تدّرس بتّال كرامتك وماتسمح وهالخرابيط!!
راشد وهو يحط الغدا:الحياة دروس ومعكم مامن كرامة،،مد يده،،بِسْم الله
.
...........****......
الـعـصـر
...........****......
..السجن..
،،مكتب الضابط،،
جواد دخل وهو معتليه وجـهـه تكشيرة:وش هالسجن اللي كل من هب ودب يزورون مساجينه،،انصدم وهو يطالعه ثم انفجر يضحك،،
بتّال وقف وهو يتكتف وضـحـك بخفة وهو يطالعه ثم ابتسم
جواد بضحكة:لا مااصدق بتاال!!
بتّال هز راْسه بايه
جواد:بتّال بذات نفسه!!مااصدق مستحيل!!
بتال بابتسامته:بشحمه ولحمه
جواد بابتسامة:يحق لك يحق لك تجي!!وشلون ماتجي وتفوتك الشماتة!!
بتّال قطب جبينه وهو يرفع يديه ومحتفظ بابتسامته:اعوذ بالله اعوذ بالله من الشماتة والشامتين
جواد ارتفعت حواجبه وسط ميلان فمه بابتسامة جانبية
بتّال:هو الصراحة،،رفع يده اليمين وهو قافل اصابعه ماعدا إبهامه وسبابته اللي مقربهم من بعض،،فيه ريحة شماتة بس ماتحققت للاسف
جواد:وللاسف!!!
بتّال اختفت ابتسامته وبجدية:وش اللي صار ياجواد؟
جواد كشّر بوجهك:وبوش يهمك اللي صار معي!!
بتّال زفر:شوف انا ماانكر انك غثيث ابدا ولاتنسى ظليمتك الشينة لي
جواد قاطعه ببرود:القانون لايحمي المغفلين!!
بتّال ارتفع حاجبه وبسخرية:تقصد اي واحد فينا؟انا او انت!!
>
>
قبل 14 سنة
،،جمعة مخيم بنهاية الاسبوع،،
>
>
..بعد صلاة العصر..
جواد(16سنة)متربع فوق جبل صغير خلف المخيم وهو ينتظره
بتّال(15سنة)يطّلع الجبل لعند جواد وهو شايل السيكتون(من انواع البنادق الهوائية)ع كتفه وبيده كرتون الطلقات وقف عنده بوسط انفاسه السريعة وهو يمد السيكتون عليه:خذ
جواد اخذها بابتسامة
بتّال جلس وهو يحط كرتون الطلقات جنبه
جواد سحب الكرتون وكب الطلقات جنبه ورحماء وهو يعبي السيكتون وبدا يجرب وضعية التصويب وهو جالس
بتّال مسك فوهة السيكتون وهو ينزله تحت وبقلق:جواد
جواد سحب السيكتون من يده:وش فيك!!لاتصير خواف عاد
بتّال:جواد صوب على كل شي الا الناس
جواد نزّل السيكتون على رجوله وبحماسه:طيب وين المشكلة بس بنشوف وش يصير اكيد مابتذبحه!!
بتّال كشّر بوجهه:مايحتاج تشوف!!صوب على حمام وشف وش يصير
جواد كشّر بوجهه بزعل:طيب طيب خلاص
بتّال:بالقوة اخذتها من ابوي مارضى يعطيني الا بعد ماتوسط لي جدي وأرجعها له على طول
جواد:داري داري اذا مارجعتها بيدفنا عمي بعد مايفضيه(يفرغه)فينا
بتّال:بيدفني انا مايدري انك معي!!
جواد يطالعه بتكشيرة
بتّال زفر:خلاص اترك هاللي براسك وصوب عالحمام
جواد تنهد بعدم رضا
جسّار أسفل الجبل يصرخ:بتّال بتّال
،،جواد وبتال التفتوا له،،
بتّال بصوت عالي:نــعــم
جسّار بصوته العالي:ابوي يبيك
بتّال وقف وبنفس الصوت العالي:طيب جاي،،طالع جواد،،
جواد بطفش:خلاص خلاص لاتصير نشبة فهمت
بتّال نزّل الجبل ،،بعد ربع ساعة،،
جواد فوق الجبل للحين ووجهه عالمخيم يطالعه من فوق بطفش مامر من عنده اي طير
بتّال رجع من خيمة الرجال بعد ماخلص الشغل اللي موصيه عليه ابوه وطلع الجبل متجه لعند جواد
جواد ابتسم وهو يشوف راعي غنم يمشي مع غنمه مار بالطريق على مسافة متوسطة البعد عن المخيم وبفضول يذبحه تمدد وهو يثبت السيكتون وصوب عليه ورماه
الراعي اخترقت الطلقة كتفه وتمدد عالارض يصرخ واعتلى صوت غنمه اللي تفرقت بالمكان حوله
جواد انفجع وهو يسمع صراخه اللي يحس به جنب اذنه رغم بعد الصوت عنهم وفز واقف ونزّل الجبل بخطوات سريعة زادت سرعتها الجاذبية بالنزول غصب عنه مد السيكتون وضربه بوجهه المخطوف ع صدر بتّال بدون لايوقف:خذ،،وكمل طريقه،،
بتال عقد حواجبه باستغراب ورجع طريقه،،
.
..خيمة الرجال..
فزوا الموجودين على صوت الصراخ واتجهوا له وأسعفه ابو غازي وحرك فيه للمستشفى ورجعوا الكل للبيت
.
،،الليل،،
..بيت الجد نشمي..
،،الجد نشمي وابو غازي وابو جواد وغازي مجتمعين،،
ابو غازي جالس بوجه كاسيه السواد من المصيبة
ابو جواد جالس وهو حالته نفس حالة اخوه مو بعيد عنه
غازي جالس وهو يسمع ملتزم الصمت وسط قلبه اللي يرجف من الخوف عكس مظهره الهادي
الجد نشمي زفر وبفجعة من اللي صاير:والحل الحين علامكم منكعمين!!
ابو جواد زفر:يبه التهمة اكيد بتكون محاولة شروع بالقتل
الجد نشمي انخطف وجـهـه:وش هالكلام!!وغد يلعب بالسيكتون مادرا انه بيحصل هاللون!!وش قتله ماقتله!!
ابو غازي:كلام مسفر صحيح يبه مايهم هو وغد يلعب مايلعب هاذي جريمة ويحاسب عليها
الجد نشمي بعصبية:صاحين انتم!!بيروح منا الولد دام هاذي علومكم!!
ابو غازي التفت لغازي اللي عن يمينه:غازي
غازي وقف:سم يبه
ابو غازي:ناد بتّال خله يجي
غازي خرج وبأقل من دقيقة رجع ومعه بتّال
بتّال وقف بوجهه المخطوف قبال ابوه وهو يضم يديه يخفي رجفته بخوف من اللي صاير
ابو غازي بحدة:وين السيكتون يابتال؟
بتّال:بـالـسـيـارة يبه
ابو غازي فز واقف بسرعة ومسك بتّال من تيشيرته وجره معه
،،كل الموجودين فزوا وراه،،
الجد نشمي:علامك ياعادل!!وش غدا بك!!
ابو غازي خرج من البيت ودف بتّال:رح جيبه
بتّال مشى وهو قلبه بينفجر من سرعة نبضاته
ابو غازي صرخ:أعجل!!
بتّال جرى للسيارة وجاب السيكتون ومده لابوه
ابو غازي سحب السيكتون من بتّال بقوة وبحدته:جنب الجدار تصليب
الجد نشمي:تعوذ من ابليس ياعادل!!
بتّال مشى ووقف عالجدار مثل ماقاله ابوه
ابو غازي وهو يشيك عالسيكتون مثبت عينه عليه ولاطالع بتّال:من اللي رمى الراعي يابتال؟
بتّال وهو شاد ع قبضته اللي ترجف:جواد السيكتون كان معه
ابو جواد انخطف وجـهـه
ابو غازي رفع عينه وهو مقطب جبينه:وشو؟!!
بتّال:انا عطيته السيكتون وجيتك تبيني بشغل وعلى رجعتي لجواد سمعت الصراخ
الجد نشمي جلس وهو يمسك راْسه
ابو جواد وقف شعر جسمه من الصدمة باللي يسمعه
ابو غازي عشق السيكتون اللي موجود به طلقات وصوب على بتّال:وان طلعت تكذب؟
بتّال:اذبحيني يبه
ابو غازي رمى طلقة قبل ينتهي بتّال من كلامه
بتّال غمض عيونه برعب والطلقة ضربت بالجدار جنب اذنه وهو ماحس بألمها من الشظايا اللي جته وبصراخ:جسّار شاهد يبه شاهد والله
ابو جواد مسك السيكتون ونزله تحت وبصراخ وهو يطالع ابو غازي:انهبلت!!
ابو غازي سحب السيكتون من يد ابو جواد وبحدة:اترك شغلي لي محد ابخص به غيري،،التفت لغازي،،افزع وجب جواد معك يالله
غازي راح جري ورجع ووقف بوسط انفاسه عند ابوه
ابو غازي طالعه وبحدة:ويـنـه؟؟
ام جواد تمشي متجهة له وجواد وراها:هذا هو معي
ابو جواد اتسعت عيونه
ابو غازي كشّر بوجهه:تيسري يم بيتك ياأم جواد
ابو جواد بحدة:ارجعي البيت ياأم جواد
ام جواد واقفة على مسافة بسيطة منهم وعينها على ابو غازي:كف شر عيالك عن ولدي ياابو غازي
ابو جواد صرخ:عواطف!!
ام جواد بدون اهتمام لأبو جواد:تراه وحيدي مالي غيره ياابو غازي لاتبلونه انت وعيالك بشركم
غازي عض شفته بغبنة
ابو جواد اتجه لها ورفع يده بيضربها
الجد نشمي بحدة:مسفر!!!
ابو جواد نزل يده وهو يعطيها ظهره:طسّي يم بيتك
ام جواد أسرعت بخطواتها مبتعدة وهي تتوعدهم بنفسها لو لمسوا شعرة من ولدها تذبحهم كلهم
ابو غازي التفت يطالع جواد اللي وراه وبحدة:من الي رمى الراعي ياجواد؟
جواد رفع اكتافه:مدري
ابو غازي قطب جبينه
بتال بغبنة:وشلون ماتدري وهو كان معك!!
ابو غازي التفت بسرعة وهو يصوب ورمى بين رجول بتال
بتال انشلت حركته بصدمة ووضح على وجهه
جواد بلع ريقه برعب
الجد نشمي صرخ:عادل!!!
ابو غازي بتهديد:انطق حرف وانا ماكلمتك والمرة الجاية الرصاصة بين عيونك
بتال عض شفته وهو يحبس دموعه اللي ملت عيونه من القهر
ابو غازي طالع جواد:تقول ماتدري!!
جواد:انا كنت مع راشد عند الغسال(مكان مايغسلون الصحون)
ابو غازي:جسّار وراشد ياغازي
غازي:سم،،رجع ومعه العيال،،
ابو غازي:راشد
راشد فزّ:نعم ياخال
ابو غازي:جواد كان معك؟
راشد سكت
ابو غازي بحدة:انطق
راشد:هو جاني بلحظة ماسمعت صوت الصراخ
جواد كشّر بوجهه
امجاد وقفت عندهم(14سنة):يبه انا شفت جواد وهو نازل الجبل وأعطى السيكتون بتال وهو يجري للمخيم
ابو جواد التفت لجواد وهو عاض شفته بغبنة
جواد صرخ:ايه اتفقوا علي!!مو كلكم اخوان اكيد بتتفقون علي!!وانا مالي احد ابد!!
ابو جواد ضرب جواد كف وبحدة:اسكت ياجواد اسكت
جواد وهو يطالع ابوه بقهر:اصلا ليش اتكلم وأتعب نفسي وانتم اتفقتوا وناوين علي!!
398
ابو غازي عض شفته بقهر وطالع بتال بحدة:قدامي عالقسم يابتال السلاح كان معك
جواد زفر براحة
ابو جواد طالعه
جواد ضيع نظره بالمكان
بتال بصراخ وسط غبنته:مو انا يبه والله ماهو انا اللي رميته والله
ابو غازي اتجه له بخطوات سريعة وهو يصرخ:انكعم انكعم لااسمع لك صوت
بتال:مو انا والله مو انا اللي رميت
ابو غازي وقف عنده وضربه بطرف السيكتون على فكه
جسّار صرخ:يبه والله بتال كان معي مستحيل هو اللي رمى يبه مايمديه والله مايمديه!!
بتال سال الدم من فمه وطالع ابوه بقهر وسط دموع تمردت وسالت غصبًا عنه من عيونه من قهره:هذا انت ماتصدقني ولاتسمع لي كلمة حتى والحقيقة قدامك ماتسمع لي ابد،،مسح دمعته بطرف إصبعه بسرعة،،
ابو غازي عض شفته السفلية ومسكه من تيشيرته من كتفه يجره
بتال دف يد ابوه عنه وبحدة وسط لمعة عيونه:اقدر امشي بنفسي،،مشى قدام ابوه وهو منزل راسه،،
ابو غازي وقف يطالعه وهو يمشي
الجد نشمي وقف وبحدة:عادل وش هالكلام من جدك بتوديه للقسم!!
غازي بترجي:تكفى يبه بتال مستحيل يسويها تكفى
ابو غازي اسرع بخطواته ولحقه ومسكه من يده اليمين وهو يلفه له:اذا سألوك عن شي قل مدري السيكتون كان مع ابوي
بتال اتسعت عيونه:بس يبه
ابو غازي:انكعم!!لااسمع كلمة دمي دونك!!مايحطون عليك أصبع وانا ولد ابوي،،حط السيكتون على كتفه وهو ياخذ نفس ومشى بخطوات سريعةوهو يمسح وجـهـه بيديه ويزفر،،
بتال يطالع قفاه وهو كل غل وغيظ انشحن بقلبه يوم على ابوه تبخر يطالعه بفرحة لامست عروق قلبه رغم الموقف الشين اللي هم فيه لكن هاللحظة غيرت كل شي بعينه
ابو غازي وقف والتفت له وبحدة:علامك واقف!! ألحقني
بتال اسرع بخطواته وهو يخفي ابتسامته
ابو غازي طالع ابو جواد:لاتبطي علي يامسفر لاتبطي
الجد نشمي هز راسه بقلة حيله من اللي يصير معهم
>
>
جواد ضحك:أقصدك طبعا!!
بتال:أهااا!!
جواد:يعني انت شفت نيتي وفوقها سمعت كلامي،،رفع اكتافه،،مو ذنبي اللي صار لك وصار لعمي من وراك!!
بتال ابتسم:عشان كذا تعاقب نفسك!!
جواد كشّر بوجهه
بتال:لاتخاف مسموح عالاقل طلعت بشي حلو من ورا ظليمتك
جواد:اخر همي أعاقب نفسي عشانك!!
بتال بابتسامة يغيظه:ترا من قريت الملف حق المريض امم جا في بالي شي
جواد كشّر بوجهه
بتال:يمكن عمي ماانتبه لان هالخطوة خاصة فينا
جواد بحدة:ماطلبتك تساعدني ابد
بتال ضحك:يعني هو حل مشكلتك!!كنت شاك وانت أكدت الحل!!
جواد بغبنة:اطلع برا ماابي اي مساعدة من اي احد انا عاجبني وضعي فاهم!!
بتال رفع يديه:اوك اوك هدوء على راحتك تنقع بالسجن،،مشى باتجاه الباب،،
جواد عض شفته السفلية بقهر منه
بتال التفت له وضم يديه:متاكد ماتبي مساعدة!!
جواد زفر بغبنة منه
بتال بابتسامة:بس انا مو عاجبني وضعك وبأساعدك وبتبقى طول عمرك مديون لي دكتور جواد،،مد لسانه له وخرج،،
جواد صرخ:بتااااال!!!
.
.........****..........
أم جـلاجــل
.
..بيت ابو ياسر..
،،المجلس،،
راشد جالس قباله بوسط ابتسامة راسمها على وجهه:ها يابطل يقولون تبيني؟
ياسر جالس على فراشه بوجه مايل للسواد من اللي يمر فيه وهو يطالع يديه اللي شاد بها على لحافه مارد على راشد
ابو ياسر اللي جالس جنبه:ها ياابوك راع الأستاذ غدا يمك مثل ماتريد اوجس يمه العلم يا ياسر اوجسه
راشد:والله زملائك فاقدينك والفصل بلا طعم بدونك تبي الصدق حتى المدرسة شينة بعدك والله فقدناك ياياسر ياحبي لك والله،،طالع ابو ياسر،،
ابو ياسر فهم على راشد ووقف وهو يطالع ياسر:انا غادين اجيب اللبينة اللي تريدها ومعود،،خرج،،
راشد يطالعه ساكت
ياسر برجفة صوته وهو يطالع يديه:كود انك صادق تريدني كبّ المدرسة وعود يم ديارك
راشد اتسعت عيونه:وليش!!
ياسر بخوفه:انت يوم انك بها هو بعد بها
راشد قطب جبينه
ياسر:وانا لو ارعيه مرتن ثانية يتهول عقلي واضيعه
راشد بفضول:من هو ياياسر؟
ياسر رفع عيونه اللي غرقت دموع يطالعه ساكت
راشد قطب جبينه مستغرب من هالخوف اللي تنطقه عيونه
ياسر بلع غصته:مايهرج مع احدن غيرك ولا يراعيه احدن غيرك
راشد حس بقشعرة سرت بجسمه وهو يربط اللي يصير معه مع كلام ياسر
ياسر اخذ نفس وهو يقوي نفسه:اوجسه من اول عبدالله ارعاك تهرج روحك محدن يمك وقامت الصريمة بينّا مير انه مااوجسه عبث انا ارعيته مرة وكذبت عيني باللي ارعته!!وثمّن الثانية ارعيت شين هول بي تهاويل وانا مالي الحيلة ولا القدرة اغدي يم مدرستن انت بها وهالعوذة حولك
راشد يطالعه ساكت بصدمة من الفكرة اللي براسه وهو يكذب نفسه اخذ نفس:ياسر كان معي وقت اللي حصل لك؟
ياسر اكتفى بنظراته اللي ردت عنه
راشد شحب وجهه ووقف بدون ينطق ولا كلمة خرج من المجلس وسط أفكاره
ابو ياسر واقف برا المجلس ينتظره تقدم له:ها بشر عسى اوجس يمك علته؟
راشد مر من جنبه من دون مايرد عليه وهو اصلا ماسمعه ولاانتبه لوجوده خرج من بيت ابو ياسر يجر خطواته وسط ضياع أفكاره اللي ماتتصدق والمصيبة انه مر باقي سبب للي يصير وقف قبال بيت الشلة اللي جرته له رجوله بدون احساس دخل وهو يقفل الباب وراه وجلس وهو يتكي بظهره عالباب وانفجر يضحك وبوسط ضحكته:انهبلت ياراشد والله انهبلت!!
.
..بيت بادي..
واقف ع الباب وهو ماليه التوتر رفع يده بيدق الباب وهون وهو يتخيل ردة فعله اذا درا بوجوده قدام هالبيت قشعر جسمه وهو يزفر وتشجع سمى بالله وهو يرفع يده ويدق الباب
عباير لابسة عبايتها بتتجه للغنم استغربت من اللي يدق بابهم بهالوقت ومن ورا الباب:مَــن؟ .
~
يوسف تسارعت نبضاته اكثر:ابو نشمي موجود؟
عباير قطبت جبينها باستغراب:اصبر اصبر،،اسرعت بخطواتها لغرفة سعود ودخلت،،سعود
سعود اللي متمدد على فراشه وبيده جواله فز جالس مع فتحتها للباب:ياعيونه
عباير:به احدن يم الباب يريد جدي
سعود وقف:ان شاء الله،،مشى للباب وفتحه وهو انصدم من اللي واقف عالباب وتحديدا شكله الشاذ عن الأشكال المتعود يشوفها شعر اشقر عيون زرقا وثوب ونسفة شماغ بدون عقال مايتناسب شكله ابدا مع هالخلقة بعينه وبربكة واضحة وهو يصافحه،،ححياك الله
يوسف ابتسم:الله يحييك ويغنيك
سعود انجلط للمرة الثانية وهو يسمع كلامه:ياهلا ياهلا،،شد على يده وهو يسحبه للبيت،،تفضل حياك الله
يوسف مسك يد سعود بقوة وهو يوقفه:مشكور مشكور ماتقصر عساه دايم مير اني غادين يمكم رايدن ابو نشمي
سعود وهو يحاول يستوعب صدمته:ماهو بهنيا ذالحين غدا يم الحلال ومعود بالليل ان شاء الله تفضل حياك الى منه يعود حياك
يوسف زفر بخيبة:يكثر خيرك مير اني مستعجلن كبها المرة الجاية
سعود بإصرار:يارجل حياك
يوسف:المرك الجاية ياولد الاجواد لاتلز علي(لاتصر)الله يعز شانك
سعود هز راْسه باستسلام:لاعود جدي اوجس يمّه مـن الضيف؟
يوسف بربكة:معودن يمكم ان شاء الله معود
سعود:المرة الجاية مامن رد واجبك يحتريك
يوسف:ابشر ابشر عاد اترخصك فمان الله،،مشى،،
سعود دخل للبيت وقفل الباب وهو مميل فمه بشك
يوسف مسرع بخطواته متجه لسيارته اللي وقفها برا الـديــرة قاصد وقف وهو منخطف وجهه من اللي يشوفه قدامه
متلثم بشماغه وهو نظراته الحادة تخترق يوسف وسط سكوته
يوسف بلع ريقه:يبه انا
عطاه ظهره ومشى مايبي يسمع منه شي
يوسف جرى وراه وهو مرعوب من سكوته .
الجد بادي واقف برا الشبك وهو يطالع حركة الغنم اللي ماهي طبيعية ابد وفوقها كم كلب متجمعين حول الشبك ينبحون تأكد من كلام عباير زفر وهو شاك بالموضوع دخل للشبك وينحني وياخذ وحدة من البهم(صغار الغنم)لحضنه ويمشي بها داخل الشبك وهو يتحرك مو راضي يثبت وقف عند خزان الشعير وزادت حركته بشكل واضح وانفلت من يده وهرب عقد حواجبه وهو يفتح الخزان يطالع الشعير باستغراب مافيه شي دخل يده وهو يحني ظهره ويحوس وسط الشعير يتأكد اتسعت عيونه وهو يمسك شي غريب بحجم يده خرجه بسرعة وهو يطالعه وانصدم زيادة وهو يشوفه وزاد نباح الكلاب وحركة الغنم معها اسرع بخطواته لطرف الشبك وهو يرمي قطعة فرو الذيب برا الشبك وتجمعت حوله الكلاب اللي تنبح وهو يطالعهم بصدمة كشر بوجهه وهو يلتفت حوله وبنفسه:من اللي ناوين علينا ذَا النوبة من؟!!
.
.........****..........
..بيت الجد نشمي..
،،عالقهوة،،
بتّال جالس بهاللمة الحلوة امه وعماته وجدته وكف يده بين يدين جدته
الجدة منيرة تمسح على كفه بين يديها وهي تحمد ربها بينها وبين نفسها على سلامته
رهايف دخلت وهي تسلم عالموجودين وحدة وحدة
بتّال بابتسامة:افا ياام عادل افا مادريت غلاتي أكلة قلبك كله
رهايف جلست جنب جدتها
الجدة منيرة جالسة بين رهايف وبتّال
رهايف دفت يد بتال من يدين جدتها وبغيرة وهي تحتضن يد جدتها:الغلا معروف لمين يالله مناك يالله
بتال بعناد سحب يد جدته منها:انتي عندك الحين واحد يغليك غير امك وابوك اتركي جدتي لي
رهايف كشرت:وااع يابتال ياشينك!!،،سحبت يد جدتها،،رح بـــس رح انا الغالية ومحد غيري نقطة وانتهى
بتال:اهب يالقلب اللي عندك زوجك متنقع بالسجن وانتي لااحساس ولاضمير طيب ذرة قلق تصنعي القلق يااختي بكرة وراك عمة قشرا!!
رهايف سكتت ماردت رغم وضوح إجابتها على وجهها
حصة بشك:رهايفوه لايكون مبسوطة صدق!!
ام غازي وهي تضيع الموضوع:وش هالكلام الله يهديك ياحصة!!
عذبة طالعت حصة بتكشيرة:يعني ماتعرفين بتال ومناقرته ورهايف ام لسان مابتسكت له اكيد!!
حصة زفرت وهي للحين شاكة:ايه بس قليبي متروع لايكون صدق تبي فرقاه!!
رهايف زفرت بضحكة خفيفة وأخفتها بسرعة
بتال قطب جبينه وهو يطالعها
الجد منيرة سحبت يدها من رهايف وهي تحط يدها بيد بتال:وهو صادق وليدي عندش من يغليش والغلا الحين كله يمّه
رهايف بزعل:منيرة!!
الجدة منيرة بحدة:وصريمة استحي
رهايف كشرت
بتال بضحكة ووناسة:ايه ايه لو دريت ان الغلا بيطلع كان رميت نفسي بالسيل مـاهـو بهو اللي ياخذني
،،الكل انصدم من اللي سمعه،،
بتال تغير وجهه وهو عرف انه جاب العيد
ام غازي تطالعه بصدمة
حصة بصدمة:وش سيله!!
الجدة منيرة بابتسامة:الحمدلله سلمت ياعله بعداك وانا جدتك
بتال ضحك بخفة:امين امين
حصة بنرفزة:أكلمك انا!!وش سالفة السيل ذي؟
بتال بابتسامة:ابد والله بس أخذني السيل وسلمت الحمدلله وهذا انا قدامكم طيب مافيني شي الحمدلله
ام غازي عضت شفتها بغبنة وهي تطالعه
بتال وهو يحاول يضيع سالفته:خلوكم مني الحين مادريتوا بخبر جسّار للحين؟
.
.........****..........
الـلـيـل
.........****..........
أم جـلاجـل
.
..بيت بادي..
،،الكل جالسين حول النار اللي متوسطة الحوش المكشوف،،
بخوت تشوب حلايا الحليب بوسط ابتسامة وعباير جنبها
عباير عن يمينها بخوت ويسارها راشد
الجد بادي مميل راْسه ومتكي به على طرف مركوعه اللي ع كتفه يطالع النار بتفكير مشغول من اللي سوا هالشي وليش
راشد يطالع النار بهدوء وهو مو قادر يصدق اللي سمعه من ياسر ويقنع نفسه انه مجرد خيال لولد صغير
سعود:ياجد غدا يمّنا ضيفن ينشد عنك
الجد بادي رفع عينه لـه باستغراب:ينشد عني؟من!!
سعود:مااوجس من مير انه ماهو بمن مواخيذنا
الجد بادي قطب جبينه:وشلون يعني!!
سعود:من هالخواجات(اجنبي)مير انه يرطن(يتكلم)تقل واحدن رابين وسطنا!!
الجد بادي باستغراب:خواجة ويبيني!!وكاد انه مضيع وانا جدك
سعود هز راْسه بلا:لا والله ماهو بمضيعن ابد اوجس بيعود ياجد مرتن ثانية
الجد بادي زفر بعدم اهتمام له وهو شاغله اللي صار معه العصر:خير خير الله يحييه كود انه عوّد
سعود ميل راْسه وهو يطالع بخوت:بخوت
بخوت طالعته بابتسامة:سم
سعود وقف:اتبعيني أريدش
عباير طالعته بغيظ:وانا؟!!
سعود:عينش يم حلايا انتي
عباير كشرت بوجهها:طيب طيب
سعود مشى
بخوت قامت ومشت وراه وسط استغرابها
راشد انحنى بتردد وهو يهمس لها:عباير
عباير اللي للحين تستحي منه ماطالعته وهي تشغل نفسها بحلايا تأكلها:ها
راشد:تعرفين اهل الديرة كلهم
عباير التفتت له باستغراب:ايه وش تريد منهم مغير بقعا تتبعك من وراهم وانا اختك
راشد ابتسم:ابي اسالك عن واحد اسمه حمدان تعرفينه
عباير باحراج:انا مااخبر الرجال
راشد انتبه لنفسه وعيب عليه هالسؤال وباحراج:اسف اسف ماقصدت
عباير وهي تبتسم:ايه مااخبرهم لكن خابرة القشرات امهاتهم لا عادن
راشد يطالعها بفضول
عباير:عاد ياكثر الحمدان ماتخبر اسم ابوه؟
راشد سكت للحظة يفكر ثم التفت لها بسرعة:حمدان فالح وبنته اسمها دلال
الجد بادي يطالعه بصدمة
عباير بتفكير:مااخبر احدن منهم متجوز وله بنت اسمها دلال!!
الجد بادي:هــيــه ياولد
راشد طالعه:سم ياجد
الجد بادي باستغراب:وش خبّرك ابهم!!من وين جبت علمهم!!
راشد:لا بس حمدان صديقي ويشتغل معي بنفس المدرسة
الجد بادي انخطف وجهه واعتدل بجلسته:ولد صاحي انت!!
راشد بقلق من صحة اللي يفكر به بلع ريقه وسط ابتسامة شاحبة:ايوا الله صاحي ياجد
الجد بادي بشك:انت عانين(تقصد)حمدان فالح صحيح وبنيته دلال
راشد:وبنته تقريبا ام سبع ثمان سنين بهالعمر
الجد بادي يطالعه بصدمة:انت توجس الصحيح ياولد؟!!
راشد:اي والله ياعم حتى انه اذنه اليمين بها جرح
الجد بادي اتسعت عيونه ووقف شعر جسمه ثم اخذ نفس وبجدية:راشد هاللي توجس به ميتن هو وبنيته من 15سنة!!
راشد اتسعت عيونه وهو يحس ببرودة أطرافه وسط صوت انفاسه البطيئة اللي يسمعها من صدمته وبلعثمة:ككيف يعني15سنة؟
الجد بادي بعصبية:هذاني أنشدك صاحي!!وشلون تراعي ناسن قضوا من الدنيا من سنين!!عقلك به شين ياولد!!
راشد وقف وهو يبتسم وسط شحوبه الواضح للكل:استأذنكم انا
الجد بادي بحدة:اقعد مامن مشية وانت بهاللون!!
راشد:زين زين أبروح اجيب ملابسي من البيت وراجع
الجد بادي:قومي ياعباير معه قومي
عباير وقفت وهي مصدومة من اللي سمعته
راشد:لا لا مايحتاج الجدار بالجدار باجيب أغراضي وراجع على طول،،مشى بدون لايعطيهم مجال يردون،،
الجد بادي وهو يطالع عباير:البسي عباتش وإقفي عالباب احتريه انا موجسه هالبقعا ماهي بكابتن(تاركة)احد صاحي!!
عباير:ابشر ياجد،،مشت بخطوات سريعة،،
راشد خرج من بيت بادي يمشي بذهول وهو اخر شي توقعه ميت وقف وهو يحس الدنيا تدور فيه هز راسه بتكذيب للي سمعه وهو يكلم نفسه:سولفت معه شكى لي همه حتى اني اكلت معهم وشلون ميتين!!،،اسرع بخطواته وهو يشد ع قبضته،،كذب كل اللي قالوه كذب!!
.
..مـجـلـس الشيخ مناور..
مفلح جالس بالمجلس ينتظر مناور
مناور دخل وارتفع حاجبه وهو يطالعه للحظة باستغراب ثم ابتسم:هـلا بك ياحيّه حي مفلح
مفلح وقف وصافحه فقط:الله يحييك وان شاء الله أراعي شين هالنوبة
مناور بمجاملة:ابشر ابشر باللي نحرز عليه مانقصر بك يامفلح ابشر،،جلس بمكانه،،
مفلح جلس جنبه:وش انعمل بسالفة فالح وحمدان واهله؟
مناور زفر:يامفلح وش تريد بعلوم ناسن قضوا!!
مفلح احتدت ملامحه:الحق هذا اللي أريده يامناور!!
مناور:يعلم الله ماعينت شين ابد يامفلح!!
مفلح:والضعيفة اللي يمي!!هاليتيمة اللي تجنيتوا(ظلمتوها)عليها وضيعتوا حقها بينكم!!
مناور بحدة:مانشنا(مالمسنا)حق احدن يامفلح!!بيت ابوها اللي انت خابره محدن غدا يمّه ابدن على ماهو عليه وحقها اللي توجس به
مفلح بعصبية:ايه قسم حمدان اللي بالمزرعة معكم وينه؟!!من توفى حمدان ماارعيت منكم شين ولاأوحيت طارين للمزرعة لامنك ولا من هلال!!
مناور:اكيد ماانت بموحين شي وحنا ماارعينا من حمدان غـيـر التهاويل!!
مفلح قطب جبينه بتكذيب:وش هالتهاويل اللي بتراعونها من حمدان وهو ضعيف وعلى نيته!!
مناور هز راْسه بايه:صحيح صحيح انه ولد حلال وماله بالصرايم دوبه بعياله وخيته وانا وهلال ردنا(بغينا)يمّه الخير اوجسنا يطش معنا بها مير انه من يوم ماطش معنا ماارعينا خير الى منّا ردينا(رجعنا)يمّه قسمه ومن عقبها والأمور زانت
مفلح اتسعت عيونه وبغبنة:ايه ايه اوجس هاللون وانت وش يغيظك!!اللي توجس به ميتن وخيته ماتوجس هرجة!!
مناور بحدة:احشم روحك يامفلح ولاتطشها علينا!!(لاتتهمنا)هالبنية اللي يمك ماتوجس هرجة ارعتني يوم رديت قسم اخوها والشاهد بيني وبين حمدان الله!!
مفلح عضت شفته السفلية بقهر
مناور:وثمن حمدان من يوم انه لفى يمّنا بهالفلوس الواجدة نشدناه عنها مرة وثنتين وثلاث واوجس انها من بياعة ذهب امه ومرته وخيته!!مير ماااش حتى البياعة ماتجيب هالكثر!!
مفلح قطب جبينه ساكت ومستغرب وهو متأكد ان اهل اخوه مالهم قدرة عالذهب
مناور زفر:شف يامفلح باوجس يمك شين بقليبي وانت تفطن زين واضحك كود انه مااعجبك وكبّه كنك مااوحيت شي
مفلح طالعه بفضول
مناور:يوم انه على ايامه ويغدي يمّنا لبقت(دخلت صدفة)عليه مرتن يتهاوش مع روحه!!
مفلح ضحك:وش هالعلم!!
مناور:ماقضيت يامفلح!!
مفلح اختفت ضحكته وهو يحس دخل بقلبه الشك
مناور:ماني برادك لاتضحك لأني ضحكت على روحي مير انه المرة اللي عقبها ماهو انا اللي ارعيت التهول بروحي معي هلال واللي ارعيناه ماهو بشين بسيط هول بنا يامفلح!!ايام وحنا نتهجج عن حمدان
مفلح بتقطيبة جبينه:وش اللي ارعيتوه؟!!
مناور:اللي اوجسه حمدان وهو مغتاظ وبالحيل مالكم شين يمي ماخبرنا غيّر وهو ينفض(طار)من مكانه على عيوننا لنص المزرعة وماحوله احد!!
مفلح سكت
مناور:والله ان بي شكة يامفلح هالبنية اللي يمك مااوجست شين من شي هول بها بذك الليلة
مفلح تنهد:هاذي اخر علومك اجل ياشيخ!!
مناور كشر بوجهه
مفلح:كبّ الاكذاب عنك ورد حق الضعيفة
مناور:اوحني يامفلح انا اوجست هالعلم بيني وبينك وعملتك اضحك وكبّه عنك كود انك ماانت باخذه وحق البنية ماني بعجزان عنه أحطه بيدك مير انه خله بالاول يجي لها حق يمي!!
مفلح وقف وبحدة:كود انك معيي عن حق الضعيفة لاترده اجل ابشر بالتهاويل يامناور والله لاطير المشيخة من يديك وانا ولد ابوي،،خرج،،
.
..بيت طلق..
طلق لاف البطانية عليه وهو جالس بملامح التعب اللي على وجهه مثبت عينه عليها يطالعه بهدوء
شامة ترفع صحون العشا من قدامه وتتجه بها للمطبخ وترجع
طلق وعينه عليها مـن تروح وترجع مارفعها عنها بوسط تفكيره
شامة رجعت له وبيدها الدلة وجلست قدامه وهي تنزلها عالارض:ياعلّ عدوك للعلل ي
طلق ابتسم
شامة وهي تاخذ الفناجيل بيدها:والله اني ضاقت بي الوسيعة وانا اراعيك معتل ياطلق
طلق بابتسامة هادية:صحيح ياشامة؟
شامة وهي تصب من الدلة:اَي بالله صحيح الصحيح،، ومدت الفنجال له،،سم ياعيني
طلق ابتسم ومد يده وهو يأخذ الفنجال:ياعيني!!
شامة ابتسمت بخجل:اجل!!
طلق بهدوءه:تريديني ياشامة؟
شامة:ووشلون مااريدك ياطلق!!انا لو اني مااريدك ماقبلت الجيزة من اولها
طلق:وليش قبلتي بي وانتي خابرة ان قليبي ماهو بيمش؟
شامة تضايقت شوي:خابرة انك ماانت بيمي مير يوم انك خطبت اوجست يريد ينساها ياشامة،،ابتسمت،،وبدّاك انتي على بنات الديرة عليهن كل ابوهن
طلق ميل فمه بعدم رضا:حتى عـقـب اللي اوحيتيه بهاك الليلة للحين تريديني؟
شامة هزت راْسها بايه:الصحيح نويت اكبّك اليوم التالي مير انه اوجست لروحي مااكبك مهتني بالك وانا متنكدة
طلق كشر بوجهه:وش هالنية القشرا ياشامة!!
شامة ضحكت:مير انك طيرت كل هالغيظ يوم اني عزمت اهلنا واكرمتهم وحطيتني فوق راسك عندهم نسيت كل اللي عملته بخاطري واوجست لروحي تصبري ياشامة يستاهل تحترينه
طلق زفر بابتسامة:عاد اوجس يمش العلم الوكاد ياشامة
شامة طالعته بابتسامة تخفي وراها قلقها:وشو؟
طلق:العلم اني انغصبت عليش ماهو من طيب خاطر
شامة خنقتها العبرة ونزلت عينها عالاغراض اللي قدامها وهي تحبسها
طلق:واوجست يمين اكبش ولاني رايدن يمش محبة
شامة رفعت عينها وهي تعض طرف شفتها السفلية بغبنة
طلق تنهد:وعباير انتي خابرة هي حبيبة هالقليب
شامة قاطعته وسط دمعتها اللي خانتها ونزلت قدامه:خابرة ووشلون مااخبر علومك مع عباير ووشلون حبك لها اللي كل الخليقة تعلمه!! طلق تنهد:مير اني مفارق للمحبة هالنوبة ياشامة
شامة تطالعه باستغراب
طلق وهو يعتدل بجلسته:انعليت وانا ارعيه حولها كـل حين
شامة برجفة صوتها:استح ياطلق!!
طلق تنهد وهو يكمل بدون اهتمام:قليبي عاف هالمحبة وانا ارعي من وراها صدود ومذلة ياشامة
شامة تطالعه بتكشيرة وسط غبنتها
طلق:غديت مااسوا شين بين العرب وهي ماتحشمني ابد
شامة بحدة:وثمن ياطلق؟؟
طلق:عفت ياشامة عليم الله عفت!!عفت هالعلل اللي تمرني ولا لقيت لها طب!!مير انه عقلي اوجسه ويوجسه دايم هالقليب اللي انعل دواه الصد ياطلق مثل ماصدقت عنك!!لافين يمش ياشامة لاتصدين وتزيدين علتي علة
شامة وقفت وبرجفة صوت وغبنة:لاطبت من علتها اغدا يمي ببيت ابوي حتى ادعيك تذوق العلة اللي من وراي،،مشت،،
.
..بيت غيث..
،،غرفة الحريم،،
،،اخوات غيث وأمه موجودين،،
هدية تقهويهم:ياحي الله من لافني ياحياهم الله
ام غيث:الله يسلمش ويبقيش تريحي تريحي ياهدية
هدية جلست بابتسامة:حي الله عمتي حياها
ام غيث:وينه غيث
هدية:غيث راقد
ام غيث:ذالحين!!ماهي بوقت نومة!!
هدية:كبيه يرقد اهون من صحيته
ام غيث احتدت نظرتها
نايفة اتسعت عيونها:وش هالوجس ياهدية!!
هدية:وانا مااوجست غير الصحيح!!
ام غيث:انتخي ياهدية عيب عليش هالعلوم اللي توجسينها!!
غيثة بحدة:اراعيش طال لسانش من حصلتي اللي تريدينه!!
هدية وهي تتقهوى وببرود:والله لاأوحيتي العلم اللي اوحيته ماظنتي تظلين ببيت رجلن مثله!!
ام غيث قطبت جبينها بتفكير
غيثة:لو يوجس مايوجس رجلش وتنكعمين!!
هدية طالعتها بحدة:هذا انتي ماهو بأنا ان اوجس كلمة يمي اوجست عـشـر
غيث اللي واقف عالباب سمع اخر كلامها دخل بخطوات سريعة وانحنى وشدها من شعرها قدام الكل وهو يسحبها خارج من الغرفة
،،اعتلى صراخ البنات وام غيث،،
هدية تحاول تفك نفسها من يده وسط دموعها اللي تحبسها
غيث دفها قدامه
هدية طاحت عالارض وهي تطالعه بحقد
غيث:والله ثم والله ان ماحشمتي عمرش وقضبتي لسانش عن اهلي وقبلهم انا ان تمنين يمضي عليش مامضى على بخوت وذا أضعف علومي
هدية وقفت وسط نظراتها الحادة:تعقب تنوشني(تلمسني)
غيث مد يده بيضربها من غبنته
هدية مسكت يده وبتهديد:هالنوبة سكت عنك التالية والله اني لاكب علمك يسري وسط هالديرة البقعا،،دفت يده ومشت،،
غيث مشى وراه وبصراخ:تخسين والله لاسنعش وانا ولد ابوي
ام غيث وقفت بطريقه ترده عنها وبحدة:تعوذ من ابليس ياغيث
غيث بغبنة:ماتوحين علومها سويدة الوجه
هدية وقفت على باب الغرفة وهي تلتفت عليهم:مرتن ثانية لابغيتوا تسيرون ردوا العلم من بدري،،دخلت وقفلت الباب بقوة،،
غيث جرى لباب الغرفة وهو يضربه بقوة وبصراخ:فكي يامال الصريمة فكييي
ام غيث:غيث
غيث التفت لها وهو يغلي
ام غيث:اتبعني وانا امك
.
.........****..........
..بيت عادل..
،،ورا البيت عايلة عادل مجتمعين كلهم ماعدا عادل وغازي اللي بدوامه،،
ام غازي جالسة ساكتة بزعل
رهايف اللي واقفة قبال بتال وبينهم الشواية متكتفة وتطالعه بتكشيرة
بتال يشوي ومنتبه لامه ونظرات رهايف اللي فضحته وهو يطالعها بحدة يبيها ماتطالعه
رهايف التفتت لورا:يمه تعالي شوفي التتبيلة
امجاد وهي تقوم لها:انا موجودة ليش تقولين لامي قولي لي!!
بتال ميل فمه بتكشيرة
رهايف كشرت بوجهها:ياحظك ماشاء الله والبر اللي عندك!!يوزن بلد!!
ام غازي:اَي والله الله يرضى عليها من بينكم هي الوحيدة اللي مرضيتني بكل شي
بتال:يمه تعالي شوفي السيخ مدري وش فيه
ام غازي:اَي والله ماتذكر امك الا ببطنك!!
رهايف زمت شفايفها تكتم ضحكتها
بتال كشر بوجهه وبحدة:فصيل
فيصل اللي عينه بجواله يلعب:نعم
بتال:رح وجيب مويا من داخل
فيصل وقف وهو يتأفف:طيب طيب
بتال بنرفزة:رح وانت ساكت يالله،،طالع امجاد اللي تشتغل،،انتبهي للشوي لايحترق
رهايف:وانا؟!!
بتال:خليك بعيدة بس يالله،،مشى لامه وجلس جنبها،،
ام غازي طنشته ووقفت واتجهت للشوي
بتال قام ولحقها:ام غازي ياالحب
ام غازي ماردت
رهايف تقلب الشوي
ام غازي وقفت عندها ضربتها على يدها وبعصبية:اتركيه حتى شوي ماتعرفين الله يعين جواد عليك!!
رهايف بزعل:يمه زعلانة من هالعملاق تخاصميني ليش!!
ام غازي:روحي جهزي السفرة بس وليتك تفلحين!!
رهايف:يمممه ليش الغلط طيب!!
بتال واقف وراها سلّم على راسها
ام غازي ماطالعته
بتال وهو يحط يده ع كتفها:ياروح بتال لـيـه الزعل ليه
ام غازي دفت يده وهي تحرك اكتافها:زين ماراحت روحك
بتال:الله الله الله الزعل واصل مليون عند الغالية!!
جسّار واقف قبالهم وهو يرفع يده: "سلام ... وهاي..
فاين ثانكيو يا جمله الجمهور..
اعشقها دبل وانطح الهمه على القمه..
اقوله من طناخه راس وادبلها ثري و فور..
هاذا العلم الوكيد وسمه الي يعجبك سمه..
ام غازي بابتسامة تخفي وراها تعصيبتها:ماشاء الله جيت!!
رهايف بتكشيرة:واااع يالثقة واااع ياشينك والله تعال تعال بس أوقف جنب اخوك وخذ نصيبك من التهزيء معه
جسّار وهو يعدل ياقة ثوبه ويمد يده لرهايف بشوفة نفس:وعسى من لامني حظه يرادف نيته معثور..
وعساه الا عساه اقولك الله يحفظه لامه..
ابو غازي وقف وراه ومسكه من كتفه وبحدة:اي والله الله يحفظك لامك الليلة
.
.
<صلوا عالنبي عليه افضل الصلاة وأتم التسليم>