ﺟﺮ ﻧﻔﺲ ﻭﺗﻤﺴﻚ ﺑﻴﻪ ﺍﻛﺜﺮ ... ﺍﻥ ﺷﺎﺀ ﺍﻟﻠﻪ ﺣﺒﻴﺒﺘﻲ ﺍﺣﺠﻲ ﻭﻳﻪ ﺍﻟﺪﻛﺘﻮﺭﻩ ﻭﺍﻥ ﺷﺎﺀ ﺍﻟﻠﻪ ﻧﻄﻠﻊ ...
ﺻﺪﻙ ﺭﺍﺡ ﺣﺠﻪ ﻭﻳﻪ ﺍﻟﺪﻛﺘﻮﺭﻩ ﻫﻲ ﻣﻘﺒﻠﺖ ﺑﺲ ﻃﻠﻌﺖ ﻋﻠﺊ ﻣﺴﺆﺅﻟﻴﺔ ﺻﻼﺡ ...
ﺧﻄﻴﻪ ﺟﺎﻥ ﻣﺪﺍﺭﻳﻨﻲ ﻭﺣﻨﻴﺘﻪ ﻃﺎﻏﻴﻪ ﻋﻠﻴﻪ ﺍﺧﺬﻧﻪ ﺗﻜﺴﻲ ﻭﺭﺟﻌﻨﻪ ﻟﻠﻔﻨﺪﻕ ...
ﺍﺭﺗﺎﺣﻴﺖ ﺷﻮﻳﻪ ﻭﻫﻮ ﺟﺎﺏ ﺍﻛﻞ ﻭﺍﺟﻪ ﺍﻛﻠﺖ ﻭﺑﻌﺪﻫﺎ ﺩﺧﻠﺖ ﺳﺒﺤﺖ ﺻﻠﻴﺖ ﺍﻟﻔﺮﻭﺽ ﺍﻟﻲ ﻓﺎﺗﺘﻨﻲ ...
ﺻﺎﺭ ﺩﻧﻴﺎ ﺍﻟﻴﻞ ﻧﻤﺖ ﺑﺼﻒ ﺻﻼﺡ ﻣﻊ ﺍﻟﻌﻠﻢ ﺗﻌﺒﺎﻧﻪ ﺣﻴﻴﻞ ﺍﻛﻮ ﺷﺊ ﻳﺎﻛﻞ ﺑﺠﺴﻤﻲ ﺑﺲ ﻣﺎ ﺍﻋﺮﻑ ﺷﻨﻮ
ﺟﺎﻥ ﺻﻼﺡ ﺣﺎﺿﻨﻲ ﻭﻳﺴﻮﻟﻒ ﻭﻳﺎﻳﻪ ﻭﻛﻞ ﺷﻮﻳﻪ ﻳﺘﺠﺮﺀ ﻭﻳﺒﻮﺳﻨﻲ ﻭﻳﺤﺮﻙ ﺍﺩﻳﻪ ﻋﻠﺊ ﺧﺼﺮﻱ ...
ﺿﺤﻜﺖ ﻭﺍﻧﻲ ﺍﺑﻌﺪ ﺍﻳﺪﻩ ... ﺍﺻﻠﻲ ﺻﻼﺓ ﺍﻟﻴﻞ ﺗﺼﻠﻲ ﻭﻳﺎﻳﻪ
ﺟﺮ ﻧﻔﺲ ... ﻻ ﺍﻧﻲ ﻣﺎ ﺍﺻﻠﻲ ﺻﻼﺓ ﺍﻟﻴﻞ ..
ﺍﺑﺘﺴﻤﺖ ﺑﺼﺪﻣﻪ ﻣﺼﻄﻨﻌﻪ ... ﻟﻴﻴﻴﻴﺶ؟ ﺗﺮﺉ ﻫﻲ ﺭﻛﻌﺘﻴﻦ ﻭﺍﻟﻠﻪ ﺍﺫﺍ ﺗﺼﻠﻴﻬﺎ ﺭﺍﺡ ﺗﺸﻮﻑ ﺑﻴﻬﺎ ﺣﻼﻭﻩ ﺍﻟﻴﻞ ﻭﺗﻀﺮﻉ ﺍﻟﺮﺏ ﺍﻟﻌﺎﻟﻤﻴﻦ ...
ﺷﻜﺪ ﺣﻠﻮ ﻣﻦ ﺗﺴﺠﺪ ﺑﻨﺺ ﺍﻟﻴﻞ ﻭﺍﻧﺖ ﺗﻨﺎﺟﻲ ﺭﺑﻚ ﻭﺗﻄﻠﺐ ﻣﻨﻪ ﺍﻟﻤﻐﻔﺮﻩ ﻭﺍﻟﺮﺣﻤﻪ ﻭﺍﻟﻮﺍﺳﻌﻪ ...
ﺗﺪﺭﻱ ﺻﻼﺡ ﺍﻧﻲ ﻣﻦ ﺟﻨﺖ ﺍﺳﺠﺪ ﻭﺍﻧﻲ ﺍﻧﺎﺟﻲ ﺭﺑﻲ ﻭﺍﻓﻴﺾ ﺑﺪﻣﻊ ﻋﻴﻨﻲ ﻭﺍﻧﻲ ﺍﺣﺠﻴﻠﻪ ﻋﻦ ﺍﺳﺮﺍﺭﻱ ﻭﺍﻃﻠﺐ ﻗﻀﺎﺋﻬﺎ
ﺟﻨﺖ ﺍﻧﺎﺟﻲ ﺑﺪﻣﻊ ﻋﻴﻨﻲ ﻭﻣﺤﺪ ﻣﻠﻚ ﻛﻠﺒﻲ ﻏﻴﺮﻩ ﻭﻣﻊ ﻛﻞ ﻫﺬﺍ ﻃﻠﺒﺘﻚ ﺯﻭﺟﻚ ﻳﺼﻮﻧﻲ ﺑﻘﻴﺎﻡ ﺍﻟﻴﻞ ﻣﻦ ﺭﺑﻲ ﻭﺍﻟﺤﻤﺪ ﺍﻟﻠﻪ ﻣﺎ ﺧﺎﺏ ﺿﻨﻲ ﻭﺍﻟﺤﻤﺪ ﻟﻠﻪ ﺍﻧﺖ ﺯﻭﺟﻲ ...
ﻭﻣﻮ ﺑﺲ ﻫﻴﺞ ﻳﺎ ﺻﻼﺡ ﺍﻛﻮ ﻏﻴﺮﻧﻪ ﻣﺪﻓﻮﻧﻴﻦ ﺟﻮﻩ ﺍﻻﺭﺽ ﻭﻫﻢ ﻳﺘﻤﻨﻮﻥ ﻟﻮ ﻳﺮﺟﻊ ﺑﻴﻬﻢ ﺍﻟﺰﻣﻦ ﻳﺼﻠﻮﻥ ﻟﻴﻞ ﻭﻧﻬﺎﺭ ﻭﻣﻴﺠﺎﻭﺯﻥ ﺭﺑﻬﻢ
ﺍﻫﻞ ﺍﻟﻘﺒﻮﺭ ﻳﺘﻤﻨﻮﻥ ﻟﻮ ﻳﺮﺟﻌﻮﻥ ﻳﺴﺠﺪﻭﻥ ﺳﺠﺪﻩ ﻭﺣﺪﻩ ﻟﻠﺸﻔﺎﻋﻪ ﺑﻴﻮﻡ ﺍﻟﺒﺮﺯﺥ ﻟﻴﺶ ﺍﺣﻨﻪ ﻣﺎ ﻧﻘﻮﻡ ﺑﻮﺍﺟﺒﺎﺗﻨﻪ ﺗﺠﺎﻩ ﺭﺑﻨﺎ ...
ﺻﻼﺡ ﺩﺍﺋﻤﺎ ﻛﺮﺭ ﻫﺬﻱ ﺍﻟﺠﻤﻠﻪ ﻭﺷﻮﻑ ﺷﻠﻮﻥ ﺭﺍﺡ ﺗﺤﺐ ﺻﻼﻭ ﺍﻟﻴﻞ ﻭﺗﺪﺍﻭﻡ ﻋﻠﺊ ﺻﻼﺗﻬﺎ ...
ﻫﻤﺲ ﺑﺘﻔﻬﻢ ... ﺷﻨﻮ ﺣﺒﻴﺒﺘﻲ
ﺍﻟﻠﻬﻢ ﺍﺟﻌﻠﻨﺎ ﻣﻤﻦ ﻳﻘﻮﻣﻮﻥ ﻟﻴﻠﻚ ﺳﺠﺪﺍ ...
ﺍﺑﺘﺴﻢ ﻭﺑﺎﺳﻨﻲ ﺑﺜﻐﺮﻱ ... ﺍﻣﻴﻴﻦ
ﺧﺠﻠﺖ ﻣﻨﻪ ﻭﺭﺣﻨﻪ ﺗﻮﺿﻴﻨﻪ ﻭﺍﻗﻤﻨﻪ ﺻﻼﺓ ﺍﻟﻴﻞ ﻭﺍﻟﺪﻋﺎﺀ ﻟﻜﻞ ﺍﻣﺔ ﻣﺤﻤﺪ ﺑﺲ ﻟﺤﺪ ﺍﻻﻥ ﺗﺠﻴﻨﻲ ﻧﻮﺑﻪ ﻧﺰﻑ ﻣﻦ ﺧﺸﻤﻲ ﻭﻣﺎ ﺍﻋﺮﻑ ﺍﻟﺴﺒﺐ ...
...........................
ﺟﻮﻟﻴﻴﺖ ...
ﺷﻨﻮ ﺫﻧﺒﻲ ﺷﻨﻮ ﺍﻟﺨﻄﺄ ﺍﻟﻲ ﺳﻮﻳﺘﻪ ﻭﺷﻨﻮ ﺍﻟﻲ ﺍﺭﺗﻜﺒﺘﻪ ﺑﺤﻘﻪ ﺣﺘﺊ ﻫﻴﺞ ﻳﺠﺎﺯﻳﻨﻲ
ﺍﻟﺤﺰﻥ ﻳﻐﺘﺎﻝ ﺭﻭﺣﻲ ﻭﻗﻠﺒﻲ ﻭﻳﻌﺬﺑﻨﻲ ...
ﺍﺍﺍﻩ ﻣﻦ ﻫﻞ ﺣﻴﺎﺓ ﺍﻟﻲ ﻣﺎ ﻧﺼﻔﺘﻨﻲ ﺍﺭﺟﻊ ﺑﺬﺍﻛﺮﺗﻲ ﺍﺷﻮﻑ ﺍﻧﺠﺮﺡ ﺧﺪﻱ ﻭﺍﻧﺴﻠﺒﺖ ﺭﻭﺣﻲ
ﻟﺰﻣﺖ ﻗﻠﺒﻲ ﺑﻮﺟﻊ ... ﺍﺍﺍﻩ ﺷﻨﻮ ﻣﻦ ﮔﻠﺐ ﺷﺎﻳﻠﻪ ﻻ ﻳﺠﻮﺭ ﻋﻠﻴﻬﻢ ﻭﻻ ﻳﻘﺴﺊ ﻋﻠﻴﻬﻢ ﺷﻜﺪ ﻋﺬﺑﻮﻧﻲ ﻭﻟﺤﺪ ﺍﻻﻥ ﺍﺣﺒﻬﻢ ﻭﻣﺎ ﺍﺭﻳﺪ ﻳﺘﺎﺫﻭﻥ ﻫﻢ ﻫﻮ ﻭﻫﻢ ﺍﺧﻮﺍﻧﻲ ...
ﺷﻜﺪ ﻋﺬﺑﻮﻧﻲ ﻭﻗﺴﻮﺍ ﻋﻠﻴﻪ ﻭﺍﻧﻲ ﺍﺣﻦ ﺍﻟﻬﻢ ﻭﺍﺗﻤﻨﺊ ﺍﻧﺎﻡ ﻣﻄﻤﺎﻧﻪ ﺑﺎﺣﻀﺎﻧﻬﻢ ...
ﻫﻤﺴﺖ ﺑﻮﺟﻊ ... ﺗﺪﺭﻱ ﻛﺎﺳﺮ ﻣﻨﻮ ﺍﻧﻲ؟ ﺍﻧﻲ ﻫﺎﻱ ﺍﻟﻲ ﺍﻣﻮﺕ ﻣﻦ ﺍﻟﻮﺟﻊ ﺑﺲ ﻣﺎ ﺍﮔﻮﻟﻚ
ﻣﻦ ﺳﻤﻌﺖ ﺣﻴﺴﺎﻓﺮ ﻟﺤﺪ ﺍﻻﻥ ﻭﺍﻧﻲ ﺍﻟﺤﻴﺎﺓ ﻋﻨﺪﻱ ﺍﻧﻌﺪﻣﺖ
ﻛﺘﻔﻴﺖ ﺑﺎﻟﺘﺠﺎﻫﻞ ﻭﺍﻟﺼﻤﺖ ﺭﻏﻢ ﺷﻌﻮﺭ ﺑﺪﺍﺧﻠﻲ ﻳﻨﻬﺶ ﺑﻨﻴﺎﻁ ﻗﻠﺒﻲ ...
ﺍﺳﺎﻓﺮ ﺍﻟﺴﻮﺭﻳﺎ .....
ﻫﻞ ﻛﻠﻤﺔ ﺿﻠﺖ ﺗﺮﻥ ﺑﺎﺫﺍﻧﻲ ﻳﺎﺭﺑﻲ ﻟﻴﺶ ﻳﺮﻳﺪ ﻳﺪﻭﺭ ﺷﺎﻡ ﺑﻴﻦ ﺍﺯﻗﺔ ﺍﻟﺸﺎﻡ ...
ﻳﺮﺟﻌﻬﺎ ﻳﺤﺒﻬﺎ ﻳﻬﺘﻢ ﺑﻴﻬﺎ ﻳﻐﺮﮔﻬﺎ ﺑﺤﻨﺎﻧﻪ ﻭﺣﺒﻪ ﻭﺍﻧﻲ ﻳﺪﻣﺮﻧﻲ ﻭﻳﺮﻣﻴﻨﻲ ﺑﺪﻫﺎﻟﻴﺰ ﻣﻀﻠﻤﻪ ﻳﻜﺮﻫﻨﻲ ﻣﺎ ﻳﺤﺒﻨﻲ ﻣﻦ ﻳﻮﻡ ﻳﻮﻣﻪ ..
ﺑﻠﻌﺖ ﺭﻳﻜﻲ ﺑﺼﻌﻮﺑﻪ ﻫﺬﺍ ﻫﻮ ﺷﻴﺮﻳﺪ ﻳﺴﻮﻱ ﺧﻠﻲ ﻳﺴﻮﻱ ﺍﺻﻼ ﺍﺟﺖ ﺷﺎﻡ ﺍﻭ ﻻ ﺍﻧﻲ ﻣﻬﺠﻮﺭﻩ ﻣﻬﺠﻮﺭﻩ ﻭﺍﺳﻴﺮﻩ ﻋﻨﺪﻩ ﻣﺎ ﺍﻋﺮﻑ ﺷﻮﻛﺖ ﻳﻄﻠﻖ ﺳﺮﺍﺣﻲ
ﺭﺣﺖ ﻳﻢ ﺭﺿﻴﻪ ﻭﺍﻧﻲ ﺍﻏﺴﻞ ﻣﻼﺑﺲ ﻛﺎﻟﺖ ... ﺷﺒﻴﺞ ﻣﻄﻨﻜﺮﻩ ﺧﻴﺮﺝ ؟
ﺭﻣﺸﺖ ﺑﻌﻴﻮﻧﻲ ﺑﺄﻟﻢ ... ﺭﺍﺡ ﻳﺪﻭﺭ ﻋﻠﺊ ﺷﺎﻡ ﻭﻳﺮﺟﻌﻬﺎ ﻣﻮﻭ؟
ﺭﺿﻴﻪ ... ﻭﺷﻨﻮ ﻫﺴﻪ ﺍﺗﺬﻛﺮ ﻳﺮﺟﻌﻬﺎ ﻻ ﻳﻤﻪ ﻋﻨﺪﻩ ﺷﻐﻞ ﻭﻣﻨﺎﻙ ﻳﺮﻭﺡ ﺍﻟﺘﺮﻛﻴﺎ ﺍﻧﺘﻲ ﻣﺎ ﺗﻌﺮﻓﻴﻦ ﻃﺒﻴﻌﻴﺔ ﺷﻐﻠﻪ ...
ﻋﻘﺪﺕ ﺣﻮﺍﺟﺒﻲ ... ﻳﻌﻨﻲ ﻣﺮﺍﺡ ﻳﺪﻭﺭ ﻋﻠﺊ ﺷﺎﻡ
ﺿﺤﻜﺖ ... ﻭﻳﻦ ﻳﻠﮕﺎﻫﺎ ﺑﻬﻞ ﺯﻟﮓ ﻫﻲ ﺍﻟﺒﻨﻴﻪ ﻳﻤﻜﻦ ﻣﺎﺗﺖ ﻭﻣﺪﺭﻱ ﻋﻨﺪ ﺍﻟﺪﻭﺍﻋﺶ ﺍﻟﻠﻪ ﺍﻋﻠﻢ ...
ﺍﻧﻘﻬﺮﺕ ﻋﻠﻴﻪ ﻳﺎﺭﺑﻲ ﻫﺴﻪ ﻟﻮ ﺷﺎﻡ ﻣﻮﺟﻮﺩﻩ ﺟﺎﻥ ﺍﻧﻲ ﻣﺎ ﺗﺰﻭﺟﺖ ﻭﻻ ﺍﺧﻮﻳﻪ ﻗﺘﻞ ﺍﻫﻠﻪ ﻭﻻ ﺻﺎﺭ ﺍﻟﻲ ﺻﺎﺭ ﺑﺲ ﻟﻮ ﺯﺭﻋﻮﻫﺎ ﻭﻣﺎ ﺧﻀﺮﺕ ...
ﺭﺣﺖ ﻏﺴﻠﺖ ﻣﻼﺑﺲ ﺍﻃﻔﺎﻟﻲ ﻭﺻﻌﺪﺕ ﺩﺍ ﺍﺷﺮﻫﻢ ﻓﻮﻙ ﺷﻔﺖ ﻧﻮﺍﻝ ﺗﺤﺴﺐ ﺑﻜﻮﻣﻪ ﻣﺎﻝ ﻓﻠﻮﺱ ﺗﻔﺎﺟﺌﺖ ﻣﻨﻴﻠﻪ ﺑﺲ ﻛﻠﺖ ﻳﻤﻜﻦ ﺍﺳﺘﻠﻤﺖ ﺭﺍﺗﺐ ﻓﻼﺡ ﻻﻥ ﻫﻲ ﺷﻠﻮﻥ ﻟﻮﺗﻴﻪ ﻋﻘﺪﺕ ﺑﺲ ﺳﻴﺪ ﺣﺘﺊ ﻣﺎ ﻳﻜﻄﻌﻮﻥ ﻋﻨﻬﺎ ﺍﻟﺮﺍﺗﺐ ﻣﺎ ﻋﻘﺪﺕ ﺑﺎﻟﻤﺤﻜﻤﻪ ...
ﺿﻠﻴﺖ ﺍﺷﺮ ﺑﺎﻟﻤﻼﺑﺲ ﻋﻠﺊ ﺍﻟﺤﺒﻞ ﺑﺎﻭﻋﺖ ﻟﻠﺪﻳﺞ ﻣﺎﻟﺔ ﺧﺎﻟﺘﻲ ﺻﺒﺮﻳﻪ ﻟﺠﺎﺑﺘﻪ ﻫﺪﻳﻪ ﺍﻟﻨﻪ ﻣﺮﺑﻮﻁ ﺑﺮﺟﻠﻪ ﺑﺤﺒﻞ ...
ﻃﺒﻌﺎ ﻫﺬﺍ ﺍﻟﺪﻳﺞ ﻣﺪﺭﻱ ﺷﻤﻮﻛﻠﺘﻪ ﺻﺒﺮﻳﻪ ﻣﺴﻮﻳﺘﻪ ﺛﻮﺭ ﺍﺳﺘﺮﺍﻟﻲ ﺷﻜﺒﺮﻩ ﻭﺷﻜﺪﻩ ﻭﻳﺨﻮﻭﻑ ...
ﻃﻮﻭﻳﻞ ﻭﻣﻐﺮﻭﺭ ﻭﻧﺎﻓﺶ ﺭﻳﺸﻪ ﻭﻣﻨﻮ ﺗﺼﻌﺪ ﻓﻮﻙ ﻳﺎﻛﻠﻬﺎ ﺍﻛﻞ ﻋﺒﺎﻟﻚ ﭼﻠﺐ ﺣﺮﺍﺳﻪ ﻣﻮ ﺩﻳﺞ ...
ﻟﺬﻟﻚ ﺟﻌﻔﺮ ﺭﺑﻄﻪ ﺑﺤﺒﻞ ﺣﺘﺊ ﺑﻌﺪ ﻣﺎ ﻳﺘﻔﺮﻋﻦ ﻋﻠﻴﻨﻪ ...
ﺍﻧﻲ ﺟﻨﺖ ﺍﺷﺮ ﺑﺎﻟﻤﻼﺑﺲ ﻭﻫﻮ ﻳﻌﺖ ﺑﺎﻟﺤﺒﻞ ﻭﻳﻌﻮﻋﻲ .. ﻭﻳﺠﺮ ﻭﺍﻧﻲ ﺧﺎﻳﻔﻪ ﺍﺑﺎﻭﻋﻠﻪ ﺑﺤﺬﺭ ...
ﻫﻮ ﻓﺘﺢ ﺍﻟﺤﺒﻞ ﻭﻫﺠﻢ ﻋﻠﻴﻪ ﺭﻛﻀﺖ ﺑﺨﻮﻑ ﻭﺣﺼﺮﺕ ﺭﻭﺣﻲ ﺑﺎﻟﺒﻴﺘﻮﻧﻪ ﺿﺮﺑﺘﻪ ﺑﺎﻟﮕﻤﺎﻁ ﻣﺎﻟﺘﻪ ﺭﺿﺎﻭﻱ ﻭﺍﻧﻲ ﺍﺑﺠﻲ ... ﺍﺑﻦ ﺍﻟﻨﻌﺎﻝ ﻭﺧﺮﺭﺭ ﺍﺑﻦ ﺍﻟﺰﻣﺎﻝ ﻳﻤﻪ ﺭﺍﺡ ﻳﻌﻀﻨﻲ
ﻭﻫﻮ ﻳﻨﻜﺮ ﺑﺮﺟﻠﻴﻪ ﻭﻳﺼﻴﺢ ﻭﺍﺿﺮﺏ ﺑﻲ ﻣﻴﻔﻴﺪ ﺑﺲ ﺷﺒﻌﺘﻪ ﻣﺴﺒﻪ ...
ﻣﺎ ﺍﺷﻮﻑ ﺍﻟﻪ ﺟﺎﺳﺮ ﺻﻌﺪ ﻛﺎﻝ ﺑﻌﺼﺒﻴﺔ ... ﺛﻮﻭﻭﻭﻝ ﻋﺒﺎﻟﻲ ﻭﺍﺣﺪ ﺣﺼﺮﺝ ﻣﺨﻠﺼﺘﻬﺎ ﺍﺑﻦ ﺍﻟﻨﻌﺎﻝ ﺍﺑﻦ ﺍﻟﺰﻣﺎﻝ ﻭﺗﺎﻟﻴﻬﺎ ﻳﻄﻠﻊ ﺍﻟﺪﻳﺞ؟
ﺭﺩﻳﺖ ﺑﻨﻈﺮﺍﺕ ﺧﺎﻳﻔﻪ ﻭﺍﻧﻲ ﻻﺯﻣﻪ ﺍﻟﻜﻤﺎﻁ ... ﻋﻀﻨﻲ؟
ﺭﺟﻊ ﻧﻜﺮﻧﻲ ﻭﺍﻧﻲ ﻋﻄﺖ ﻭﺿﺮﺑﺘﻪ ﺑﺲ ﻫﻮ ﻭﻳﻦ ﺷﺎﻳﺦ ﻣﻮ ﺩﻳﺞ ﻻ ﻳﻨﺰﺍﺡ ﻭﻻ ﻳﻮﺧﺮ ...
ﺍﺗﻘﺮﺏ ﻣﻨﻪ ﺟﺎﺳﺮ ﻭﺷﺎﻟﻪ ﺑﺮﺷﺎﻗﻪ ﻭﻋﻜﻒ ﺭﺟﻠﻴﻪ ﻧﺰﻟﻪ ﻭﻫﻮ ﺷﺎﻳﻠﻪ ﻣﻦ ﺭﺟﻠﻴﻪ ﻭﺭﺍﺳﻪ ﻟﻴﺠﻮﻩ ﻭﻳﺼﻴﺢ ﻣﻌﺎﺟﺒﻪ ﺍﻟﻮﺿﻊ ...
