ﺩﻛﻴﺖ ﺍﻟﺒﺎﺏ ﻋﻠﺊ ﻣﺎﻣﺎ ﺭﺿﻴﻪ ﻭﺩﺧﻠﺖ ﻟﻜﻴﺘﻬﺎ ﻧﺎﻳﻤﻪ ﺧﻠﻴﺖ ﺍﻷﻃﻔﺎﻝ ﻋﻠﺊ ﺻﻔﺤﻪ ﻭﺣﻀﻨﺘﻬﺎ ﻭﻧﻤﺖ ﻳﻤﻬﺎ ﻫﻲ ﻏﻄﺘﻨﻲ ﻛﺎﻟﺖ ... ﻫﺎﺍﺍ ﻳﻤﻪ ﺧﻴﺮﺝ ﺍﻟﻴﻮﻡ ﻻﻓﻴﻪ ﻋﻠﻴﻪ
ﺑﻠﻌﺖ ﺭﻳﻜﻲ ... ﺍﻱ ﻣﺎﻣﺎ ﺍﺧﺎﻑ ﻣﻦ ﺍﻟﺠﻨﻲ
ﺿﺤﻜﺖ ﻭﺣﻀﻨﺘﻨﻲ ﻋﺒﺎﻟﻚ ﻃﻔﻠﺘﻬﺎ ﺍﻟﻤﺪﻟﻠﻪ ... ﻓﺪﻭﻩ ﺍﺭﻭﺡ ﺍﻟﺮﻭﺣﺞ ﻳﻤﻪ ﻭﻟﺞ ﻫﺎﻱ ﻛﻼﻭﺍﺕ ﻣﻦ ﻧﻮﻳﻠﻪ ﺗﺮﻳﺪ ﺟﻌﻔﺮ ﻳﻀﻞ ﻳﻤﻬﺎ ﻭﻣﺎ ﻧﺠﺤﺖ
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ... ﻳﺎﺍﺍ ﻋﺰﺍ ﺑﻌﻴﻨﻬﺎ ﻭﺍﻧﻲ ﺑﻠﻌﺖ ﺍﻟﻌﺎﻓﻴﻪ ﻣﻦ ﻭﺭﺍﻫﺎ
ﺟﺮﺕ ﻧﻔﺲ ... ﺑﻴﻬﺎ ﺳﻮﻟﻪ ﻣﺎﻝ ﺩﺭﺍﻣﺎ ﻭﺟﺬﺏ ﺧﻠﻲ ﺗﻮﻟﻲ ﺻﺎﺭ ﺳﻨﻴﻦ ﻛﺎﻋﺪﻳﻦ ﺑﻬﻞ ﺑﻴﺖ ﻣﺎ ﻃﻠﻊ ﺍﻟﻨﻪ ﺟﻨﻲ
ﺣﻀﻨﺘﻬﺎ ﻭﺧﻠﻴﺖ ﺭﺍﺳﻲ ﻋﻠﺊ ﺻﺪﺭﻫﺎ ... ﺗﺨﻴﻠﺖ ﺍﻣﻲ ﺑﻴﻬﺎ ﺷﻜﺪ ﻣﺸﺘﺎﻗﻪ ﺍﻟﻬﺎ ﺍﻛﺜﺮ ﻣﻦ ﺳﻨﻪ ﻣﺤﺮﻭﻣﻪ ﻣﻨﻬﺎ ﺷﻠﻮﻥ ﻛﺪﺭﺕ ﺗﻔﺎﺭﻛﻨﻲ ﻭﺍﻟﻠﻪ ﻣﻴﺘﻪ ﻗﻬﺮ ﻋﻠﻴﻬﺎ ..
ﻫﻤﺴﺖ ﺭﺿﻴﻪ ... ﻟﻴﺶ ﻣﺎ ﺭﺣﺘﻲ ﻳﻢ ﺟﺎﺳﺮ ﻧﻤﺘﻲ
ﺭﻓﻌﺖ ﻋﻴﻮﻧﻲ ﺍﻟﻬﺎ ... ﻣﺎ ﻳﺤﺒﻨﻲ ﻭﻻ ﻳﺮﻳﺪ ﺍﺿﻞ ﻳﻤﻪ ﻫﻮ ﺣﺮﻣﻨﻲ ﻋﻠﺊ ﻧﻔﺴﻬﺎ ﺷﻜﻮ ﻛﺎﺳﺮﻩ ﻛﺒﺮﻳﺎﺋﻲ ﻭﺭﺍﻳﺤﻪ ﻋﻨﺪﻩ ﻣﺘﺴﻮﻩ ﻭﺍﻟﻠﻪ ...
ﻣﺴﺤﺖ ﻋﻠﺊ ﺷﻌﺮﻱ ﺑﺤﻨﺎﻥ ... ﺍﻟﻠﻪ ﻳﺼﻠﺤﻜﻢ ﻳﻤﻪ
ﻫﻤﺴﺖ ... ﺃﻣﻴﻦ ﻭﻧﻤﺖ ﺑﺤﻀﻨﻬﺎ ﻭﺍﺗﺨﻴﻞ ﺑﻴﻬﺎ ﺍﻣﻲ ﺍﻟﻔﺎﻗﺪﺗﻬﺎ ﻣﻦ ﺯﻣﺎﻥ ...
ﻛﻌﺪﺕ ﺍﻟﺼﺒﺢ ﺍﻟﻜﻞ ﻣﻤﻮﺟﻮﺩ ﺑﺲ ﺍﻟﺒﻨﺎﺕ ﺧﻠﺼﺘﻬﺎ ﺗﻨﻀﻴﻒ ﻭﻣﺎ ﺍﻋﺮﻑ ﺷﻨﻮﻭ
ﺧﺎﺑﺮﺕ ﺧﺎﻟﻪ ﺻﺒﺮﻳﻪ ﻛﺎﻟﺖ ... ﺍﻥ ﺷﺎﺀ ﺍﻟﻠﻪ ﺍﻻﺳﺒﻮﻉ ﺍﻟﺠﺎﻱ ﻧﺮﺟﻊ
ﻭﻧﻮﺍﻝ ﺧﺎﺑﺮﺕ ﺍﻣﻬﺎ ﺍﺟﺖ ﻭﺧﻠﺖ ﻭﺭﺍﺣﺖ ﺷﻮﻳﻪ ﻭﺍﺟﺖ ﺟﺎﻳﺒﻪ ﻋﻼﻛﻪ ﻣﺘﺮﻭﺳﻪ ﺑﺨﻮﺭ ﻭﻣﺪﺭﻱ ﺷﻨﻮ . ﺿﻠﺖ ﺗﺮﺵ ﺑﺎﻟﺒﻴﺖ ﻭﻏﺮﻓﺘﻬﺎ ﺩﻛﻮﻝ ﺣﺘﺊ ﻳﺮﻭﺡ ﺍﻟﺠﻨﻲ ...
ﻣﺎ ﺍﻫﻤﺘﻴﺖ ﺍﻟﻬﺎ ﻭﺭﺟﻌﺖ ﺍﻧﻀﻒ ﻭﻗﺎﺭ ﺟﺎﻧﺖ ﺗﺨﺎﺑﺮ ﺑﺪﺍﻭﻭﺩ ﻭﻓﺠﺄﺓ ﺿﺎﺟﺖ ﻭﻗﻔﻠﺖ ﺍﻟﺨﻂ ﺧﻔﺖ ﻛﻠﺖ ﺧﺎﻑ ﺣﺠﻪ ﺷﺊ ﺍﻭ ﺿﻮﺟﻬﺎ ...
ﺻﺮﺕ ﺍﺣﺠﻲ ﻭﻳﺎﻫﺎ ﻭﺍﻟﻤﺢ ﺍﻟﻬﺎ ﺑﻠﻜﻲ ﺗﻔﺴﺦ ﺍﻟﺨﻄﺒﻪ
ﻛﺎﻟﺖ ... ﺑﺲ ﺍﺭﻳﺪ ﺍﻋﺮﻑ ﻫﻮ ﻣﻮ ﺧﻮﺵ ﻭﻟﺪ ﺍﺷﻮ ﺍﺳﻠﻮﺑﻪ ﻣﻌﺠﺒﻨﻲ
ﺟﺮﻳﺖ ﻧﻔﺲ ... ﻭﺍﻟﻠﻪ ﻫﻮ ﻣﻮ ﻫﻠﻜﺪ ﺧﺎﻟﺘﻲ ﺻﺒﺮﻳﻪ ﻣﺘﺤﺒﻪ
ﻭﻗﺎﺭ ﺑﺘﻨﻬﻴﺪﻩ ... ﺍﺫﺍ ﻣﺎ ﺑﻲ ﺧﻴﺮ ﺍﻟﻠﻪ ﻳﺒﻌﺪﻩ ﻋﻨﻲ ﻭﺍﺫﺍ ﺑﻲ ﺧﻴﺮ ﺍﻟﻠﻪ ﻳﻘﺪﻣﻪ ...
ﺟﺮﻳﺖ ﻧﻔﺲ ... ﺍﻟﺤﻤﺪ ﻟﻠﻪ ﻋﻠﺊ ﻛﻞ ﺣﺎﻝ ﻭﻫﻤﺴﺖ ﺑﻜﻠﺒﻲ ﺍﻟﻠﻪ ﻳﺒﻌﺪﻩ ﻋﻨﺞ ﺍﻥ ﺷﺎﺀ ﺍﻟﻠﻪ ﺍﺑﻮﺝ ﻳﺪﻋﻴﻠﺞ ﻳﺨﻠﺼﺞ ﻣﻦ ﻫﻞ ﻋﺎﺭ
ﺷﻮﻳﻪ ﻭﺩﺧﻞ ﺟﺎﺳﺮ ﻛﻌﺪ ﺭﺍﺩ ﺍﻻﻃﻔﺎﻝ ﺍﺧﺬﺗﻬﻢ ﺍﻟﻪ ﺟﺎﻧﺖ ﺧﺎﻟﺘﻲ ﻭﺭﺿﻴﻪ ﻛﺎﻋﺪﺍﺕ
ﻛﺎﻝ ﺑﺘﻨﻬﻴﺪﻩ ﻭﺑﺮﻭﺩ ... ﺑﺎﺟﺮ ﺍﺳﺎﻓﺮ ﻟﺴﻮﺭﻳﺎ ...
.....................
ﺭﻳﻬﺎﻡ ...
ﻓﺘﺤﺖ ﻋﻴﻮﻧﻲ ﺑﺼﻌﻮﺑﻪ ﺩﺍ ﺍﺳﺘﻮﻋﺐ ﺍﻧﻲ ﻭﻳﻴﻴﻦ ﺭﻣﺸﺖ ﺑﻌﻴﻮﻧﻲ ﺍﻛﺜﺮ ﻣﻦ ﻣﺮﻩ ﺷﻔﺖ ﺍﻟﺪﻛﺘﻮﺭﻩ ﺩﺗﺸﻜﻞ ﺑﺎﻟﻤﻐﺬﻱ
ﻫﻤﺴﺖ ﺑﻮﺟﻊ ... ﺍﻧﻲ ﻭﻳﻴﻦ
ﺭﺩﺕ ﺑﺒﺘﺴﺎﻣﻪ ﻫﺎﺩﺋﻪ ... ﺍﻧﺘﻲ ﺑﺎﻟﻤﺴﺘﺴﻔﺊ ﻃﻬﻮﺭ ﺍﻥ ﺷﺎﺀ ﺍﻟﻠﻪ ﻭﺵ ﺗﺒﻴﻦ ؟ ﺯﻭﺟﻚ ﻳﺒﻲ ﻳﺸﻮﻓﻚ ﺍﺧﻠﻲ ﻳﺪﺧﻞ ﻋﻨﺪﻙ؟
ﻛﻌﺪﺕ ﻭﺍﻧﻲ ﺍﻋﺪﻝ ﺑﺤﺠﺎﺑﻲ .. ﺍﻱ ﺍﻱ ﻋﻔﻴﻪ ﺧﻠﻲ ﻳﺪﺧﻞ ...
ﺿﺤﻜﺖ ... ﺍﻥ ﺷﺎﺀ ﺍﻟﻠﻪ ﻣﺎ ﻃﻠﺒﺘﻲ ﺷﺊ
ﺭﺍﺣﺖ ﺗﺼﻴﺤﻪ ﻭﺍﻧﻲ ﺍﺣﺲ ﺍﻟﻜﺎﻉ ﺗﻔﺘﺮ ﺑﻴﻪ ﻭﻛﻞ ﺷﻮﻳﻪ ﺗﻐﻮﺵ ﺍﻟﺪﻧﻴﺎ ﺑﻌﻴﻨﻲ ...
ﻟﺰﻣﺖ ﺭﺍﺳﻲ ﺑﻮﺟﻊ ﺍﺭﻳﺪ ﺍﺗﺬﻛﺮ ﺷﻨﻮ ﺍﻟﻲ ﺻﺎﺭ ... ﺗﺬﻛﺮﺕ ﺗﺬﻛﺮﺕ
ﻣﻦ ﻛﺎﻝ ... ﺗﺒﻴﻦ ﺍﺧﺬﺝ ﺍﻟﻤﻜﺎﻥ ﺗﺤﺒﻴﻨﻪ .. ﺍﻧﻪ ﻭﺍﻳﻴﺪ ﺣﺒﻴﺘﺞ
ﻣﺸﻴﺖ ﺑﺴﺮﻋﻪ ﻭﺍﻧﻲ ﺍﺣﺘﻀﻦ ﻧﻔﺴﻲ ﺑﺨﻮﻭﻑ ﻧﺰﻝ ﻫﻮ ﻣﻦ ﺳﻴﺎﺭﺗﻪ ﻭﻣﺸﻪ ﻭﺭﺍﻳﻪ ﺑﺴﺮﻋﻪ ﻭﻳﺬﺏ ﻛﻼﻡ ﻳﺴﻢ ﺍﻟﺒﺪﻥ ...
ﺟﺎﻥ ﻣﻮﺟﻮﺩ ﻫﻨﺎﻙ ﺍﻻﻣﻦ ﺍﻟﺴﻌﻮﺩﻱ ﻣﺪﺭﻱ ﺷﻴﺴﻤﻮﻭﺍ
ﻛﺎﻝ ... ﻓﻴﺞ ﺷﺊ ﺍﺧﺘﻲ ﺍﻧﺘﻲ ﻣﻀﻴﻌﻪ ﺗﺒﻴﻦ ﺍﺳﺎﻋﺪﺝ
ﺑﺎﻭﻋﺖ ﻟﻬﺬﺍ ﺍﻟﻲ ﺭﻛﺾ ﻭﺭﺍﻳﻪ ﺑﺨﻮﻑ ﻭﺭﺟﻌﺖ ﺑﺎﻭﻋﺖ ﻟﻠﺸﺮﻃﻲ ... ﺍﻱ ﻋﻤﻮﻭ ﺍﻧﻲ ﻣﻦ ﺍﻟﻌﺮﺍﻕ ﻭﺿﻌﺖ ﻣﻦ ﺯﻭﺟﻲ ﻭﻣﺪﺍ ﺍﻟﻜﺎﻩ ...
ﺑﺎﻭﻉ ﻟﻠﻮﻟﺪ ﺍﻟﻲ ﺟﺎﻥ ﻳﻤﺸﻲ ﻭﺭﺍﻳﻪ ﻭﻫﺬﺍﻙ ﻏﻠﺲ ﻣﻦ ﺷﺎﻑ ﺍﻻﻣﻦ ﻛﺎﻝ ... ﻫﺬﺍ ﺷﻔﻲ ﻳﻜﻂ ﻋﻠﻴﻚ ﻛﻼﻡ
ﺳﺤﺒﻪ ﻭﺟﺎﺑﻪ ﻛﻠﻪ ... ﻭﺵ ﺗﺒﻲ ﻣﻦ ﺍﻟﺒﻨﺖ ﻳﺎﻟﻬﻴﻠﮕﻲ
ﺭﺩ ﺑﺨﻮﻑ ﻣﺨﻠﻮﻃﻪ ﺑﺎﺳﺘﻬﺰﺍﺀ ... ﻫﻲ ﻻﺣﮕﺘﻨﻲ ﻭﺗﺒﻴﻨﻲ ﺍﺭﻗﻤﻬﺎ ﻭﺩﻛﻮﻝ ﺍﻧﻪ ﻣﻦ ﺍﻟﻌﺮﺍﮒ ﻭﺫﺍﻳﺒﻪ ﺑﻬﻞ ﺍﻟﺴﻌﻮﺩﻳﻪ
ﻣﻦ ﻛﺎﻝ ﻫﻴﺞ ﺣﺴﻴﺖ ﻋﻴﻮﻧﻲ ﻃﻠﻊ ﻣﻨﻬﺎ ﺩﺧﺎﻥ ﻣﻦ ﺍﻟﻘﻬﺮ ﻫﺰﻳﺖ ﺭﺍﺳﻲ ﺑﻨﻔﻲ ...
ﺻﺎﺣﺐ ﺍﻻﻣﻦ ﺍﻣﺮﻫﻢ ﻳﺎﺧﺬﻭﺍ ﻭﺍﺧﺬﻭﺍ ﻭﻫﻮ ﻳﺴﺐ ﻭﻳﻐﻠﻂ ﺭﺟﻊ ﺑﺎﻭﻋﻠﻲ ﻛﺎﻝ ... ﺍﺧﺘﻲ ﺣﮕﺞ ﻋﻠﻲ ﻭﺍﻥ ﺷﺎﺀ ﺍﻟﻠﻪ ﻣﺎ ﻳﺼﻴﺮ ﺧﺎﻃﺮﺝ ﺍﻟﻪ ﻃﻴﺐ ﻭﺍﻟﺤﻴﻦ ﺧﻠﻪ ﻧﺪﻭﺭ ﻋﻠﺊ ﺯﻭﺟﻚ ...
ﺿﻠﻴﻨﻪ ﻧﺪﻭﺭ ﻋﻠﺊ ﺻﻼﺡ ﻭﺍﻧﻲ ﺍﺑﺠﻲ ﻓﺠﺎﺓ ﺣﺴﻴﺖ ﺑﺴﻴﻼﻥ ﺍﻟﺪﻡ ﻣﻦ ﺍﻧﻔﻲ ﻭﺩﻣﺮ ﺣﺠﺎﺑﻲ ﺍﻻﺑﻴﺾ ...
ﻭﻛﻌﺖ ﻣﻐﻤﻲ ﻋﻠﻴﻪ ﻣﺎ ﻋﺮﻓﺖ ﺷﻨﻮ ﺍﻟﺴﺒﺐ ﻭﺑﺲ ﺍﺷﻮﻑ ﻏﻮﺍﺵ ﻭﺍﺑﻮ ﺍﻻﻣﻦ ﻳﻀﺮﺏ ﺑﺨﺪﻱ ﻭﻳﻜﻮﻝ ... ﻭﺵ ﻓﻴﺞ ﻳﺒﻨﺖ ﺍﺧﺘﻲ ﺍﺻﺤﻲ ﺍﻟﻠﺤﻴﻦ ﺍﺷﻮﻑ ﺯﻭﺟﻚ ﻭﻳﻦ
ﻣﺎ ﺻﺤﻴﺖ ﺍﻟﻪ ﻭﺍﻧﻲ ﺑﺎﻟﻤﺴﺘﺸﻔﺊ
ﺷﻮﻳﻪ ﻭﺩﺧﻞ ﺻﻼﺡ ﻭﻫﻮ ﻣﻠﻬﻮﻭﻑ ﻓﺘﺤﺖ ﺍﺩﻳﻪ ﺍﺭﻳﺪ ﺣﻀﻨﻪ ﺍﺭﻳﺪ ﺍﺑﺠﻲ ﻏﺮﺑﺘﻲ ﻭﺧﻮﻓﻲ ﻭﻫﻮ ﻣﺎ ﻣﻮﺟﻮﺩ
ﺭﻛﺾ ﻋﻠﻴﻪ ﻭﺣﻀﻨﻲ ﺑﺤﻨﺎﻥ ﻭﻫﻮ ﻳﺒﻮﺱ ﺑﺨﺪﻱ ﻭﻋﻴﻮﻧﻲ ﻭﺭﺍﺳﻲ
ﻫﻤﺴﺖ ﺑﺒﻜﺎﺀ .. ﻟﻴﺶ ﻋﻔﺘﻨﻲ ﺻﻼﺡ ﺟﻨﺖ ﺍﺑﺠﻲ ﻭﺍﺻﻴﺢ ﻋﻠﻴﻚ ﻭﺍﻧﺖ ﻣﺎﻛﻮﻭ ﺧﻔﺖ ﺍﺿﻴﻊ ﺑﺒﻼﺩ ﺍﻟﻐﺮﺏ
ﺍﺣﺘﻀﻦ ﻭﺟﻬﻲ ﺑﺤﻨﺎﻥ ﻭﺑﺎﺱ ﺧﺪﻱ ﺟﺮ ﻧﻔﺲ ﺑﺘﻨﻬﻴﺪﻩ ﻃﻮﻳﻠﻪ ... ﻟﺞ ﻏﻴﺮ ﻣﺘﺖ ﻣﻦ ﺍﻟﺨﻮﻭﻭﻑ ﻭﻛﻢ ﻣﺮﻩ ﺗﻌﺎﺭﻛﺖ ﻭﺍﻧﻲ ﺍﺩﻭﺭ ﻋﻠﻴﺞ ﻭﺍﺗﺼﻞ ﻭﻣﻮﺑﺎﻳﻠﺞ ﻣﻐﻠﻖ
ﺻﺮﺕ ﻣﺜﻞ ﺍﻟﻤﺨﺒﻞ ﺍﻟﻔﺎﻗﺪ ﻋﻘﻠﻪ ﻭﻣﻴﺔ ﻓﻜﺮﻩ ﺍﺟﺖ ﺑﺒﺎﻟﻲ ﻛﻠﺖ ﺍﻧﺪﻋﻤﺖ ﺧﻄﻔﻮﻫﺎ ﻗﺘﻠﻮﻫﺎ ﺿﺎﻋﺖ ﻣﻦ ﺍﻳﺪﻱ ﻭﺑﻌﺪ ﻣﺎ ﻟﻜﺎﻫﺎ ...
ﺿﻠﻴﺖ ﺍﻓﺘﺮ ﺑﻨﻔﺲ ﺍﻟﻤﻜﺎﻥ ﻭﺍﺩﻭﺭ ﻟﻤﻦ ﺷﻔﺖ ﻟﻤﻪ ﻭﻫﻮﺳﻪ ﻣﻦ ﺍﺟﻴﺖ ﻟﻜﻴﺘﺞ ﺍﻧﺘﻲ ﻭﺍﻛﻌﻪ ﻣﺜﻞ ﺍﻟﻤﻼﻙ ﻭﺍﻟﻌﺎﻟﻢ ﻣﺘﺠﻤﻌﻪ ﻋﻠﻴﺞ
ﺑﻌﺪﺗﻬﻢ ﺑﺴﺮﻋﻪ ﻋﻨﺞ ﻭﺣﻀﻨﺘﺞ ﻭﺭﻓﻌﺖ ﻣﻦ ﺍﻻﺭﺽ ﻣﺎ ﺭﺩﺗﻬﺎ ﺗﻼﻣﺲ ﻃﻬﺎﺭﺓ ﺟﺴﻤﺞ ...
ﻛﺎﻟﻮ ﻫﺬﻱ ﺯﻭﺟﺘﻚ ...
ﺟﺎﻭﺑﺘﻬﻢ ﻭﺍﻧﻲ ﺣﺎﺿﻨﺞ ... ﺍﻱ ﺯﻭﺟﺘﻲ ﺯﻭﺟﺘﻲ ﺿﺎﻋﺖ ﻣﻨﻲ
ﺟﺒﻨﺎﺝ ﻫﻨﺎ ﻛﺎﻟﻮ ﻋﻨﺪﺝ ﺍﻧﻴﻤﻴﺎ ﺣﺎﺍﺍﺩﻩ ﻭﺭﺍﺩﻭﺍ ﻳﺴﻮﻭﻟﺞ ﺗﺤﺎﻟﻴﻞ ﺑﺲ ﺣﺎﻟﺘﺞ ﻣﺎ ﺗﺴﻤﺢ
ﺣﻀﻨﺘﻪ ﺍﻛﺜﺮ ﻭﺍﻧﻲ ﺍﺑﺠﻲ ... ﺻﻼﺡ ﺑﻌﺪ ﻻ ﺗﻌﻮﻓﻨﻲ ﻣﺸﻔﺖ ﺷﺼﺎﺭ ﺑﻴﻪ ﻭﻃﻠﻌﻨﻲ ﻣﻨﺎ ﺍﺭﻳﺪ ﺍﺭﺟﻊ ﻟﻠﻔﻨﺪﻕ ...
