" သိပ်မအော်နဲ့လေကွာ ။ သူများတွေကြားသွားဦးမယ် "
" ဟီး ... ဟုတ် မမလှိုင် "
လှိုင် ခပ်တိုးတိုးလေးရယ်လိုက်သည် ။
" မမလှိုင် "
" ရှင့် "
" ထွေးကို တကယ်ချစ်တာလားဟင် "
" တကယ်ပေါ့ "
" ချစ်တယ်လို့ ဖြေပေးပါလား မမလှိုင်ရယ် "
" ထွေးငယ်ကလည်းကွာ ။ကလေးကို အဲ့လိုပြောရမှာ နည်းနည်းများ ရှက်စရာကောင်းနေမလားလို့ "
" ထွေးတောင် လူကြီးကို မရှက်မကြောက်ဘဲ ချစ်စကားပြောခဲ့သေးတာကို "
" မင်းကမင်းလေကွယ် "
" မမလှိုင်က ထွေးကို တကယ်မချစ်ဘူးပဲ "
ထွေး ဝမ်းနည်းဟန်ဆောင်လိုက်သည် "" ချစ်ပါတယ်ထွေးငယ်လေးရယ် "
" ဟီး အဲ့လိုမှပေါ့ မမလှိုင်ရဲ့ "
လှိုင် ထပ်တလဲလဲ ပြုံးမိနေပြန်သည် ။
" မင်း ဘယ်နားကနေ ဖုန်းပြောနေတာလဲ ထွေးငယ် "
" ထွေးက ခြံထဲမှာ လမ်းလျှောက်ရင်းပြောနေတာပါ "
" ဒါဆို ကောင်းကင်ကြီးကို မော့ကြည့်လိုက်စမ်းပါဦးကွယ် "
ထွေး ကောင်းကင်ကြီးကို မော့ကြည့်လိုက်သည် ။
" ကောင်ကင်ကြီးကလှတယ်နော် မမလှိုင် ။ လမင်းကတော့ လပြည့်ညဆို ပိုလှမယ်ထင်တယ်နော် "
" တို့တော့ အဲ့လိုမထင်ပါဘူး ။ လမင်းကြီးက
လေးကိုင်းလေးလိုကွေးနေတဲ့အခါ ပိုကဗျာဆန်တယ် မဟုတ်လား "" မမလှိုင်ပြောတော့လည်း ဟုတ်တာပဲနော် ။ ဒါဆို ကြယ်လေးတွေနဲ့ လမင်းကြီးဆို ဘယ်ဟာပိုလှလဲ မမလှိုင် "
" အကုန်လုံးလှတယ် ထွေးငယ် ။ နောက်ခံကောင်းကင်ကြီးကလည်း လှတယ် ။ မှောင်မိုက်နေတာကိုက လှနေတာ ။ သူသာတခြားအရောင်ဆိုရင် ကြယ်တွေရော လမင်းကြီးရော အခုလောက်လှမယ်မထင်ဘူး "
" မမလှိုင်က ကဗျာဆန်ဆန်တွေသိပ်တွေးတတ်တာပဲ "
" တို့ ဒီလိုတွေမတွေးတတ်တော့တာ နှစ်အတော်ကြာနေပြီ ထွေးငယ် ။ မင်းနဲ့တွေ့တော့မှ ပြန်တွေးတတ်လာတာ "
![](https://img.wattpad.com/cover/306758908-288-k996085.jpg)
BINABASA MO ANG
ကံ့ကော်ဝေသော//ကံ့ေကာ္ေဝေသာ
Romanceကံ့ကော်တွေပွင့်တာမြင်တော့ ကံ့ကော်လှိုင်ဆိုတဲ့အမျိုးသမီးတစ်ယောက်ကို ဖန်တီးမိလိုက်တယ် 💛 ကံ့ေကာ္ေတြပြင့္တာျမင္ေတာ့ ကံ့ေကာ္လွိုင္ဆိုတဲ့အမ်ိဳးသမီးတစ္ေယာက္ကိုဖန္တီးလိုက္မိတယ္💛
Part 10
Magsimula sa umpisa